18 снежня: Андрэй Хадановіч пра Рышарда Капусцінскага і яго новы беларускі пераклад 📘

Андрэй Хадановіч прачытае лекцыю пра польскага пісьменніка Рышарда Капусцінскага і зробіць анлайн-прэзентацыю кнігі "Яшчэ адзін дзень жыцця" ў межах цыкла "Санаторый пад клепсідрай".

Калі выбухнула грамадзянская вайна ў Анголе, Капусцінскі паехаў у Луанду, адкуль усе іншыя ўцякалі ў паніцы. Рэпарцёр цалкам усведамляў, што гэта можа быць білетам у адзін канец. І ў пэўны момант апынуўся там адзіным замежным карэспандэнтам. Тры месяцы вайны пераплавіліся ў культавы рэпартаж, які цяпер з’явіўся і па-беларуску, у кракаўскім выдавецтве “Gutenberg”.

Рышард Капусцінскі (1932-2007) – легенда польскага і сусветнага рэпартажу. Яго здольнасць назіраць і заглыбляцца ў сітуацыю, а таксама ўменне апісаць падзеі аб’ектыўна і цікава зрабілі яго адным з найчасцей перакладаных польскіх аўтараў.

📺 Пачатак трансляцыі 18 снежня (серада) а 16:00 (па Мінску) у суполцы "Прастора польскай культуры" ў Facebook.