ВОЛЬНАЯ БЕЛАРУСЬ

Белсат бывай

Белсат як адзінае фармальна незалежнае беларуская тэлебачаньне перастае існаваць і пераўтвараецца ў частку Цэнтра Замежных Медыяў польскага тэлебачаньня. Кіраўніком беларускай "рэдакцыі" прызначылі Аліну Коўшык!

З логікі падзей (памкненьне ОСТ-АПК уплываць, ці кантраляваць амаль усе медыя) вынікае, што "рэдакцыя" стане выключна прапагандысткім інструментам у руках Офіса Ціханоўскай, з узмоцненай цэнзурай і разбурэньнем мала-мальскі палітычнай аўтаноміі рэдакцыі

Прызначэньне Коўшык - рашэньне выключна палітычнае і ў гэтым сэньсе небясьпечнае для беларускай дэмсупольнасьці.

Прыгадаю, што яна сыйшла з Белсату ў 2022 годзе, далучылася да Кабінету Ціханоўскай, адказвала за "нацыянальнае адраджэньне".

Калі паглядзець на сістэмныя дасягненьні кабінету: вайсковы праект, план Перамога, пашпарт, універсітэт - вынікаў 0.

Не ведаю, ці сыдзе Аліна з "кабінету", бо нібы павінна (хаця ніякія правілы ў дэмакратычнай супольнасьці не працуюць), гэта нічога не зьмяняе. Але таксама сьведчыць пра тое, што справы кабінету не вельмі добрыя, калі міністры шукаюць больш салодкіх мейсцаў.

Канешне, я магу памыляцца, і Аліна абярэ большь значную палітычную місію - працаваць у кабінеце для справы адраджэньня Беларусі.

Лічу, што для застаўшыхся структур Белсату Аляксей Дзікавіцкі быў бы найлепшым кіраўніком з пункту гледжаньня прафесіяналізму. Мне падаецца беларусы замежжа павінны выступіць у яго падтрымку.

САМАЕ ІСТОТНАЕ, ШТО ТРЭБА ВЕДАЦЬ І РАЗУМЕЦЬ БЕЛАРУСАМ

Ніякае аб“яднаньне («всех демократіческіх сіл»), ніякая сумесная кааліцыя, ніякія сумесныя дзеяньні «апазыцыі» ў Беларусі ў прынцыпе не магчымыя пакуль ня будзе вызначана агульная пазыцыя ў адносінах да Расеі. Імпэрыялістычная Расея ёсьць наш экзыстэнцыяльны сьмяртэльны вораг, які ў прынцыпе не прадугледжвае нашага беларускага нацыянальнага існаваньня, незалежна ад таго якая ўлада будзе сядзець у Крамлі.

Паводле Масквы Беларускай нацыі і Беларускай дзяржавы не павінна быць. Беларуская палітыка, якая за вольную незалежную Беларусь і беларуская палітыка, якая пра Беларусь у Расеі і "разам з Расеяй", такая палітыка ніколі ня можа быць аб'яднанай па вызначэньні. Плюс і мінус даюць нуль – анігіляцыю, катастрофу.

У краінах дзе перад нацыяй не стаіць зьнешні экзыстэнцыяльны выбар тыпу -- «быць альбо ня быць» -- у такіх краінах нацыянальнае адзінства, нягледзячы на ўнутраннае жорсткае палітычнае змаганьне за ўладу, існуе само па сабе, існуе рэальна, зыходзячы з адзінства абставін нацыянальнага быцьця. У Беларусі – ня так. Тут вечная вайна з Масквой за нацыянальнае існаваньне. Вайна ў якой нехта павінен парамагчы.


11 лістапад 2024 г. Зянон ПАЗЬНЯК

Сізіфава пракляцьце

Калі Сізіф сказаны на бясконцае цяганьне камяню ў гару, то беларусы, відаць сказаныя на бясконцае галасаванье.

Што мяне здзіўляе ў прасоўвальнікаў ідэі "галасаваньня" дык гэта неабмежаваны палёт фантазіі. Яны гатовы прыдумляць любыя канструкцыі, любыя фантастычныя гісторыі дзеля таго, каб надаць сэнсу сваёй стратэгіі галасаваньня на 2025 год.

Часам гэта прыгадвае наўпрост палітычнае шарлатанства.

Апошняе, што я чуў так гэта тое, што факт галасаваньня супраць усіх у 2025 годзе будзе фактарам сілы ў працэсе перамоваў за круглым сталом".

То бок, не падзеі 2020 году, не беларускія добраахвотнікі, не сілавы ціск рэвалюцыі, а менавіта "галасаваньне супраць усіх" будзе прадумовай палітычнай сілы апазіцыі на перамовах. Гэта як і на якіх перамовах ізноў. Ці яны не адбыліся ўжо ў 2020 і 2021 годзе?

Па-першае, нідзе, ніхто і ніяк не зафіксуе колькі і якіх было галасоў. І фактарам ціску на любых перамовах (уявім сабе такую фантастычную карціну) з’яўляецца толькі сіла;

Па-другое, для людзей якія будуць у камісіях нейкіх маральных прынцыпаў не існуе, есьць толькі адданасьць. Бо інакш яны ў камісіі не патрапяць. Я калісьці ў 2006 годзе сьпецыяльна пайшоў назіраць у сваю школу ў Магілеве. Пад час дыскусіі са сваім былым настаўнікам адносна сітуацыі ў краіне, ен мне сказаў: "такія як вы развалілі Савецкі Саюз, але мы не дадзім вам разваліць Беларусь". Пры чым, гэта быў не самы дурны чалавек.

Наіўныя спадзяваньні, што людзі ў камісіях дазнаюцца праўду і пераменяцца (ці КДБ, і чыноўнікі) мяне не проста здзіўляюць, а ўводзяць у шок. Калі людзі не зьмяніліся пасьля масавых фальсіфікацый, катаваньняў і забойстваў, яны не зьменяцца нават калі сам Хрыстос загадае нефальсіфікаваць выбары. (гл., Вялікі Інквізітар).

Па-трэцьцяе, калі няма ніякіх механізмаў фіксацыі вынікаў галасаваньня супраць усіх, то як галасавальшчыкі зьбіраюцца даказваць, што супраць усіх прагаласавала 10, 20, 30, 50%. Будуць браць лічбы са столі і прыдумляць новыя фантастычныя гісторыі?

Па-чацьвертае, калі галасавальшчыкі патрабуюць (невядома навошта і дзеля чаго) нейкіх новых доказаў актыўнасьці грамадства, гэта азначае, што для йх недастаткова тых доказаў і ахвяраў, якія прынесьлі беларусы ў 2020 годзе. Большасьць грамадзянаў выказалі сваю пазіцыю і йм няма патрэбы яшчэ раз камусьці нешта даказваць. Гэта Сізіфава пракляцьце

Бандарэнка, Зэльцэр, Тарайкоўскі, Пушкін, Ашурак і дзесяткі іншых даказалі і паказалі ўсе сваім жыцьцем.

Навошта ОСТ-КР-АПК нейкія доказы, што яны зочуць ад беларусаў, якой актыўнасьці і што ОСТ-КР-АПК будуць зь ею рабіць? Прадаваць на заходніх базарах?
Гэтае галасаваньне ніякага сэнсу для Беларусі і беларусаў мець не будзе.

Асабіста для мяне пазіцыя беларусаў ясная, прынцыповая і нязьменная.

1. Лукашэнка нелегітымен;
2. Выбараў у Беларусі няма;
3. У краіне пануе тэрор і палітычнае безладдзе;
4. Большасьць грамадзян чакае перамен, але вымушвна скарыцца пад прыгнетам;
5. Ніякае галасаваньне не зьменіць замацаванага факту непрыняцьця сістэмы. Самы лепшы варыянт не ўдзельнічаць у рытуале;
6. Удзел прывядзе да яшчэ большага расчараваньня беларусаў;

Можаш - НЕ ІДЗІ І НЕ ГАЛАСУЙ;
НЕ МОЖАШ НЕ ІСЬЦІ - ІДЗІ І ЗНІШЧАЙ БЮЛЕЦЕНЬ;
НЕ МОЖАШ ГЭТАГА ЗРАБІЦЬ, ТО СТАЎ КРЫЖЫКІ ЯК ЗАЎГОДНА І ДЗЕ ЗАЎГОДНА, АЛЕ ПАМЯТАЙ - ЛІЧЫЦЬ БЮЛЕЦЕНІ НЕ БУДУЦЬ, АГУЧАЦЬ ТОЕ, ШТО ПАТРЭБНА.

Праблема не з інтэлектам

Праматваючы па дыганалі каналы "луказыцыі" ў Сеціве, я натрапіў на выступ юрыста ад Латушкі. Байкот -- гэта легітымізацая Лукашэнкі, -- сказаў гэты спэцыяліст. Ня йсьці на выбары -- знача пагадзіцца з рэжымам і падтрымліваць Лукашэнку.

Пакідаю гэта без камэнтароў, бо тут праблема не з інтэлектам. Выглядае, што ад псэўдавыбараў найбольш узбудзіўся лукашызм у эміграцыі (тут ён мімікрыруе пад "апазыцыю"). Паказ выбарчай апэрацыі самапрызначэньня Лукашэнкі ў Беларусі яшчэ толькі пачынаецца, а за мяжой ужо відаць голае "псэўда-апазыцыйнае" дно. Яма дна такая глыбокая, што здаецца такой яшчэ не было. Нават рэжым у параўнаньні з псэўдамі выглядае больш рэспектабельна.
зп.