З нагоды надыходу зімы падрыхтавалі для вас цікавыя беларускія прыказкі, дзе згадваюць маразы ці зіму☃️

❄️ На свята думай пра будзень, а ўлетку пра зіму.
Папярэджанне, што рыхтавацца да чагосьці трэба загадзя.

❄️ Пытаецца люты, ці добра абуты.
Можна ўспрыняць выраз і літаральна. Так што калі вы не паспелі набыць пухавік ці зімовыя боты, задумайцеся!

❄️ Калі ўлетку на сонцы не папячэшся, то ўзімку з холаду натрасешся.
Азначае, што на нейкі вынік трэба працаваць.

❄️ Каб на хмель не мароз, ён бы тын перарос.
Азначае марнасць разважанняў пра тое, што магло б быць, калі ўсё ўжо адбылося па-іншаму.

❄️ Будзе й на крапіву мароз.
Можаце так сказаць, калі вас нехта пакрыўдзіў. Усё адно і яны атрымаюць сваё – будзе й на крапіву мароз.

З такімі смачнымі выразамі ніякі мароз не страшны, бо беларуская мова нязломная як і мы💪