Годна


Channel's geo and language: Belarus, Belarusian


Мы — каманда экспертак і экспертаў у пытанні беларускай нацыянальнай ідэнтычнасці.
Усё будзе Годна!
Падрабязней на https://hodna.by/

Related channels

Channel's geo and language
Belarus, Belarusian
Statistics
Posts filter


Хто мы такія, беларусы і беларускі? Што нас аб’ядноўвае? У чым нашая беларуская нацыянальная ідэя?

Чацвёрты выпуск гістарычна-філасофскага падкаста «На ростанях» ужо дасяжны на пляцоўках!

Гэты выпуск прысвечаны пошуку беларускай нацыянальнай ідэі. Вядучыя Ліза Ветрава і Цімох Акудовіч вызначаюць кампаненты нашай сучаснай ідэнтычнасці, разважаюць пра гісторыю барацьбы за незалежнасць і цяперашняе змаганне за дэмакратычныя пераўтварэнні.

Запрашаем да праслухоўвання і абмеркавання па спасылцы ніжэй:
https://linktr.ee/na_rostaniach


❤️ Сябры і сяброўкі, дзякуй, што былі з намі! Дзякуй за Вашыя эмоцыі, лайкі і каментары.

Спадзяемся, у нас разам атрымалася стварыць святочную атмасферу яднання.

З Днём Волі! Жыве Беларусь!

#БНР106








Ужо праз гадзіну, а 19:00 па мінскім часе, на нашым Youtube-канале пачнецца святочная анлайн-трансляцыя

Запрашаем вас далучацца разам з сябрамі і сваякамі 👇🏻
https://www.youtube.com/live/pnezxWtdf1E?feature=shared


Сёння асаблівы дзень для нашай каманды "Годна" – мы адзначаем не толькі Дзень Волі, а яшчэ і наш Дзень Нараджэння 🎉

Дзелімся з вамі адказамі на ТОП-6 пытанняў і адказаў пра нас. Запрашаем больш даведацца пра тое, што нас натхняе, што мы робім, і чаму нашая праца такая важная 👇🏻

❔ Як з’явілася ідэя стварыць Годна?

Мы – беларусы і беларускі, якія любяць Беларусь, ганарацца сваёй краінай, гісторыяй і культурай. Мы верым у перспектывы Беларусі, гэта натхніла нас прысвяціць сябе ўзмацненню беларускай нацыянальнай ідэнтычнасці.
Мы не звышлюдзі і не прафесійныя навукоўцы. Мы развіваем сваю экспертнасць, каб ствараць сучасную беларускую нацыянальную ідэю.

❔ Навошта нам усім патрэбная нацыянальная ідэя?

Мы жывём у свеце нацыянальных дзяржаваў, дзе існаванне беларускай нацыі ўзбагачае сусветную культуру, робіць наш рэгіён больш жывым і бяспечным. Разнастайнасць нацый у 21 стагоддзі важная для прагрэсу ўсяго чалавецтва, бо стымулюе культурнае і інтэлектуальнае развіццё.

❔ І ў чым жа беларуская нацыянальная ідэя?

Мы – беларусы і беларускі – самастойная нацыя з унікальным гістарычным досведам, які дае нам права і сілы браць адказнасць за пабудову сваёй незалежнай дзяржавы.
Мы – беларусы і беларускі – усведамляем сваю багатую культурную спадчыну, шануем традыцыі нашага народа і імкнёмся быць годнымі людзьмі.
Мы – беларусы і беларускі – ствараем справядлівую будучыню, дзе ёсць месца любым ідэям, якія ўмацоўваюць дабрабыт беларусаў і натхняюць увесь свет.

❔ Што нас аб’ядноўвае?

Нас яднае ўпэўненасць у перспектывах нашага народа. Ядро нашых каштоўнасцяў – незалежнасць Беларусі. Мы цэнім чалавечае жыццё, бяспеку і адказнасць, адстойваем свабоду самавыражэння і роўнасць.
Беларуская культура ва ўсёй яе разнастайнасці — наш гонар і натхненне, а жывая беларуская мова – спосаб далучэння да мудрасці нашага народа.
Адкрытасць да новых ідэй стымулюе нас да пастаяннага ўдасканалення. Нашыя стасункі абапіраюцца на павагу адно да аднаго і прызнанне права на змены як драйвера прагрэсу.

❔ Што мы зрабілі?

Насамрэч, значна больш, чым тое, чым можам пахваліцца публічна!
Але вось некалькі лічбаў:

- больш за 109 тысяч падпісантаў і падпісантак ва ўсіх сацсетках. За што дзякуй вам вялікі!
- больш за 20 медыя-праектаў
- больш за 10 мільёнаў праглядаў на розных пляцоўках
- 2 адукацыйныя цыклы, каб актывістаў і актывістак беларускай культуры стала больш.


❔ Ці мы экстрэмісты?

Мы не лічым сябе экстрэмістамі ў навуковым разуменні гэтага слова :)
Але, на жаль, суд Партызанскага раёна г. Мінска мае іншае меркаванне – сацыяльныя сеткі “Годна” прызнаныя экстрэмісцкімі матэрыяламі. Таму заклікаем не лайкаць і не каментаваць нас, калі вы ў Беларусі, асабліва, калі вы падпісаныя сваім сапраўдным імем і прозвішчам.

Падтрымаць нашую працу можна падпісаўшыся на спонсарскую падпіску на YouTube, альбо стаўшы нашым Патронам.


З Днём Волі, шаноўныя беларусы і беларускі! ❤️

Сёння 106 гадавіна з дня абвяшчэння незалежнасці Беларускай Народнай Рэспублікі – нашай першай нацыянальнай дзяржавы. Тады, 25 сакавіка 1918 года, нашыя продкі сярод хаосу войнаў і рэвалюцыяў, насуперак дзвюм вялікім імперыям, гучна на ўвесь свет заявілі: «Мы – беларусы! Мы – ёсць!»

Сённяшні дзень – гэта адметны момант для ўсіх нас, каб спыніцца і задумацца пра нашае мінулае, сучаснае і пра будучыню. Пра тое, які шлях мы ўжо прайшлі ў сваім імкненні да свабоды і незалежнасці. Пра тое, як мужна і ўпарта змагаліся нашыя продкі за тое, каб сёння мы маглі з гонарам і годнасцю быць беларусамі і беларускамі, шанаваць сваю культуру і мову. Як шмат ужо зроблена. І колькі яшчэ належыць зрабіць…

Сёння мы ўшаноўваем нязломную прагу беларускага народа да свабоды і незалежнасці. Мы народ, які ніколі не здаецца. І гэтым варта ганарыцца!

Мы, каманда «Годна», радыя разам з вамі, дарагія сябры і сяброўкі, быць часткай гэтага народа і ісці гэтым шляхам разам з вамі! Няхай кожны дзень прыносіць нам надзею і натхненне працаваць разам дзеля будучыні нашай краіны.

Будзьма ж разам адзначаць гэты дзень з гонарам і верай у светлую будучыню! Запрашаем вас у госці на анлайн-святкаванне, якое адбудзецца ўжо сёння а 19:00 па мінскім часе на YouTube-канале «Годна». Спасылка на трансляцыю ніжэй: https://www.youtube.com/live/pnezxWtdf1E?feature=shared.

З Днём Волі, беларусы і беларускі! ❤️


📝 Трэцяя Устаўная грамата – чаму яна важная для нас?

Раніцай 25 сакавіка 1918 года ў Мінску была прынятая Трэцяя Устаўная грамата, якая абвяшчала незалежнасць Беларускай Народнай Рэспублікі.

Распавядаем, чаму гэтая падзея важная для нас
⬇️

— Пачатак дзяржаўнасці.
Гэтая дата сімвалізуе нараджэнне першай сучаснай беларускай дзяржавы. Абвяшчэнне незалежнасці разгарнула новую старонку ў нашай гісторыі, беларусы і беларускі абвесцілі пра сваё існаванне на ўвесь свет.

— Спрыянне дэмакратычным пераўтварэнням.
Гэтая падзея заклала аснову для далейшага развіцця нашых дэмакратычных інстытутаў і той Беларусі, дзе павага да правоў чалавека з'яўляецца ключавым элементам. Гэты крок спрыяў пашырэнню ідэй сучаснай дэмакратыі на нашай тэрыторыі.

— Падмурак для развіцця адукацыі і культуры.

Прыняцце Трэцяй Устаўной граматы і абвяшчэнне незалежнасці БНР стала крокам да адраджэння беларускай культуры, мовы, а таксама адукацыі. Пасля стагоддзяў знаходжання ў чужой культуры ў складзе Расійскай імперыі.

— Міжнароднае прызнанне.
Гэтая падзея адкрыла шлях для міжнароднага прызнання Беларусі як незалежнай дзяржавы. Хоць шлях да поўнага прызнання быў доўгім, менавіта гэты дзень з'яўляецца ключавым момантам у гісторыі незалежнасці Беларусі.

— Узмацненне нацыянальнай ідэнтычнасці.
Абвяшчэнне незалежнасці БНР моцна паўплывала на ўмацаванне нацыянальнай свядомасці беларусаў і беларусак. Гэта быў акт, які вызначаў Беларусь як нацыю з уласнымі ідэнтычнасцю, гісторыяй і культурнымі традыцыямі.

— 25 сакавіка – Дзень Волі.
Сёння гэтая дата адзначаецца як Дзень Волі, які стаў сімвалам барацьбы беларускага народа за сваю ідэнтычнасць, незалежнасць і правы.
Дзень 25 сакавіка з'яўляецца святам, якое адзначаецца беларусамі і беларускамі ўсёй планеты як дзень нацыянальнай годнасці і свабоды.

Менавіта ў гэты дзень мы, беларусы і беларускі, упершыню на ўвесь свет заявілі: мы ёсць, у нас ёсць свая зямля і права будаваць сваю будучыню. Давайце ж правядзем гэты важны дзень разам!

25 сакавіка а 19 гадзіне па мінскім часе на нашым Youtube-канале мы ладзім для вас святочную анлайн-трансляцыю. Запрашаем вас далучацца разам з сябрамі і сваякамі!

📍Спасылка на трансляцыю тут.

📌 Падтрымаць правядзенне БНР106 можна тут.


СВЯТКУЕМ ДЗЕНЬ ВОЛІ ЎЖО ЗАЎТРА!

25 сакавіка – адзін з найважнейшых дзён у гісторыі нашай краіны. Гэта дзень, калі была створаная Беларуская Народная Рэспубліка – першая незалежная дзяржава беларусаў і беларусак. Уявіце, што гэты дзень – як Дзень народзінаў нашай Радзімы, Беларусі, толькі ёй, вядома, не 100 гадоў, а значна больш. Збірайце сяброў і блізкіх за святочным сталом, сустракайцеся разам у файнай кампаніі. Мы запрашаем вас у госці на анлайн-святкаванне!

Трансляцыя пачнецца а 19:00 на YouTube-канале «Годна» ужо заўтра!

Для вас праспяваюць:
– J:МОРС,
– NAVIBAND,
– ŠUMA,
– NOCHY,
– DZIECIUKI,
– VOLSKI.

Таксама ў эфіры запланаваныя абмеркаванні з удзелам экспертак і экспертаў – на тэму гісторыі і культуры Беларусі, нашай сучаснасці і будучыні. А весці гэтае мерапрыемства будуць Ліза Ветрава і Дзяніс Дудзінскі.

Давайце адзначым гэты дзень разам!

📌 Падтрымаць правядзенне БНР106 можна тут.


Ну што, вось і апошні пост паводле апытанкі, якую мы праводзілі ў нашым Інстаграм у сторыс. Дзякуй вялікі ўсім нашым падпісантам і падпісанткам, хто прымаў удзел у апытаннях 🫶🏻

🏰💫 Сёння мы распавядзем пра ТОП-5 месцаў у Беларусі, якія здольныя зачароўваць, натхняць і заставацца ў памяці назаўжды!

Гартайце карцінкі!


⚡Замена на #БНР106! 

Гурт Dlina Volny, на жаль, не зможа выступіць на анлайн-святкаванні БНР106. І мы шчыра зычым вакалістцы Машы як мага хутчэй ачуняць і больш не хварэць! 

Але мы проста не можам вас пакінуць толькі з гэтай навіной, таму Dlina Volny на БНР106 заменіць Šuma! 

Цудоўная беларуская электроніка з элементамі этна прагучыць ужо 25 сакавіка а 19:00 на YouTube-канале «Годна»! Не прапусці!

Падтрымаць правядзенне БНР106 можна тут


🧐 «Адкуль пайшла нашая беларуская мова? А як яна развівалася з цягам часу і навошта нам патрэбная?» – адказы на гэтыя і іншыя важныя пытанні можна знайсці ў новым выпуску гістарычна-філасофскага падкаста «На ростанях»!

Гэты выпуск прысвечаны гісторыі і культурнай значнасці беларускай мовы. Размова пойдзе пра этапы развіцця нашай мовы. Пройдземся як па перыядах росквіту, так і па часах заняпаду.

Вядучыя Ліза Ветрава і Цімох Акудовіч дзеляцца сваімі думкамі пра значэнне беларускай мовы для існавання нацыі, разважаюць пра ролю беларускай мовы ў адукацыі, культуры і паўсядзённым жыцці беларусаў і беларусак. Таксама гутарка пойдзе пра ролю бізнеса, медыя і сацыяльных сетак у захаванні і папулярызацыі беларускай мовы.

Трэці выпуск «Шлях беларускай мовы» гістарычна-філасофскага падкаста «На ростанях» можна паслухаць па гэтай спасылцы 👇🏻
https://linktr.ee/na_rostaniach


Video is unavailable for watching
Show in Telegram
21 сакавіка 1840 года нарадзіўся Францішак Багушэвіч — паэт і адзін з заснавальнікаў новай беларускай літаратуры.

Менавіта ён канчаткова замацаваў за народам і краінай назвы «беларусы» і «Беларусь».

Распавядаем у відэа падрабязней пра яго!


🏞️🌆 Апытанка №8 ужо ў сторыс у нашым Інстаграм!

Гэта, дарэчы, будзе апошняя сер
ыя апытанняў :( Таму не прапускайце яе і абавязкова паўдзельнічайце!


🎶🎧 «Які твой улюбёны музычны беларускі гурт ці беларускі музыка?» – запыталіся мы ў нашых падпісантаў і падпісантак і прынеслі вам вынікі апытанкі!

Склалі топ-5 папулярных сучасных беларускіх музыкаў і гуртоў, гартай карцінкі!


17 сакавіка 1597 года Віцебск атрымаў Магдэбургскае права – права горада на самакіраванне.

У Вялікім Княстве Літоўскім Магдэбургскае права надавалася як заахвочванне для лепшага развіцця горада і ўзнагарода гараджанам за іх заслугі. Горад, надзелены Магдэбургскім правам рабіўся самастойнай адміністрацыйнай адзінкай са сваім грамадзянствам, інстытутамі ўлады, гербам, падатковай сістэмай.

У другім эпізодзе нашага падкаста «На ростанях», прысвечанага гісторыі дэмакратыі ў Беларусі, мы паглыбляемся ў шлях развіцця дэмакратычных прынцыпаў на беларускіх землях. Адным з ключавых момантаў у гэтым кантэксце стала прыняцце Магдэбургскага права беларускімі гарадамі.

Распавядаем 4 захапляльныя факты пра Магдэбургскае права:

— Насамрэч, гарадское самакіраванне ў Беларусі з’явілася значна раней за Магдэбургскае права. Адным з ранніх варыянтаў мясцовай дэмакратыі беларускага ўзору можна лічыць Полацкае веча, якое ў пэўныя часы мела паўнамоцтвы нават запрашаць князёў на пасаду альбо наадварот пазбаўляць улады, выганяючы з горада.

— Магдэбургскае права рабіла горад сапраўднай свабоднай эканамічнай зонай – гараджане самі распараджаліся ўласным бюджэтам, узнікала манаполія на гандаль і рамёствы.

— Гарадскі кіраўнік у часы панавання Магдэбургскага права часта будаваў інфраструктуру за свой кошт. Але мясцовыя жыхары рабілі сваю ацэнку і вызначалі, ці на слушныя мэты пайшлі грошы, а калі прыходзілі да высновы, што не – маглі адмовіцца кампенсаваць выдаткі.

— Бывалі і выпадкі пазбаўлення Магдэбургскага права.
Напрыклад, у таго ж Віцебска гэтае права забралі за забойства біскупа Язафата Кунцэвіча падчас паўстання праваслаўных жыхароў супраць навязвання ўніяцтва. Але потым, за заслугі ў вайне з Маскоўскай дзяржавай Віцебск здолеў дамагчыся аднаўлення свайго статусу і вярнуў Магдэбургскае права назад.

Кожны і кожная, хто цікавіцца гісторыяй і культурай нашай краіны, дакладна знойдзе ў выпуску нашага падкаста «На ростанях» яшчэ шмат цікавага і здзіўляльнага.

Спасылка на падкаст👇🏻
https://linktr.ee/na_rostaniach

17 last posts shown.