ПУЛ Кореличский

Час выбраў нас: дыялог пра будучыню Беларусі
18 снежня на базе Турэцкага Дома культуры і вольнага часу ў фармаце дыялогавай пляцоўкі “Час выбраў нас” прайшло пасяджэнне клуба «Малады спецыяліст».
Гэта была жывая і шчырая размова, а яе ўдзельнікі – працоўная моладзь і эксперты – выказвалі свае меркаванні, ідэі і прапановы датычна развіцця і рэалізацыі маладзёжнай палітыкі ў нашым рэгіёне.
У мерапрыемстве прынялі ўдзел старшыня Карэліцкага райвыканкама Андрэй Гардзей, намеснік старшыні Карэліцкага райвыканкама Яўген Чычкан, дырэктар ДП “Чарняхоўскі-Агра” Наталля Дубкова і старшыня Турэцкага сельвыканкама Мікалай Шуляк.
Спікеры звярнулі ўвагу на магчымасці раскрыцця здольнасцяў чалавека, іх прымянення на кожным жыццёвым этапе, што з'яўляецца складнікам каштоўнасці жыцця. Далі сваю трактоўку галоўным каштоўнасцям жыцця і для чаго час выбраў менавіта яго.

На Карэліччыне  працягваюцца сустрэчы прадстаўнікоў раённай улады з працоўнымі калектывамі на тэму маючых адбыцца выбараў. 18 снежня прайшла сустрэча працоўнага калектыву ДП “Чарняхоўскі-Агра” са старшынёй Карэліцкага раённага Савета дэпутатаў Аляксеем Гаўрошам.
Аляксей Іванавіч акцэнтаваў увагу на маючых адбыцца выбарах Прэзідэнта Рэспублікі Беларусь.
—   Сёння ад кожнага з нас залежыць падтрыманне міру і дабрабыту грамадзян — у нашых сілах іх захаваць і прымножыць. Нацыянальны брэнд Беларусі — сацыяльна-арыентаваная дзяржава, дзе вялікая ўвага надаецца сістэме адукацыі, ахове здароўя, сацыяльнай сферы, падтрымцы сацыяльна неабароненых катэгорый грамадзян, шматдзетных сем’яў, маладых спецыялістаў. Дзярждапамогу адчувае на сабе кожны з нас. Прыемна, што сацыяльная падтрымка насельніцтва пастаянна ўдасканальваецца. Рост заробкаў, сацыяльных дапамог і пенсій — заўсёды ў прыярытэце нашага Прэзідэнта,—  падкрэсліў прамоўца.
Аляксей Іванавіч таксама спыніўся на  асаблівасцях сацыяльна-эканамічнага развіцця.