Стары мост у новым сезоне зноў упрыгожаць кветкамі, але па-іншаму, а парк Жылібера зменіцца

У апытанцы ў інстаграме гарвыканкама палова выказалася за, палова супраць кветак на мосце.

Абралі кампраміс: кветкі вырашылі размяшчаць не суцэльнай паласой, а хвалямі: такім чынам частка парэнчаў застанецца незакрытай і ў прасветы будзе бачны Нёман і замкі.

🌼Азеляненне зробяць з выкарыстаннем балконных скрыняў і вазонаў на 1,5 л. Туды пасадзяць супертуніі ружовага, белага, жоўтага і чырвонага колераў - па колеры на "хвалю".
*Супертунія - новы гатунак каскадных петуній, які адрозніваецца больш моцным ростам і большай колькасцю кветак, чым традыцыйныя петуніі, а таксама большай устойлівасцю да неспрыяльных умоў надвор'я.

Акрамя гэтага ў горадзе плануюць пасадзіць у прамым сэнсе мільён кветак, паставіць новыя канструкцыі, будзе шмат клумбаў. У задачы пастаўлены правільны догляд і новыя віды.

🌳Зменіцца парк Жылібера: злева ад танцпляцу, паміж ім і вяровачным мястэчкам, зробяць зялёны лабірынт з вечназялёных кустарнікаў. На плане бачна, што ён не будзе высокі - прыблізна па калена даросламу чалавеку.

Крыніца: гарвыканкам