Urban Hrodna - городская среда Гродно

❗️Адметны драўляны будынак 1932 г. у стылі канструктывізму на Міцкевіча, 1 усё ж збіраюцца знесці❗️

Пад словам "рэканструкцыя" зноў маюць на ўвазе дэмантаж і адбудову нанова - але нечага нават не надта падобнага да арыгінала. Праект новага будынку на месцы гістарычнага для планаванай гасцёўні апублікаваў гісторык Miečyslaŭ Jan (фота 1).

Знесці збіраюцца і суседні мураваны аднапавярховы будынак 1915 г. пабудовы па Філарэта, які стаіць усутыч.

Паводле праекта, там збіраюцца ўзвесці трохпавярховы аб'ём, істотна большы за арыгінальныя будынкі. Толькі яго вуглавая частка будзе нагадваць фасад цяперашняга дома на Міцкевіча, 1.

Будынкі адселеныя, але захаваныя ў добрым стане.

🆘 Магчыма, сітуацыю яшчэ можна выправіць і захаваць адзін з адметных будынкаў Новага Свету і Гародні. У сакавіку-красавіку плануюць грамадскія абмеркаванні справаздачы па ацэнцы ўплыву на навакольнае асяроддзе. Канчатковае рашэнне яшчэ не прынята.

❗️Заклікаем пісаць афіцыйныя звароты да ўладаў❗️

Дом - прыклад драўлянага канструктывізму на рагу Міцкевіча ў Новым Свеце пераробяць пад гасцініцу 🏛

Зялёны будынак на рагу Міцкевіча і Мітрапаліта Філарэта пераробяць пад гасцініцу з рэстаранам і кафэ на першым паверсе. Гэта драўляны дом у стылі канструктывізму 1930-х, адзін з нячастых прыкладаў такой архітэктуры ў Гродне.

На сайце гарвыканкама з'явілая праграма АУНА, у якой сказана пра рэканструкцыю нежылога дома. Прызначэнне зямельнага надзела пад ім - будаўніцтва і абслугоўванне гасцініцы і грамадскаага харчавання. Наколькі ў часе прац захаваюць будынак, пакуль не зразумела.

🏗 Што будзе ў выніку:
▪️на 1 паверсе – рэстаран, кафэ і вестыбюль гасцініцы,
▪️на 2 і 3 паверхах – апартаменты і нумары,
▪️у падвале – тэхнічныя і дапаможныя памяшканні.
Ацяпленне і гарачая вада – ад кацельні на газе або на цвёрдым паліве.

❗️Дом знаходзіцца ў зоне аховы нерухомых гісторыка-культурных каштоўнасцей: «Гістарычны цэнтр г. Гродна» і ў водаахоўнай зоне Юрысдыкі. Рэалізоўваць праект будуць з улікам комплекснага навуковага даследавання, а для земляных і будаўнічых прац спатрэбіцца археалагічны нагляд.

👥 Праект справаздачы аб уплыве на навакольнае асяроддз (АУНА) выставяць на грамадскае абмеркаванне:
- сакавік 2025 – падрыхтоўка справаздачы аб уплыве на навакольнае асяроддзе,
- сакавік-красавік 2025 – грамадскія абмеркаванні,
- травень-чэрвень 2025 – канчатковае рашэнне па рэканструкцыі.
❗️Сход будуць праводзіць толькі ў выпадку зваротаў грамадзян.

🛠 Замоўца праекта – гандлёвы дом «Шакоціс».

📖 Дом пабудаваны пасля 1932 г. Мае гарызантальную абшыўку, кампазіцыя пабудавана на суадносінах аб'ёмаў розных вышынь.Нізкасхільны дах схаваны за шырокім карнізам. Вокны рознага памеру надаюць дому выразнасць і ўнікальны рытм. Магчыма, у 1937 г. тут быў магазін таварыства «Ранак» («Jutrzenka»).

Гродназеленбуд паставіў у парку на Леванабярэжнай домік для сваіх супрацоўнікаў

Там яны змогуць пераапранацца і адпачываць у абедзены перапынак.

На Савецкай абнаўляюць лавачкі

Таксама плануюць рамонт падпорных сценак падвышаных газонаў і замену пашкоджанай пліткі і мармура.

У Гродне пачалі падрыхтоўку да рамонту вайсковых могілак па Белуша

Дом на Міцкевіча, 9 рэканструююць пад краму

Гэта суседні будынак з «Домам з цмокамі» ў Новым Свеце.
Ён стане будынкам адміністрацыйна-гаспадарчага прызначэння, з крамай нехарчовых тавараў і кабінетамі.

Вакол добраўпарадкуюць тэрыторыю: азеляняць, пракладуць дарожкі.
Ацяпленне зробяць ад гарадскіх цепласетак (пераважны варыянт) або ад міні-кацельні (электрычнай, газавай або на біямасе).

📍 Будоўля будзе ў зоне аховы гістарычнай забудовы і водаахоўнай тэрыторыі Гараднічанкі.

📅 Правядуць грамадскія абмеркаванні справаздачы аб уплыве на навакольнае асяроддзе (АУНА):
да лютага 2025 — падрыхтоўка справаздачы АУНА;
да красавіка 2025 — грамадскія абмеркаванні і сход;
да ліпеня 2025 — канчатковае рашэнне па праекце.

📒Будынак выкупіла фірма "Формула вады" ў 2020 г., як і Міцкевіча, 7. Умовы продажу забаранялі разбурэнне, пашкоджанне будынкаў, пагаршэнне іх тэхнічнага стану і навукова неабгрунтаванае змену параметраў, страту канструктыўных і архітэктурных асаблівасцей, пагаршэнне іх успрымання, неабгрунтаваную змену архітэктуры фасадаў. Раней будынкі, якія лічацца сімваламі раёна ўнікальнай гарадской драўлянай забудовы Новы Свет, хацелі зносіць, але гараджане пратэставалі.

Воданапорную вежу ў самым цэнтры Фолюша хочуць захаваць - яе прадаюць са зніжкай 10%. Там можна адкрыць кафэ!

Аднапавярховую вежу плошчай 24,6 кв.м збудавалі ў 1968 г.

У арэнду прапануюць надзел зямлі пры ёй плошчай 0.0371 га па адрасе зав. Фолюш, 4.

Частка вежы плошчай 12,3 кв.м здаецца ў арэнду да 25.10.2026 пад абсталяванне базавай станцыі сотавай сувязі.

Паводле ўмоў, у пабудове можна адкрыць памяшканне адміністрацыйнага і (або) адміністрацыйна-гандлёвага, фінансавага, фізкультурна-аздараўленчага і (або) спартыўнага прызначэння, рознічнага гандлю, грамадскага харчавання.

Новы пачатковы кошт - 82 628 руб. Вежу ўжо спрабавалі прадаць у 2024 г.
Аўкцыён пройдзе 14 сакавіка.

Так расце ЖК "Аляксандраўскі" на Шчорса, які стане чарговым вечным нагадваннем пра неабароненую і знішчаную спадчыну Гародні. Назва - у гонар захаваных да нядаўняга часу, але знесеных аляксандраўскіх казармаў кан. XIX ст.

Можна параўноўваць з рэндэрамі. Другі будынак толькі пачаў расці над падмуркам.

Фота будоўлі: NewGrodno

На OldCity пачынаецца вялікая будоўля: будуць пашыраць гандлёвыя плошчы і ўзводзіць новыя будынкі

❗️ Праз гэта прыпынак "Гандлёвы цэнтр «OldCity» пераносяць на 250 м далей у бок прыпынка "МНС".

Ён будзе там да 30 траўня.

Крыніца: "Гродна Плюс"

⛔️ Вуліцу Свярдлова закрылі на рамонт

Праезд для аўто забаронены.
🗓 Агулам рамонт мусіць заняць каля месяца

Рух будуць перакрываць у тры этапы:
▪️ад Сацыялістычнай да Маладзёжнай з 28.01 (з 17.00),
▪️ад Маладзёжнай да воданапорных вежаў "Касі" і "Басі",
▪️ад вежаў да павароту вуліцы Будзёнага.

На рамонт кожнага ўчастка сыдзе не менш за тыдзень.

Крыніца: гарвыканкам

У гродзенскіх мікрараёнах садзяць сосны

Напрыклад, пасадкі ёсць на Пестрака ў раёне гарадской паліклінікі № 3.

Дрэўцы высаджаны і ў прыдарожных палосах, і на невялікіх вольных месцах каля шматпавярхоўкаў.

Сосны - не самы папулярны гарадскі від, бо:

➖кепска пераносяць забруджанае паветра;
➖маюць шырокую каранёвую сістэму і могуць дасягаць значных памераў, што патрабуе дастатковай прасторы для росту;
➖смалістыя іголкі і драўніна соснаў могуць павышаць рызыку ўзнікнення пажараў, асабліва ў засушлівыя перыяды;
➖апалая ігліца павышае кіслотнасць глебы, што можа негатыўна ўплываць на іншыя расліны ў наваколлі.

Але:
➕пры належным доглядзе вырастаюць за 10 гадоў!
➕вечназялёныя дрэвы спрыяюць зніжэнню стрэсу і павышаюць агульнае пачуццё камфорту ў гарадскім асяроддзі;
➕могуць расці на пясчаных і бедных пажыўнымі рэчывамі глебах;
➕забяспечваюць прытулак і ежу для пэўных відаў жывёл і птушак, спрыяючы біяразнастайнасці нават у гарадскіх умовах;
➕добра адаптуюцца да засушлівых умоў, што робіць іх карыснымі для азелянення раёнаў з абмежаваным палівам;
➕як і іншыя дрэвы, паглынаюць вуглякіслы газ і выдзяляюць кісларод, а іх іголкі ўлоўліваюць пыл і аэразолі, што асабліва важна ў гарадскіх умовах;
➕карэнне стабілізуе глебу і прадухіляе эрозію, асабліва на схілах і ў раёнах з беднымі глебамі.