STRYZHAK

- Слухайце, а навошта яны зрабілі гэты сэрвіс? Ён жа абсалютна бескарысны!
- Ня толькі бескарысны, але яшчэ і бясплатны!

Ментамор, які няўмольна косіць маёрска-палкоўніч'і шэрагі навявае на цікавыя думкі. Ці мерлі яны раней так масава, ці гэта проста цяпер кожная такая смерць прыцягвае ўвагу і выклікае думкі пра тое, што савецкая міліцыя - нішто перад кармічнай паліцыяй?

7 СЦВЕРДЖАННЯЎ ПА АТАЦЫ ІРАНА ПА ІЗРАІЛІ

1) іранская зброя эфектыўная для вайны тэхналагічна адсталых у ваенным плане краін, ва ўмовах нармальнай супрацьпаветранай абароны, яна неэфектыўная;

2) для наймацнейшага за ўсю гісторыю і першага публічнага ўдара Ірана па ненавісным ворагу, была выкарыстаная сувымерная з рэгулярнымі атакамі па Украіне колькасць сродкаў нападу (окей, мапедаў накіравалі болей, але іх эфектыўнасць ва ўмовах нармальнай СПА нізкая);

3) у Ізраіля зараз на руках усе казыры для дзеяння па ўсіх кірунках - ад моцнага адказу па іранскай тэрыторыі, да зачысткі Лівана, ці моцнага ўдара па Сірыі. Ініцыятыва ў руках ізраільцян;

4) калектыўны Захад існуе і ў стане абараняцца і абараняць тых, каго лічыць сваімі саюзнікамі. Развітая дэмакратыя мае неаспрэчную тэхналагічную і ідэалагічную перавагу над развітой дыктатурай;

5) мусульманскі свет неаднародны і з часам усё змяняецца. Прасунутыя краіны Бліжняга Ўсходу хочуць міра, гандлю і развіцця стасункаў, а не вайны. Паводзіны Іярданіі, якая перахоплівала іранскія дроны - лепшая дэманстрацыя гэтага трэнда. А калісьці Іярданія была ў ліку краін якія ваявалі з Ізраілем;

6) за ўдарам па Ізраілі вельмі ўважліва сочаць у Пекіне і Маскве і карэгуюць свае планы па нападзе на Тайвань і краіны Балтыі. Чым слабей вынікі іранскай зброі і чым мацней адказ калектыўнага Захаду, тым больш ЕС і НАТА маюць часу на падрыхтоўку да Вялікай Вайны і на ўмацаванне абароназдольнасці. Планетарная гапата разумее толькі сілу;

7) ЦАХАЛ вывучыў досвед расейска-украінскай вайны і тактыку змяшаных ракетна-дронавых удараў. Паспяхова адбітая іранская атака аднаўляе рэпутацыю ізраільскага войска, пасля ганьбы 7 кастрычніка мінулага году.

Upd: а вось і пачалося

Падобна на тое, што ў бліжэйшы час Іран нанясе ўдар па Ізраілі. Вайна становіцца ўсё больш папулярным інструментам міжнародных стасункаў.

І Першая і Другая сусветныя пачыналіся са шматлікіх рэгіянальных канфліктаў, якія паступова ўцягнулі ў сябе ўвесь свет.

Важна памятаць што даты пачатку планетарных войнаў, гісторыкі звычайна даюць пасля іх заканчэння. Ніхто ня ведае сёння, якую дату будуць лічыць нашыя дзеці днём пачатку Трэцяй сусветнай.

Зразумела, калі будзе каму лічыць.

👆👆👆ДАЎ АДЗІН З САМЫХ ЖОРСТКІХ МАІХ КАМЕНТАРОЎ МЕДЫЯ👆👆👆

За апошні час чуў шмат розных ідэй і абмеркаванняў пра вызваленне палітвязняў. Мяркую што важна агучваць і маю пазіцыю, а яна далёкая ад аптымізму ў гэтым пытанні. Не таму што я не хачу каб нашыя выйшлі на волю, а таму што я не хачу даваць людзям хлуслівыя спадзяванні на хуткае пазітыўнае рашэнне праблемы. Хутка ня будзе. Проста таксама ня будзе.

Але мы не павінныя здавацца і пакідаць усё на волю лёсу. Увесь сектар дапамогі, у тым ліку і BYSOL будзе працягваць сваю справу: дапамагаць, ратаваць, падтрымліваць столькі, сколькі спатрэбіцца.

Аляксандр Кулініч - шостая палітычная ахвяра лукашэнкаўскіх турмаў.
З тых, пра каго мы ведаем.