23-24 сакавіка ў Празе пройдзе Трэцяя канферэнцыя беларусаў свету. Форум ладзяць Офіс Святланы Ціханоўскай, Аб’яднаны пераходны кабінет, Офіс дэмакратычных сіл у Чэхіі і Народныя амбасады.

Як ідзе падрыхтоўка да Канферэнцыі радыё Ўнэт расказала дырэктарка Офіса дэмакратычных сіл Беларусі ў Чэхіі Крысціна Шыянок.

Наш пражскі Офіс у межах канферэнцыі будзе адказваць за беларуска-украінскую секцыю. І гэта, бадай, упершыню, калі на нашай дыяспаральнай канферэнцыі з’явіцца беларуска-украінская тэма.

Па часе Канферэнцыя часткова перасякаецца з Днём Волі. Чэхія звязаная з гісторыяй Рады БНР, тут пахаваныя беларускія прэзідэнты, консул. І мы – прадстаўнікі і прадстаўніцы мясцовай беларускай дыяспары, усцешаныя, што гэтым разам усе з’едуцца ў Прагу.

Нарэшце, настаў момант, калі трэба афіцыйна заявіць пра адкрыццё Офіса дэмакратычных сіл у Празе і распавесці пра яго працу. Мы вырашылі прымеркаваць гэтае адкрыццё да 25 сакавіка.

Падрабязней пра Трэцюю канферэнцыю беларусаў свету чытайце і слухайце тут