Лідар «Маладога фронту» Дзяніс Урбановіч расказаў «Нашай Ніве» пра тое, як адбыў 15-суткавае пакаранне ў турмах на Акрэсціна і Жодзіна.
❗️«Паставілі ў калідоры на такія расцяжкі, што я думаў штаны трэснуць, рукі вывернутыя далонямі вонкі. Камусьці дубінкай далі па спіне, камусьці нагой па назе, мне каленам у паясніцу, а потым проста прыціснулі да сценкі. І так ва ўсіх камерах крыкі: "Не біце"».
❗️«Са мной вызвалялі такога хлопца Адамовіча, дык яго шлёпнулі аб сценку, ім не падабалася яго прозвішча. Яшчэ не любілі прозвішча Ціхановіч, бо падобнае да Ціханоўскага. Ціхановіча білі выключна за прозвішча. Ён там пяты раз сядзіць, да яго прыйшлі проста дадому і забралі. А мяне білі чыста праз "Малады фронт", я так думаю».
❗️«Мы сядзелі і думалі, што ж іх так пераклініла. А яны нам казалі, што мы тэракты праводзім, вайну. Якія, блін, тэракты, пра што вы? Яны нам казалі, што нашы дзеці будуць на іх маліцца, што яны, маўляў, вайну не дапусцілі ў краіну. Я такога дэбілізму яшчэ не чуў».
ПЦ: Вясна
