#dissidentby
💧 10 кастрычніка - cусветны дзень барацьбы супраць смяротнага пакарання, які аб'ядноўвае прыхільнікаў адмены смяротнага пакарання і мабілізуе грамадзянскую супольнасць на падтрымку закліку да ўсеагульнай адмены смяротнага пакарання.

10 кастрычніка 2024 будзе прысвечаны барацьбе з памылковым меркаваннем аб тым, што смяротная кара можа зрабіць людзей і грамадства больш бяспечнымі.

Бяспека звычайна разумеецца як свабода ад небяспекі ці пагрозы, але яе тлумачэнне значна вар'іруецца. Гэты тэрмін сыходзіць каранямі ў палітычны дыскурс і часта выкарыстоўваецца ў якасці палітычнай тактыкі для ўплыву на грамадскую думку і абгрунтаванні палітыкі бяспекі. На вызначэнне таго, хто лічыцца пагрозай, а хто мусіць быць абаронены, часта ўплываюць дынаміка ўлады, дыскрымінацыя і няроўнасць. У крымінальным правасуддзі злачынствы ў сферы бяспекі ў многіх выпадках маюць шырокае вызначэнне і могуць быць скарыстаны для злоўжыванняў. Выкарыстанне «аргументу бяспекі» ў лепшым выпадку палітызуе судовую працэдуру, якая павінна быць непрадузятай і справядлівай, а ў горшым - стварае ўмовы для парушэння правоў чалавека ў імя абароны дзяржавы, - адзначаюць у World Coalition against death penalty.

Летась смяротнае пакаранне прыводзілася ў выкананне ў 16 краінах свету, але колькасць пакараных смерцю была самай высокай амаль за дзесяць гадоў, галоўным чынам з-за Ірана і Саудаўскай Аравіі. Amnesty International піша, што 113 краін і тэрыторый свету адмянілі смяротнае пакаранне за ўсе віды злачынстваў. Тым не меньш, AI зафіксаваў 1153 пакарання смерцю ў мінулым годзе, на 31% больш, чым годам раней.

У Беларусі апошняе смяротнае пакаранне адбылося ў 2022 годзе. 1 жніўня 2024 грамадзяніна Германіі Рыка Крыгера асудзілі на смяротнае пакаранне па палітычнай справе, пазней ён быў памілаваны і ў межах міжнароднага абмену зняволенымі вярнуўся да дому.