☝️Завершаныя будаўнічыя працы ў Будслаўскім касцёле. Далей – рэстаўрацыя

«Сёння быў падпісаны акт аб увядзенні ў эксплуатацыю рамонтных прац – афіцыйна завершана будаўніцтва. Дзякуем усім ахвярадаўцам і валанцёрам за дапамогу!», – паведамляе канал «Адновім Будслаў разам».

Аднак наперадзе яшчэ рэстаўрацыя.

📌 Нагадаем, у будслаўскай святыні – Нацыянальным санктуарыі Маці Божай Будслаўскай – 11 траўня здарыўся пажар. У выніку здарэння быў знішчаны дах, залітае вадой памяшканне касцёлу, у небяспецы апынуліся старажытныя алтар і арган.

Маштабы здарэння былі бачныя яшчэ за некалькі кіламетраў да самога Будслава. Аднавіць святыню дапамагалі людзі не толькі фінансава, але і фізічнай сілай, таксама тэхнікай і прыладамі.

Крыніца: budslau