Microsoft зачыняе Skype у траўні, замест гэтага прапануюць Teams

Непазбежнае становіцца рэальнасцю: Microsoft рыхтуецца да поўнага спынення Skype. Хоць на гэтую тэму не было афіцыйнага паведамлення, у апошнім абнаўленні Windows было схаванае паведамленне, якое пацвярджае дату завяршэння службы.

"З траўня Skype больш не будзе даступны. Працягвайце свае званкі і чаты ў Teams."

Чаму Skype закрываецца?

Skype з'явіўся ў 2003 годзе і хутка стаў папулярнай паслугай інтэрнэт-тэлефаніі, прапаноўваючы ў гэты час найноўшыя магчымасці сувязі. У 2011 годзе яго набыла Microsoft за $8,5 мільярда. Інтэграцыя Skype з Windows 10, Windows Phone і нават Xbox не дала жаданага эфекту. (Цікава хоць што-небудзь давала?)

Microsoft выпусціла шмат абнаўленняў для Skype, але ён не змог стаць галоўнай платформай для відэа камунікацый нават падчас пандэміі, калі Zoom атрымаў дамінуючую пазіцыю. Хоць Teams часткова заснаваная на Skype, але платформы адрозніваліся.

Microsoft паспрабавала ўдыхнуць новае жыццё ў Skype, дадаўшы новыя функцыі, у прыватнасці, Skype Clips, што дазволіла запісваць відэа -паведамленні і адпраўляць іх без неабходнасці тэлефанаваць. У 2024 годзе кампанія ўбудавала ў службу Copilot і выдаліла рэкламу на ўсіх платформах.

Аднак нават гэтыя змены не дапамаглі Skype вярнуць папулярнасць. Назіраючы за зніжэннем попыту, Microsoft спыніла падтрымку Skype Credits - функцыі, якія дазвалялі здзяйсняць міжнародныя званкі за грошы. Замест гэтага кампанія прапанавала мадэль падпіскі на бясплатныя званкі ў Skype.

Microsoft яшчэ не афіцыйна пацвердзіла гэтую інфармацыю, але выглядае, што дні Skype скончыліся.