А ў мяне для вас падарунак 🎁 Пакуль не новая кніга, ды яшчэ не новы сезон падкаста. А гульня, якая называецца “52”.

Гэта настолка, якая складаецца з 52 картак. У іх сабраныя пытанні, якія рэдка выпадае задаць сабе і якія вы ніколі не задавалі сваім знаёмым. Сярод іх ёсць і этычныя дэлемы, і філасоўскія ды псіхалагічныя пытанні, і каштоўнасныя альтэрнатывы.

Асабліва файна, што ў яе можна граць як у кампаніі з сябрамі, так і аднаму.

Ужо цяпер яе можна замовіць анлайн з любой кропкі свету. Да таго ж гульню можна набыць афлайн у крамах ці дастаўкай у Польшчы і Літве. Днямі з’явіцца і ў Беларусі, то таксама ўжо маецца магчымасць замаўляць.

Усе падрабязнасці пра саму настолку і яе замову можна знайсці ў акаўнце гульні. Запрашаю, бо неўзабаве там будуць з’яўляцца і новыя цікавосткі.

P.S. Лайк і рэпост досыць простая, але вельмі важная і каштоўная дапамога. То буду вельмі ўдзячны за такую інфармацыйную падтрымку.