А раптам нехта хоча пагдядзець, як цудоўна ў нас на Палацы ў Нароўлі?

Мы тут нарэшце здолелі зладзіць валантэрскі збор і на пары ролікаў - як прайшоў першы дзень.

На відэа 1: хлопцы лябедкай перасоўваюць цэглу для працягу прац на вышэйшыя паверхі, іншы ачышчае памяшканьні.

На відэа 2: гістарычную цэглу ачышчаюць ад парэшткаў раствору для паўторнага выкарыстаньня.

Відэа 3: наша цудоўная Аліна, мая памочніца ва ўсім, якая робіць гіганцкі аб’ем працы, ўсе гэта арганізавала і кіруе на месцы

Відэа 4: вячэрні майстар-клас па беларускім танцы ад Пятра Цалка, проста ў фантане. Калі ў “фантане” - не абавязкова ВДВ ))

Фота: проста нагадваю, што дапамагаць можна і фінансава. Суму можна ўводзіць любую, не абавязкова тыя 50 р., што па дэфолце, можна і больш, і меньш.

Цудоўныя маладыя людзі! Цудоўныя. Дзякуй вялікі і нізкі паклон.

Бо такі ўдзел - гэта ня проста дапамога. Калі што, дзень працы разнарабочага гэта ад 50 рублеў і болей. А тут 20 чалавек на тры дні.

Але нават ня гэта галоўнае. Гэта ўсе - наш дух, нашае натхненьне, нашая энергія і наша атмасфера. Якія падтрымліваюць нават ў самыя цяжкія моманты і не даюць апусьціць рукі.

І мы не апускаем. Ў мінулым годзе, калі яшчэ ішло праектаваньне, гэтаму ня было бачна канца і падавалася, што мы ніколі не пачнем будаваць, я апублікаваў ў Інсце фотачку з Палаца і кароценькі пост: “Я ўсе адно не адступлю”

І я не адступаю.

Ў тым ліку і дзякуючы такім людзям, якім гэта трэба і якія натхняюць. І дзеля іх.