Нягледзячы на холад і дождж, 3 лістапада на плошчы Кудзірка ў Вільні сабраліся беларусы, каб выказаць салідарнасць з палітвязнямі, у тым ліку з лідэрам "Народнай Грамады" Мікалаем Статкевічам.

Акцыя пачалася ў 12:00 і стала яскравым напамінам пра жорсткасць злачыннага рэжыму аг лукашэнкі, які пераследуе сваіх грамадзян за іх палітычныя перакананні.  Мікола Статкевіч, прыгавораны да 14 гадоў пазбаўлення волі па асаблівым рэжыме, ужо больш за 1,5 года знаходзіцца ў рэжыме інкамунікада.

Штотыднёвыя акцыі салідарнасці з'яўляюцца важнымі ў барацьбе за свабоду Беларусі. 

"Народная Грамада" дзякуе ўсім, хто далучыўся да акцыі, і заклікае ўсіх неабыякавых працягваць падтрымліваць палітвязняў і змагацца за свабоду Беларусі. 

Прэс-служба партыі "Народная Грамада"