#dissidentby

У ноч з 29 на 30 кастрычніка 1937 года ў сутарэньнях менскай унутранай турмы НКУС («амэрыканкі») былі расстраляныя 108 прадстаўнікоў беларускай інтэлектуальнай эліты — выбітныя дзеячы культуры, мастацтва і навукі. Усе яны былі пахаваныя ва ўрочышчы Курапаты разам з дзясяткамі тысяч іншых ахвяраў сталінскага тэрору.

Разам з гэтым 1 жніўня 1937 году, ва ўнутраным двары Менскай турмы НКУС БССР было спалена некалькі дзясяткаў тысячаў рукапісаў ненадрукаваных твораў тых дзеячаў, што не прайшлі цэнзуру.

Сёння мы ўзгадваем ахвяраў сталінскіх рэпрэсій і тых, хто быў рэпрэсаваны за свабоду думкі ў сучаснай Беларусі. Так, з 2020 больш за 6994 чалавека трапілі пад крымінальны пераслед і больш за 38 954 чалавека - пад адміністрацыйны. Вялікая колькасць людзей вымушана з'ехала з краіны.

🌙 Спіс мерапрыемстваў : https://tsikhanouskaya.org/be/news/merapryemstvy-da-dnya-pamyaci-rasstralyanyx-paetau.html

Я не чакаў
І не гадаў,
Бо жыў з адкрытаю душою,
Што стрэне лютая бяда,
Падружыць з допытам,
З турмою.
Прадажных здрайцаў ліхвяры
Мяне заціснулі за краты.
Я прысягаю вам, сябры,
Мае палі,
Мае бары, —
Кажу вам — я не вінаваты!

Міхась Чарот

Гэта верш Міхася Чарота - выбітнага беларускага паэта, драматурга, празаіка. Гэты верш быў апошнім у ягоным жыцці - ён напісаў на сцяне менскай унутранай камеры НКУС 28 кастрычніка 1937 году. За дзень да растрэлу.