Новы Час


Kanal geosi va tili: Belarus, Beloruscha
Toifa: Siyosat


Наш час - у нашых руках. Апошнія навіны Беларусі і аператыўная інфармацыя пра падзеі ў свеце. А таксама аўтарская аналітыка, гутаркі з цікавымі людзьмі - у нас вы знойдзеце тое, чаго няма ў іншых!
Сайт: novychas.online

Па ўсіх пытаннях: @novychas_bot


Kanal geosi va tili
Belarus, Beloruscha
Toifa
Siyosat
Statistika
Postlar filtri


Што адбылося 8 жніўня:

✈️Галоўная рэдактарка выдання «Новы Час» Аксана Колб з'ехала з Беларусі.

⛓Мікіту Залатарову, хвораму на эпілепсію, змянілі рэжым на больш строгі на рэшту пакарання.

🗣Ціханоўская прапанавала стварыць калектыўны орган кіраўніцтва і ўхвалення рашэнняў на Канферэнцыі Новай Беларусі.

🔗У Мінску быў затрыманы бацька журналісткі Аліны Болбас.

😞Маці 'https://t.me/novychas/24627%20https://t.me/novychas/24627' rel='nofollow'>не далі дазвол на спатканне з сынам Дзянісам Івашыным.

📌Затрыманы былы галоўны рэдактар газеты "Борисовские новости" Анатоль Букас.

‼️166-ы дзень вайны Расіі супраць Украіны: падрыў мастоў, украінскае збожжа, замінаваная АЭС і начныя абстрэлы.

⚖️Расійскага танкіста, які стрэліў у жылы дом ва Украіне, прысудзілі да 10 гадоў.

🏸Беларуская тэнісістка Вікторыя Азаранка не прыме ўдзелу ў турніры катэгорыі WTA-1000 у Таронта (Канада) з-за праблем з візай.


Жазэп Барэль: Мы не забудзем ахвяр рэжыму Лукашэнкі і яго злачынстваў

Вярхоўны прадстаўнік ЕС па знешніх справах і палітыцы бяспекі выступіў з заявай у падтрымку дэмакратычнай супольнасці Беларусі напярэдадні гадавіны прэзідэнцкіх выбараў 9 жніўня 2020 года.

Чытаць далей (з Беларусі можа спатрэбіцца VPN)


166-ы дзень вайны Расіі супраць Украіны: падрыў мастоў, украінскае збожжа, замінаваная АЭС і начныя абстрэлы

Сабралі для вас галоўныя навіны з франтоў Украіны на 166-ы дзень вайны.

Чытаць (з Беларусі можа спатрэбіцца VPN)




Апытанне! Вераніка Цапкала прапанавала стварыць камітэт кантролю над незалежнымі СМІ. А ці задавальняе вас праца незалежных беларускіх медыя?
So‘rovnoma
  •   Так, цалкам задавальняе.
  •   Не задавальняе. Незалежныя СМІ надаюць зашмат увагі Ціханоўскай.
  •   Не задавальняе, але з іншых прычынаў.
  •   Згодны з Веранікай. Патрэбны жорсткі кантроль!
222 ta ovoz


Расійскага танкіста, які стрэліў у жылы дом ва Украіне, прысудзілі да 10 гадоў

Суд ва Украіне прысудзіў расійскага танкіста Міхаіла Кулікова, які абвінавачваецца ў абстрэле жылога дома на ўскраіне Чарнігава, да 10 гадоў пазбаўлення волі. Кулікоў стаў другім расійскім вайскоўцам, асуджаным ва Украіне пасля пачатку ўварвання.

Чытаць далей (з Беларусі можа спатрэбіцца VPN)


❗️Затрыманы былы галоўны рэдактар газеты "Борисовские новости" Анатоль Букас разам з жонкай

Пра гэта паведамляе БАЖ. Сёння ўдзень на стаянцы з машыны іх выцягнулі сілавікі. Пасля гэтага дома ў Букасаў прайшоў ператрус.

Падчас затрымання ад сілавікоў гучалі абвінавачанні ў распаўсюдзе экстрэмісцкіх матэрыялаў. Мяркуецца, што заўтра над Анатолем Букасам пройдзе суд. Зараз стала вядома, што жонку спадара Анатоля вызвалілі.


Video oldindan ko‘rish uchun mavjud emas
Telegram'da ko‘rish
☝️Вось так зала адрэагавала на прапанову Веранікі Цапкалы ўзяць пад кантроль незалежныя СМІ.


Вераніка Цапкала: Калі СМІ будуць недастаткова асвятляць усіх палітыкаў, запатрабуем спыніць іх фінансаванне і падтрымку

У кулуарах канферэнцыі «Новая Беларусь» у Вільні Вераніка Цапкала заявіла журналісту «Н*шай Н*вы», што ў дадзены момант група актывістаў, блізкая да штаба Цапкалы, робіць кантэнт-аналіз беларускіх нядзяржаўных СМІ на прадмет згадак розных палітычных сіл.

Калі акажацца, кажа Вераніка, што ў асобным СМІ дамінуе пазіцыя толькі адной палітычнай плыні, то яна збіраецца напісаць лісты да кіраўнікоў заходніх дзяржаў і фондаў з патрабаваннем спыніць фінансаванне і падтрымку гэтага СМІ.

Недзяржаўныя СМІ яна называе «гэтак званымі незалежнымі» — ёй не падабаецца, што пра дзейнасць яе мужа і яе самой мала пішуць.

На пытанне, што рабіць, яна сказала, што прапануе стварыць камітэт кантролю над СМІ.


⚡️⚡️Маці не далі дазвол на спатканне з сынам Дзянісам Івашыным

Людміла Івашына-Добіна завярнулася ў суд з заявай і папрасіла спаткання з сынам, аднак ёй адмовілі вельмі дзіўнай фурмуліроўкай "спатканне з Івашыным Д.Я. будзе прадстаўленае пасля абвяшчэння выраку".

"...даслоўна значыць, што чалавек, які называе сябе супрацоўнікам суда, не дапускае нават думкі пра тое, што суддзя можа прыняць рашэнне аб спыненні пераследу праз не даказанасць віны абвінавачанага следчымі органамі. Або, элемэнтарна, можа абвесьціць поўнае апраўданьне невінаватага гарадзенскага журналіста паводле ўсіх інкрымінаваных яму артыкулаў КК РБ", - піша жонка палітвязня Вольга Івашына.

📍Нагадаем, што журналіст-расследавальнік, аўтар «Новага Часу» знаходзіцца ў няволі ўжо 514 дзён. 12 сакавіка 2021 года журналіста затрымалі. Яму прад'яўленае абвінавачанне па артыкуле "Здрада дзяржаве".

💌Падтрымайце Дзяніса: 230023, г. Гродна, вул. Кірава, 1, турма №1. Івашыну Дзянісу Яўгенавічу.


Эдуард Пальчыс: Навошта беларусам Святлана Ціханоўская?

Публіцыст і блогер Эдуард Пальчыс, які знаходзіцца за кратамі, падзяліўся думкамі адносна асобы Святланы Ціханоўскай на тле дыскусій, якія разгарнуліся ў апошні час.

Чытаць далей (з Беларусі можа спатрэбіцца VPN)


❗️У Мінску быў затрыманы бацька журналісткі Аліны Болбас

Вадзім Болбас -- пісьменьнік і грамадзянскі дзеяч. Ягоная "пакаяльная відэа", а таксама фотаздымкі з асабістага дзённіка мужчыны, дзе ён пісаў, як разам з дачкою ўдзельнічаў у мірных маршах пратэстаў, апублікавана ў Telegram-канале сілавікоў. Мужчыну абвінавачваюць ва ўдзеле ў пратэстах у 2020 годзе.

У апісанні пад відэа сілавікі напісалі: «Безадказнае патуранне да дабра не давяло, дачка збегла за мяжу, а бацька павінен адказаць перад законам. Кажуць, што дзеці не адказваюць за бацькоў, але вось прынцып наадварот ужо працуе», заўважылі праваабаронцы.

Сама Аліна Болбас зараз знаходзіцца за мяжою.


Уладзімір Сцяпан: Нацыянальную прэмію налічваюць у базавых — як штраф

Якая-небудзь маленькая кніжачка можа пражыць нашмат больш, чым збор твораў. Таму што літаратура — гэта не пра што, а як. Пісьменнік і мастак Уладзімір Сцяпан разважае пра мастацтва і літаратуру.

Чытаць далей (з Беларусі можа спатрэбіцца VPN)


Чалавецтву патрэбны новы Нюрнберг

Урмас Рэйнсалу, кіраўнік МЗС Эстоніі, заявіў, што юрыдычную адказнасць за вайну і злачынствы, якія зладзіла расійскае войска на тэрыторыі Украіны, павінна панесці вышэйшае палітычнае і ваеннае кіраўніцтва РФ, у тым ліку Уладзімір Пуцін.

Чытаць (з Беларусі можа спатрэбіцца VPN)


«Раскладаюцца тканкі нырак» — Мікалай Аўтуховіч пра праблемы пасля галадоўкі

Сёння, 8 жніўня, працягнуўся суд па «справе Аўтуховіча». Вязень прысутнічаў на судовым працэсе, паведамілі праваабаронцы.

Беларускія ўлады заявілі, што не могуць назваць сухую галадоўку — галадоўкай, бо нібыта Мікалай прымаў за гэты перыяд «нейкую колькасць вады і вугляводаў» і пра гэта, быццам, сведчаць аналізы. Дачка ж вязня распавядала днямі, што за час галадоўкі Аўтуховіч схуднеў на 20 кілаграмаў.

Мікалай Аўтуховіч сёння заявіў, што не згодны з заявай медыкаў і распавёў на судзе пра іншае: «27 ліпеня быў узяты аналіз, які праз чатыры дні паказаў, што арганізм цалкам абязводжаны, раскладаюцца тканкі нырак. Маё здароўе цалкам падарванае».

Падчас сённяшняга судовага пасяджэння Аўтуховіч заявіў таксама хадайніцтва наконт азнаяемлення з пратаколамі тых пасяджэнняў, на якіх ён адсутнічаў з-за галадоўкі. Суд задаволіў хадайніцтва.

Чытаць (з Беларусі можа спатрэбіцца VPN)


Кіраўнік акупацыйнай адміністрацыі Запарожжа падпісаў распараджэнне пра рэферэндум наконт далучэння рэгіёну да Расіі.

Чытаць (з Беларусі можа спатрэбіцца VPN)


Ціханоўская прапанавала стварыць калектыўны орган кіраўніцтва і ўхвалення рашэнняў на Канферэнцыі Новай Беларусі

У Вільні праходзіць канферэнцыя дэмакратычных сіл «Новая Беларусь».
Святлана Ціханоўская заявіла аб неабходнасці стварыць калектыўны орган для дасягнення мэтаў новай Беларусі.

Чытаць далей (з Беларусі можа спатрэбіцца VPN)


📌Праваабаронцы паведамляюць, што бацька Мікіты Залатарова ўдакладніў ім, што юнака не судзілі наноў, а змянілі яму рэжым і перавялі з магілёўскай папраўчай калоніі № 15 у жодзінскую турму № 8. Хлопец будзе адбываць пакаранне ў турме строгага рэжыму.

Перадумовай такога пераводу стаў перавод хлопца з выхаваўчай калоніі ў папраўчую ў чэрвені.

👉Такім чынам хлопцу не дадалі 3 гады, а змянілі рэжым на больш строгі на рэшту пакарання.


Мікола Дзядок з-за кратаў: «Ствараецца ўражанне, што мяне пільна вывучаюць і глядзяць, як я сябе павяду»

Палітвязень знаходзіць магчымасць перадаць на волю свае ўражанні ад рэчаіснасці, у якой зараз знаходзіцца.

Тут апошнія яго назіранні (з Беларусі можа спатрэбіцца VPN)


‼️Мікіту Залатарову, хвораму на эпілепсію, прысудзілі яшчэ тры гады зняволення

Бацька палітвязня паведаміў Бе*сат, што зараз Мікіта знаходзіцца ў Жодзіна і імаверна там яго асудзілі ў чарговы раз – на 3 гады строгага рэжыму.

Раней юнака ўжо судзілі двойчы: яго затрымалі ў 17-гадовым узросце і абвінавацілі за падзеі 10 жніўня 2020 года па трох артыкулах Крымінальнага кодэксу: 293 (арганізацыя масавых беспарадкаў); 295-3 (незаконныя дзеянні ў дачыненні да прадметаў, паразлівае дзеянне якіх заснавана на выкарыстанні гаручых рэчываў); 364 (гвалт альбо пагроза ўжывання гвалту ў дачыненні да супрацоўнікаў органаў унутраных спраў). Тады хлопца пакаралі 5 гадамі выхаваўчай калоніі.

А 12 ліпеня 2021 года хлопцу прысудзілі 1 год і 6 месяцаў гады калоніі агульнага рэжыму па артыкуле 364 КК РБ (Гвалт ці пагроза гвалту ў дачыненні да супрацоўніка органаў унутраных спраў).

За што цяпер пакаралі Мікіту Залатарова – невядома.

20 ta oxirgi post ko‘rsatilgan.