Новы Час

@novychas Yoqdi 0

Наш час - у нашых руках. Апошнія навіны Беларусі, аўтарская аналітыка, культурныя імпрэзы - у нас вы знойдзеце тое, чаго не знойдзеце ў іншых!
Сайт: novychas.by
Па ўсіх пытаннях: @Mikola_D
Kanal hududi va tili
Belarusiya, Belorus tili
Kategoriya
Siyosat


Muallifga yozish
Kanalning hududi
Belarusiya
Kanal tili
Belorus tili
Kategoriya
Siyosat
Indeksga qo‘shilgan
02.03.2018 01:14
reklama
TGStat Bot
Telegram'дан чиқмай туриб каналлар статистикасини олиш
Telegram Analytics
TGStat хизмати янгиликларидан бохабар бўлиш учун обуна бўл!
SearcheeBot
Telegram-каналлар оламидаги сизнинг йўлбошчингиз.
1 743
ta obunachilar
~843
1 ta e’lon qamrovi
~1.5k
kunlik qamrov
~2
ta e’lon 1 kunda
48.4%
ERR %
12.16
iqtibos olish indeksi
Kanalning repost va eslovlari
152 ta kanal eslovlari
2 ta e’lonlar eslovlari
123 ta repostlar
Мониторинг BY
Stop Luka
Мониторинг BY
Паца-Ваца
17 Jun, 19:13
MIKOLA
17 Jun, 19:09
Паца-Ваца
27 May, 21:10
Harmidar
26 May, 19:28
Мониторинг BY
23 May, 18:23
Мониторинг BY
22 May, 12:59
Мониторинг BY
22 May, 12:59
Мониторинг BY
14 May, 09:30
Мониторинг BY
12 May, 14:38
Мониторинг BY
Мониторинг BY
BELARA.GA
Новый Витебск
BELARA.GA
MIKOLA
Belaruski dissident
MIKOLA
BelarusDocs
НАЛИЦО
Куда податься
Stay home, be online 💻
ДОРНIK 🔊
⚫️BANANA BLCK⚫️
@novychas iqtibos olgan kanallari
By_Help
29 Jun, 12:53
Белсат
Vijay Rupani
Stop Luka
MIKOLA
Новый Витебск
Haradzenski
BelarusDocs
GOOD.by
ТG_Dornik
Kris Medicine 3%
Онко-talk
So‘nggi e’lonlar
O‘chirilgan e’lonlar
Eslovlar bilan
Repostlar
Новы Час 9 Jul, 21:30
​​Двух фігурантаў «справы Ціханоўскага» выпусцілі з СІЗА (фота)

У чацвер, 9 ліпеня, з СІЗА-1 на вуліцы Валадарскага ў Мінску былі адпушчаныя палітычныя зняволеныя і вязні сумлення, якія праходзяць па так званай "справе Ціханоўскага", Васіль Баброўскі і Уладзімір Навумік. Ім змянілі меры стрымання з заключэння пад варту на падпіску аб нявыездзе.
Палітвязні Васіль Баброўскі і Уладзімір Навумік пасля вызвалення 9 ліпеня. Фота: spring96.org

Яны застаюцца абвінавачанымі па крымінальнай справе па ч.1 арт. 342 Крымінальнага кодэкса (Арганізацыя і падрыхтоўка дзеянняў, якія груба парушаюць грамадскі парадак). Цяпер Васіль і Уладзімір вяртаюцца дадому ў Гродна.

Нагадаем, Васіль Баброўскі быў затрыманы 29 траўня ў Гродне падчас выбарчага пікета па зборы подпісаў грамадзян у падтрымку вылучэння ў якасці кандыдата ў Прэзідэнты Рэспублікі Беларусь Святланы Ціханоўскай. Тады супрацоўнікамі міліцыі быў затрыманы кіраўнік ініцыятыўнай групы, блогер папулярнага YouTube канала “Страна для жизни” Сяргей Ціханоўскі і яшчэ, як мінімум 15 грамадзян, якія прымалі ўдзел у дадзеным пікеце.

Уладзіміра Навуміка, члена ініцыятыўнай групы Святланы Ціханоўскай, затрымалі 31 траўня. 8 чэрвеня семярым удзельнікам мерапрыемства, у тым ліку Васілю Баброўскаму і Уладзіміру Навуміку, было прад'яўленае абвінавачванне ў арганізацыі групавых дзеянняў, якія груба парушаюць грамадскі парадак і звязаныя з яўным непадпарадкаваннем законным патрабаванням прадстаўнікоў улады, і ў актыўным удзеле ў такіх дзеяннях (частка 1 артыкула 342 КК Рэспублікі Беларусь).
To‘liq o‘qish
Новы Час 9 Jul, 21:00
​​Барацьба з карупцыяй ці рэйдарскі захоп?
Сяргей Салаўёў

Ужо чатыры месяцы за кратамі сядзяць людзі — і неблагія, гледзячы па тым, што кажуць іх землякі, — па так званай «цукровай справе». На фоне перадвыбарчай кампаніі мы пра іх забыліся. Аднак прайшло больш за 100 дзён з моманту іх затрыманняў, а цукар пры гэтым ні на капейчыну (!) не патаннеў. Які вынік такой барацьбы з карупцыяй? ЧЫТАЦЬ ДАЛЕЙ
To‘liq o‘qish
Новы Час 9 Jul, 10:10
​​Для дронаў і аэратаксі прапанавалі арганізаваць паветраныя калідоры
nplus1.ru

Федэральнае кіраванне грамадзянскай авіяцыі ЗША прадставіла план па інтэграцыі беспілотных лятальных апаратаў і аэратаксі ў агульную паветраную прастору. Як піша Aviation Week, апроч іншага план прадугледжвае арганізацыю выдзеленых паветраных калідораў для лятальных апаратаў гэтых тыпаў.
У цяперашні час шмат кампаній займаюцца распрацоўкай як аэратаксі для пасажырскіх перавозак у горадзе і паміж гарадамі, так і розных класаў дронаў для дастаўкі грузаў, уключаючы медыкаменты і прадуктовыя замовы.

З'яўленне вялікай колькасці дронаў і аэратаксі ў паветры можа прадстаўляць сур'ёзную пагрозу як для горада і яго жыхароў, так і для іншых пілатуемых лятальных апаратаў — самалётаў і верталётаў. Па гэтай прычыне ўжо сёння авіяцыйныя ўлады займаюцца прапрацоўкай новых правілаў палётаў для аэратаксі і дронаў, а таксама стварэннем прататыпаў аўтаматычных дыспетчарскіх сістэм для кіравання палётамі.

План, прадстаўлены Федэральным кіраваннем грамадзянскай авіяцыі ЗША, падзелены на тры этапы. На першым авіяцыйныя ўлады мяркуюць невялікія аб'ёмы паветранага руху аэратаксі і дронаў, падпарадкоўвальных дзеючым правілах палётаў.

На другім этапе па ўсёй краіне прапануецца арганізаваць выдзеленыя паветраныя калідоры, па якіх змогуць выконваць палёты толькі пілатуемыя аэратаксі і дроны. Унутры калідораў будуць дзейнічаць адмысловыя правілы палётаў, адрозныя ад правілаў руху ў агульным паветранай прасторы.

Мяркуецца, што правілы будуць адзіныя на ўсе працягу паветраных калідораў, у якім бы класе паветранай прасторы яны ні праходзілі: G, B, C, D або E. Пры гэтым на другім этапе Дронь ў паветраныя калідоры побач павінны будуць кіравацца аператарам.

За межамі паветраных калідораў палёты аэратаксі і дронаў павінны будуць праходзіць па агульных правілах і пад кантролем аўтаматызаванай дыспетчарскай сістэмы для дронаў на вышыні да 122 метраў або дыспетчарскай службы пры палёце на большай вышыні.

На трэцім этапе мяркуецца задзейнічаць аўтаматызацыю. Нароўні з пілатуемымі аэратаксі і аэратаксі у беспілотных рэжыме будуць лётаць дроны як пад кіраваннем аператараў, так і ў аўтаматычным рэжыме (пры гэтым назіранне з боку аператара усё роўна будзе абавязковым). Пры аўтаматызацыі кіравання паветраным рухам можна будзе павялічыць яго шчыльнасць ў паветраныя калідоры побач.

У канцы мінулага года Федэральнае кіраванне грамадзянскай авіяцыі ЗША апублікавала папярэднюю версію праекта правілаў дыстанцыйнай ідэнтыфікацыі Дронов. Паводле гэтых правілах, усе зарэгістраваныя дроны павінны быць абсталяваны сістэмай трансляцыі ідэнтыфікатара і месцазнаходжання робата са сваёй нагі ў радыёэфір.
To‘liq o‘qish
Новы Час 8 Jul, 19:54
Адвакатка Сяргея Ціханоўскага распавяла, што ў няволі блогеру спрабуюць прысвоіць так званы "нізкі статус", і сукамернікі адмовіліся з ім сядзець.

https://news.tut.by/economics/691993.html
Новы Час 8 Jul, 19:01
​​«Плошча — гэта апошняя інстанцыя»

пад ціскам грамадства людзі, якія працуюць у дзяржаўнай сістэме, павінны зразумець, што яны адказныя за тое, што адбываецца ў краіне. Яны лічаць галасы, працуюць у праваахоўных органах, у судах. Важна зрабіць так, каб яны адчувалі, што на іх ляжыць гэтая адказнасць.
Новы Час 8 Jul, 17:30
​​Павел Севярынец асуджаны на пятыя «15 сутак»

Восьмага ліпеня ў судзе Савецкага раёна Мінска суддзя Вера Галаўкова прысудзіла чарговыя 15 сутак Паўлу Севярынцу. Суд праходзіў праз Skype.

На гэты раз яго судзілі за заклікі да ўдзелу ў акцыі каля Камароўскага рынку 7 чэрвеня, якая праходзіла падчас пікетаў па зборы подпісаў за альтэрнатыўных вылучэнцаў у кандыдаты, паведамляе spring96.org. 15 сутак непасрэдна за ўдзел у акцыі Севярынец атрымаў раней.

Павел Севярынец быў затрыманы 7 чэрвеня каля дома пасля вяртання з акцыі каля Камароўкі. На наступны дзень ён быў асуджаны на 15 сутак арышту. Падчас адбыцця пакарання ў яго было яшчэ як мінімум тры адміністрацыйных судовых пасяджэнні, на якіх яму дадавалі кожны раз па 15 сутак (агулам ён атрымаў 60 сутак цягам месяца). Ён ужо месяц знаходзіцца ў Цэнтры ізаляцыі правапарушальнікаў на вул. Акрэсціна.

Таксама ў яго засталіся неадбытымі 30 сутак, атрыманых за ўдзел у акцыях супраць інтэграцыі ў Расіяй, якія праходзілі ў снежні.

Жонка палітыка Вольга Севярынец напісала ў фэйсбуку, што ўмовы ўтрымання Паўла не змяніліся. "На днях яго зноў пасадзілі ў карцар, вады няма, на прагулкі не выводзяць, газеты, кнігі, паперу і асадку не перадаюць.

«У мяне забралі ўсе рэчы, нават Біблію. Чаму? Забойцы з Бібліяй сядзяць, а тут... Сяджу 31 дзень без душу, даюць толькі літар халоднай вады. У такіх умовах яшчэ некалькі чалавек, у тым ліку жанчыны. Што адбываецца ў цэнтры Эўропы? Давайце ж будзем людзьмі» — казаў Паша сёння на судзе.

Малодзенькія дзяўчынкі, сакратаркі суда не далі мне нават перамовіцца з ім парай словаў, выключалі скайп, выганялі з залі. Пабачыла яго на секунду, паслухала голас — і на тым дзякуй.

А ўчора перадаючы перадачу я не стрымалася і расплакалася, бо нейкі начальнік, гледзячы мне ў вочы, пяшчотна сказаў: "Мы яго здаровым прынялі, мы яго здаровым і вызвалім". Мне так хочацца верыць гэтым людзям, але... ня верыцца".
To‘liq o‘qish
Новы Час 8 Jul, 17:01
​​У Кыргызстане прэзентавалі анлайн-гульню супраць крадзяжу нявест
Паводле кыргызскай прэсы

У гульні пад назвай «Вясна ў Бішкеку» галоўным персанажам выступае студэнтка, сяброўку якой выкрадаюць для прымусовага ўступлення ў шлюб. Гульцу прапануецца два варыянты — ці выратаваць сяброўку, ці не ўмешвацца. Далей сітуацыя развіваецца ў залежнасці ад гэтага рашэння.

Распрацоўшчыкі гульні, якія прадстаўляюць адзін з мясцовых грамадскіх фондаў, адзначаюць, што сцэнар напісаны на аснове рэальнай гісторыі дзяўчыны, якая была выкрадзеная «для ўступлення ў шлюб».

Яшчэ ў 2013 годзе ў краіне ўвялі крымінальную адказнасць за крадзеж дзяўчат для прымусовых заручын. Пакаранне за такое злачынства прадугледжвае ад пяці да сямі гадоў пазбаўлення волі. Аднак, паводле звестак праваабаронцаў, праблема застаецца актуальнай. Напрыклад, у 2017 годзе па гэтым артыкуле была распачатая 31 крымінальная справа, пры гэтым у шасці выпадках гаворка ішла пра непаўнагадовых дзяўчат.
To‘liq o‘qish
Новы Час 8 Jul, 16:21
​​Дзмітрыя Паліенку гвалтоўна затрымалі прама ў судзе, збілі і асудзілі на 15 сутак
spring96.org

З суда Паліенку пад канвоем павезлі адбываць пакаранне. Паведамляецца пра ператрус у хаце, дзе ён жыве.

У 7 гадзін раніцы 8 ліпеня ў двор, дзе пражываюць актывісты Дзмітрый і Наста Паліенкі, увайшлі некалькі супрацоўнікаў міліцыі з Маскоўскага РУУС. Усе чацвёра былі ў цывільнай вопратцы. Яны прапанавалі актывісту “выйсці і пагаварыць”. Пра мэты размовы нічога не паведамлялі.

У адказ на катэгарычнае патрабаванне прадставіць позву, двое з іх на аўтамабілі з’ехалі чамусці ў Першамайскі РУУС і неўзабаве прывезлі позву Дзмітрыю Паліенку, у якой пазначана, што з’явіцца трэба ў 15 гадзін 8 ліпеня для правядзення “праверачнага мерапрыемства” ў Маскоўскі РУУС. Пакінуўшы позву Насце супрацоўнікі міліцыі з’ехалі.

Усё раніцу Наста вяла відэазапіс размовы, які змешчаны ў фэйсбуку.

У гэты ж дзень у судзе Першамайскага раёна ў 10.00 пачаўся разгляд адміністрацыйнай справы Дзмітрыя Паліенкі па артыкуле 23.34 КаАП — за ўдзел у несанкцыянаваным масавым мерапрыемстве. Прычынай складання пратаколу стала фота з рондалем, якое ён выклаў у сацыяльныя сеткі. Справу разглядае суддзя Анастасія Ляйкоўская. У залі знаходзяцца канвойныя.

Паліенка сцвярджае, што міліцыя не азнаёміла яго з матэрыяламі справы і не патлумачыла сутнасць правапарушэння. На гэта ён разам з адвакатам падаў скаргу.

Паліенка азнаёміўся з матэрыяламі справы толькі ў судзе. Падчас азнаямлення супрацоўнік міліцыі Сяргей Астафьеў груба сарваў з заплечніка Дзмітрыя плакат з надпісам "Такіх як я 97%". У выніку суддзя накіравала пратакол на дапрацоўку.

Але "дапрацоўка" адбылася прама ў будынку суда падчас перапынку. Міліцыянты заблакавалі ў калідоры суда ўсіх прысутных — і Паліенку, і яго адваката, і слухачоў, каб ніхто не мог выйсці. І вельмі хутка перапісалі пратакол. Цяпер у ім напісана тое, што Дзмітрый размясціў заклік у сацыяльных сетках да флэшмобу: 23 чэрвеня заклікаў выходзіць увечары на балкон і грымець рондалямі. Пасля гэтага ўсіх загналі назад у судовую залу.

Пасля працягу Дзмітрый сказаў, што не згодзен з пратаколам усё роўна і адмовіўся далей удзельнічаць у судовым пасяджэнні. Ён направіўся да выхада, і ў калідоры яго схапілі 6 супрацоўнікам АМАПу і гвалтоўна пацягнулі ў міліцэйскую машыну. Дзмітрыя звезлі ў невядомым накірунку на серабрыстай "шкодзе". Пры гэтым працэс яшчэ не скончыўся. Праз палову гадзіны Дзмітрыя Паліенку прывезлі назад у суд. Ён кажа, што амапаўцы яго збілі.

Падчас перапынку Дзмітрыю не далі выйсці з будынку суда, і зноў завялі ў машыну з амапаўцамі. Ён паспеў паведаміць праваабаронцам, што яго вазілі ў Маскоўскі РУУС (па той самай позве, якую ўручылі ранкам) і апыталі ў межах заведзенай крымінальнай справы па абразе супрацоўніка міліцыі.

Пасля перапынку суддзя агучыла рашэнне — 15 сутак арышту. Яго пад канвоем забралі адбываць пакаранне.

Пазней стала вядома, што ў доме, дзе жывуць Паліенкі, праходзіць ператрус. Ён можа быць звязаны з крымінальнай справай супраць актывіста.
To‘liq o‘qish
Новы Час 8 Jul, 09:00
​​У Расіі камуністы знішчылі графіці з Салжаніцыным
budzma.by

Даволі драматычная гісторыя адбылася ў суседняй краіне. У Цверы актывісты камуністычнага РОТ ФРОНТу зафарбавалі графіці з Аляксандрам Салжаніцыным, якое да 100-годдзя пісьменніка намаляваў мясцовы мастак Віктар Лебедзеў па мянушцы Джокер.
Рэч у тым, што ў 2018 годзе гэты вядомы вулічны мастак зрабіў на адным з дамоў вялікае графіці. На ім быў выяўлены сам Салжаніцын, а таксама фраза «Жить не по лжи», якая адсылае да вядомага ягонага эсэ. Дапамагаў мастаку мясцовы дэпутат ад праўладнай «Адзінай Расіі», які аплаціў фарбы і аўтавышку. Але графіці не было ўзгодненае з уладамі, і не ўсе жыхары дома былі задаволены з’яўленнем гэтага твора.
Сярод іх апынуўся былы пракурор, які распачаў кампанію па знішчэнні графіці, бо ўважае Салжаніцына «здраднікам». Кампанія была падтрыманая мясцовымі камуністамі і атрымала розгалас. Справа дайшла да суда, які пастанавіў прывесці сцяну будынку ў першапачатковы стан. Мастак адмовіўся знішчаць свой твор і гатовы быў плаціць штрафы. Па выніку графіці было самастойна знішчанае актывістамі РОТ ФРОНТу, якія абгрунтавалі свае дзеянні тым, што «жизнь и деятельность Солженицына глубоко чужды и враждебны нашей стране». Пасля гэтага ў справу ўмяшаліся ўжо ўлады — Губернатар Ігар Рудзеня «папрасіў» гарадскія ўлады аднавіць партрэт пісьменніка на цягам тыдня.

У сваю чаргу нагадаем, што задоўга Салжаніцына праўду пра савецкія лагеры свет даведаўся з аповесці Францішка Аляхновіча «У капцюрох ГПУ», якая пабачыла свет у 1934 годзе і была перакладзеная на многія мовы. ЧЫТАЦЬ ДАЛЕЙ
To‘liq o‘qish
Новы Час 7 Jul, 21:30
​​Як ні лічы — больш за 3% не выходзіць
Таццяна Шапуцька

Толькі языкастыя інтэрнэт-карыстальнікі пачалі высмейваць пустыя пляцоўкі ў месцах афіцыйнага святкавання дзяржаўнага Дня незалежнасці, у тым ліку на плошчы Перамогі ў Мінску, як Міністэрства ўнутраных спраў паспяшалася апублікаваць сваю статыстыку — паводле лічбаў, па Беларусі каля 300 тысяч чалавек прынялі ўдзел у святкаванні 3 ліпеня. Пракол дык пракол! 300 тысячаў — гэта прыкладна 3% ад агульнай колькасці жыхароў Беларусі. Выходзіць, міліцыя ўскосна прызнала тую самую лічбу, «якую нельга называць». ЧЫТАЦЬ ДАЛЕЙ
To‘liq o‘qish
Новы Час 7 Jul, 21:08
​​Мільярд, закатаны ў цэмент
Міраслаў Гажэцкі

Цэмент і будаўнічыя матэрыялы з яго ў Беларусі вырабляюць тры заводы, аб’яднаныя ў холдынг «Беларуская цэментная кампанія». Беларускі цэментны завод базуецца ў райцэнтры Касцюковічы на Магілёўшчыне, да яго належаць у якасці філіялаў Мінскі камбінат сілікатных вырабаў, «Магілёўжалезабетон» і «Оршабудматэрыялы». Завод «Крычаўцэментнашыфер» месціцца, адпаведна, у Крычаве Магілёўскай вобласці і мае філіяламі «Наваполацкжалезабетон», «Рагачоўжалезабетон», «Маладзечнажалезобетон» ды іншыя. Нарэшце, прадпрыемства «Краснасельскбудматэрыялы» працуе ў Ваўкавыскім раёне на Гродзеншчыне, у яго структуру таксама ўваходзяць шэраг філіялаў. Ён, дарэчы, знакаміты сваімі крэйдавымі кар’ерамі з блакітнай вадой, якія называюць беларускімі Мальдзівамі.

Больш за дзесяць гадоў таму, у час будаўнічага буму, калі нават здараліся перабоі з цэментам, улады Беларусі вырашылі правесці маштабную дарагую мадэрнізацыю згаданых заводаў. ЧЫТАЦЬ ДАЛЕЙ
To‘liq o‘qish
Новы Час 7 Jul, 12:49
​​20 гадоў таму бясследна знік Дзмітрый Завадскі
Белсат

Аператар тэлеканалу ОРТ Дзмітрый Завадскі знік без вестак 7 ліпеня 2000 года.
Паводле следства, днём 7 ліпеня 2000 году, па дарозе ад свайго дому ў Менску ў аэрапорт, журналіст Дзмітрый Завадскі быў выкрадзены групай узброеных людзей у колькасці 5-6 чалавек, сярод якіх знаходзіліся дзеючы баец спецпадраздзялення па барацьбе з тэрарызмам «Алмаз» МУС Рэспублікі Беларусь Максім Малік і былы афіцэр гэтага ж падраздзялення Валерый Ігнатовіч.

За выкраданне журналіста ў 2002 годзе суд пакараў Ігнатовіча і Маліка пажыццёвым зняволеннем. Аднак далейшы лёс Завадскага ні органамі папярэдняга расследавання, ні судом да цяперашняга часу не высветлены. Труп аператара не знайшлі.

Палітыкі, журналісты і праваабаронцы лічаць, што Завадскага, а таксама Юрыя Захаранку, Віктара Ганчара, Анатоля Красоўскага выкралі так званыя эскадроны смерці. Паводле папярэдняга заключэння праваабаронцаў, асноўнымі падазраванымі па справе па выкраданнях і забойствах Захаранкі, Ганчара, Красоўскага і Завадскага з’яўляюцца Аляксандр Лукашэнка, Віктар Шэйман (тагачасны кіраўнік Савета бяспекі), Юры Сівакоў і Уладзімір Навумаў (у розныя часы – міністры ўнутраных справаў), Дзмітрый Паўлічэнка (тагачасны камандзір в/ч 3214) і Мікалай Васільчанка (тагачасны начальнік Службы бяспекі прэзідэнта). Высновы беларускіх праваабаронцаў былі пацверджаны ў 2004 годзе ў адмысловым дакладзе дэпутата Парламенцкай асамблеі Рады Еўропы Хрыстаса Пургурыдыса, які праводзіў уласнае расследаванне.
To‘liq o‘qish
Новы Час 6 Jul, 10:30
​​Сузор’е слынных мастакоў
Уладзімір Арлоў

Таленты нараджаюцца і ў самыя неспрыяльныя для народа часы. ХІХ стагоддзе дало нашаму краю цэлае сузор’е мастакоў, якія здабылі славу на роднай зямлі і ў свеце. Гэтыя творцы глыбока перажывалі паняволенае становішча Айчыны, ператворанай у расейскую калонію.

Шмат хто з іх браў удзел у таемных патрыятычных таварыствах. Калі разгараліся вызвольныя паўстанні, мастакі мянялі пэндзлі і алоўкі на стрэльбы і шаблі, за што ўлады разлічваліся з імі турэмным зняволеннем і высылкамі ў Сібір. Многія майстры змушаныя былі ад’язджаць на доўгія гады ў замежжа, аднак і там натхняліся ўспамінамі пра далёкую радзіму. ЧЫТАЦЬ ДАЛЕЙ
To‘liq o‘qish
Новы Час 4 Jul, 20:30
​​Я стаміўся, але не сыходжу!

Па выніках плебісцыту, які адбыўся ў Расіі 1 ліпеня, Пуцін атрымаў права заставацца ў Крамлі аж да 2036 года. Ці сапраўды магчымы такі сцэнар? Разважае Алег Новікаў.
Новы Час 4 Jul, 19:30
​​У Нідэрландах вырабілі паштовыя маркі ў падтрымку Беларусі
Фотафакт.

У Нідэрландах з'явіліся паштовыя маркі ў падтрымку Беларусі: палітвязняў і ўсіх пацярпелых у ходзе выбарчай кампаніі.

На марках надрукаваны выявы надпісу «Страна для жизни», «Я/МЫ 97%» і карціны «Ева» — адной з тых карцін, што былі канфіскаваныя Следчым камітэтам па справе «Белгазпрамбанка».

Незвычайныя маркі заўважылі беларусы, якія пражываюць у Нідэрландах, і падзяліліся ў Фэйсбуку.
To‘liq o‘qish
Новы Час 4 Jul, 14:50
​​У Дзень незалежнасці затрымалі 17 чалавек

Як паведамляе пазбаўленай рэгістрацыі праваабарончы цэнтр «Вясна», затрыманні людзей 3 ліпеня прайшлі па ўсёй краіне. Напрыклад, у Барысаве трое маладых людзей апынуліся ў міліцыі з-за таго, што на іх былі майкі з надпісам «3 ліпеня». У Брэсце семярых удзельнікаў акцыі салідарнасці адпусцілі з міліцыі пасля складання пратаколаў.

Як мінімум 17 чалавек былі затрыманыя падчас Дня незалежнасці. Такія дадзеныя па краіне прыводзяць праваабаронцы. Затрыманні адбываліся ў Брэсце, Гомелі, Мастах, Барысаве, Мінску і Магілёве.

Напярэдадні свята ў сацыяльных сетках заклікалі людзей выйсці на вуліцу 3 ліпеня і так выказаць нязгоду з тым, як праходзіць у краіне выбарчая кампанія. Дарэчы, міліцыя таксама выступіла са сваёй заявай: «Любыя правакацыі будуць спыняцца».

Напрыклад, у Гомелі на выхадзе з дому супрацоўнікі міліцыі затрымалі Алену Давыдову і Святлану Нарскіну, а на пляжы — Аляксея Раманава.

У Мінску ў мікрааўтобусе людзей у цывільным апынуліся муж і жонка Алена і Дзмітрый. Супрацоўнікі міліцыі ў цывільным сказалі, што яны падазрона выглядаюць. Правезлі на машыне каля 300 метраў па вуліцы Захарава і нечакана адпусцілі. Прычыну таго, што адбылося, мінчукам ніхто не патлумачыў.

У МУС паведамілі, што аператыўная абстаноўка ў краіне была спакойнай, надзвычайных сітуацый і здарэнняў у месцах правядзення масавых мерапрыемстваў не дапушчана.

«Разам з тым зафіксаваныя адзінкавыя факты парушэння грамадскага парадку па-за месцамі правядзення святочных мерапрыемстваў. У асноўным гэта дробнае хуліганства, парушэнне патрабаванняў закона аб масавых мерапрыемствах. У асобных выпадках затрыманыя за ўчыненне супрацьпраўных дзеянняў дастаўляліся для разгляду ў органы ўнутраных спраў», — распавялі ў міліцыі.
To‘liq o‘qish
Новы Час 4 Jul, 13:32
А вы хадзілі на святочныя мерапрыемствы 3 ліпеня?
Опрос
  • Так, хадзіў\хадзіла
  • Не, не хадзіў\не хадзіла
  • Хадзіў\хадзіла але з мэтай далучыцца да нейкай формы пратэсту
317 голосов
Новы Час 4 Jul, 13:30
​​3 ліпеня: эвалюцыя свята
Леанід Лыч

Для тых, хто перажыў суровыя выпрабаванні ўсталяванага фашыстамі рэжыму, самым вялікім святам быў і застаецца дзень вызвалення Беларусі ад фашысцкіх акупантаў. Катэгарычна сцвярджаю гэта, зыходзячы не толькі са свайго асабістага жыцця. Добра памятаю радасныя, залітыя слязамі худыя твары магілянскіх жанчын і мужчын, якія ў апошнія дні чэрвеня 1944 года сустракалі конных разведчыкаў-чырвонаармейцаў на адной з вуліц нашага напаўразбуранага нямецкай авіяцыяй мястэчка. А сустракалі не ў ліпені, а ў апошнія дні чэрвеня таму, што, хаця магіляне і знаходзяцца прыкладна на 90 кіламетраў на захад ад Мінска, у ходзе правядзення летняй наступальнай аперацыі «Баграціён», мястэча было вызвалена раней за беларускую сталіцу. Ад гэтага шчаслівага, радаснага дня ў людзей пачалося зусім новае жыццё, цалкам не падобнае на тое, якім яно было месяц-два таму. ЧЫТАЦЬ ДАЛЕЙ
To‘liq o‘qish
Новы Час 3 Jul, 10:05
​​Два беларускія мультфільмы трапілі на круты кінафестываль. Пра што яны?

Беларускія мультфільмы «Ласкавы воўк» і «Легенда пра гуслі» трапілі ў конкурс фестывалю анімацыйнага кіно ў Хірасіме. Арганізатары выбралі гэтыя мульцікі з больш чым 2300 заявак з 84 краін. А ўсяго ў конкурсе 59 работ — паведамляе Еўрарадыё.

Фестываль у Хірасіме — найбуйнейшы форум анімацыйнага кіно ў свеце. Нават проста ўдзельнічаць у ім лічыцца прэстыжным.

Пра што гэтыя беларускія мультфільмы і хто іх зняў?
Стужка «Ласкавы воўк» выйшла ў 2018 годзе на студыі «Беларусьфільм». Наталля Дарвіна-Хаткевіч зняла яе па казцы беларускай пісьменніцы Алены Масла. Гэта гісторыя галоднага ваўка-вегетарыянца з добрым сэрцам. Ён сілкуецца выключна травой, мёдам і гарбатай, але аднойчы зімовы голад становіцца настолькі невыносным, што воўк вырашае ўкрасці барана... Як гэта і прынята ў казках, перамагаюць дабро і сяброўства.

— Сучаснаму свету вельмі патрэбна дабрыня, — так каментуе сваю работу рэжысёр. — Ён задыхаецца ад гневу. Павінна быць такое кіно, пасля якога ты хочаш стаць лепшым, ты хочаш жыць.

Мультфільм «Легенда пра гуслі» рэжысёра Таццяны Кубліцкай — фантастычная гісторыя, як не складана здагадацца, пра гуслі. Хлопчык іх майструе з шчыта і цецівы лука. Усё для таго, каб скончыць вайну і вярнуць дадому бацьку. Пад чароўную музыку ваяры ўспамінаюць родных, пераадольваюць варожасць адзін да аднаго і мірацца.

18-ы Міжнародны фестываль анімацыйных фільмаў у Хірасіме пройдзе з 20 да 24 жніўня. Праз пандэмію фармат форуму абмежавалі: фільмы-пераможцы арганізатары будуць трансляваць анлайн.
To‘liq o‘qish
Новы Час 2 Jul, 19:10
​​Майстэрства выбарчых фальсіфікацый: сусветны досвед
Алег Новікаў

Спіс фальсіфікаваных выбараў настолькі велізарны, што міжволі ўзнікае крамольная думка: як толькі ўзнікла працэдура адбору лідараў шляхам галасавання — адразу ж і паўстала практыка электаральных махінацый. Некаторыя, дарэчы, лічаць, што першапраходцам тут мог быць славуты рымскі імператар Юлій Цэзар, які праклаў дарогу на палітычны алімп, раздаючы хабар плебсу. ЧЫТАЦЬ ДАЛЕЙ
To‘liq o‘qish