Суполка беларускіх пісьменнікаў


Kanal geosi va tili: Belarus, Beloruscha
Toifa: Siyosat


Навіны і гісторыя, тэксты, цікавосткі, кніжныя навінкі, крытыка.

Связанные каналы  |  Похожие каналы

Kanal geosi va tili
Belarus, Beloruscha
Toifa
Siyosat
Statistika
Postlar filtri


⭐️ З’явіўся сайт з творамі маладых беларускіх літаратараў

Услед за пляцоўкай “Новыя беларускія кнігі”, якая змяшчае водгукі і рэцэнзіі на айчыння кнігі, пісьменнік Валер Гапееў стварыў яшчэ адзін сайт прысвечаны маладой беларускай літаратуры.👍👍👍

Ствральнік апісаў яго так: “Рэсурс “Новыя беларускія кнігі і творы – Найноўшая проза: традыцыя, эксперыменты, пошукі” створаны з мэтай падтрымкі маладых беларускіх пісьменнікаў, а таксама для акумуліравання сучаснай беларускай прозы ў адным даступным для чытача месцы і, такім чынам, спрыяння яе вядомасці.” 🔥🔥🔥

👉 Больш тут

#навіны


⭐️ Гадзіннікі па Караткевічы прададзеныя

Гадзіннікі “Луч” (Мінскі гадзіннікавы завод) лімітаванай серыі “Мова”, прысвечанай Уладзіміру Караткевічу, былі раскупленыя літаральна за дзень. У продажы яны з’явіліся 21 лютага і ўжо на наступны дзень вытворца паведаміў, што мадэлі больш няма ў наяўнасці.👍👍👍

Вядома, серыя з 100 адзінак ужо сама па сабе рарытэтная, але той факт, што ёсць людзі, якім падабаецца нацыянальная тэматыка, не можа не цешыць. 🔥🔥🔥

Дарэчы, гадзіннік быў нятанным і каштаваў амаль 1500 рублёў.

#навіны


📙 Новая кніга Сяргея Кавалёва

“Камунікат” выдаў кнігай новыя п’есы вядомага драматурга Сяргея Кавалёва - “Камедыя Юдзіфі”.👍

У кнігу ўвайшлі творы аўтара напісаныя цягам 2016—2020 у розных жанрах: гістарычная драма, філасофская камедыя, містычны дэтэктыў, гарадское фэнтэзі, казка-прыпавесць. 🔥🔥🔥

#палічка


📙 “Сэр Гавейн і Зялёны Рыцар” выйдзе ў беларускім перакладзе

Выдавецтва “Янушкевіч” анансавала выхад кнігі “Сэр Гавейн і Зялёны Рыцар”.👍👍👍

Твор лічыцца адной з пярлін сярэднявечнай літаратуры і ўяўляе з сябе ангельскай паэмы ананімнага аўтарства канца XIV ст.🔥🔥🔥

Цяпер адкрыты папярэдні заказ.👍👍👍

❗️Пачатак продажаў запланаваны на 7 сакавіка.

#анонс


***
Трэба дома бываць часцей,
Трэба дома бываць не госцем,
Каб душою не ачарсцвець,
Каб не страціць святое штосьці.

Не забыць, як падвялы аер
На памытай падлозе пахне,
Як у студню цыбаты асвер*
Запускае руку да пахі.

Не забыць сцежкі той, што цябе
На дарогу выводзіла з дому,
Што у хаце там быў рубель
У цане і па курсу старому.

Не забыць, як марозам злым
Клямка пальцы пячэ балюча
І адкуль на стале тваім
Бохан свежага хлеба пахучы.

Помніць свой на іржышчы цень,
Не забыць, як завуць суседа,
Не забыць, як пяе пад дзень
За вясёлым сталом бяседа.

Трэба дома бываць часцей,
Трэба дома бываць не госцем,
Каб душою ты стаў чысцей
І не страціў святое штосьці.


1960

Рыгор Барадулін

#вершдня

290 0 10 1 24

📅 90 гадоў з дня нараджэння Рыгора Барадуліна

Рыгор Іванавіч Барадулін (1935-2014) - адна са знакавых постацяў беларускай літаратуры др. п. 20 ст. Пачаўшы з камсамольскае паэзіі ў маладосці, ён вырас да нацыянальнага класіка і маральнага аўтарытэта нацыі, сцвярджаючы ў сваёй творчасці непахісныя каштоўнасці беларускай культуры, незалежнасці краіны і хрысціянскай веры. 👍

Ён быў таленавітым і пладавітым паэтам з пад пяра якога выйшла каля 70 кніг.🔥

Акрамя таго, Р. Барадулін быў добрым перакладчыкам. Менавіта ён пераклаў на беларускую мову помнік старажытнарускай літаратуры «Слова пра паход Ігараў» і «Рубаі» А. Хаяма. Ён жа перакладаў многія творы У. Шэкспіра, Д. Байрана, Ф. Г. Лорку, Сяргея Ясеніна, Г. Містраль, П. Неруду, А. Міцкевіча і іншых. Вершы самога Барадуліна перакладзеныя на 38 моў свету. 🔥🔥🔥

#угэтыдзень


⭐️ Мядовая прэмія

У Беластоку 21 лютага на Дзень роднай мовы адбылося ўручэнне "Мядовай прэміі". 👍👍👍

Гэта асабістая прэмія, якую шмат гадоў ўручае паэт-пчаляр з Берасцейшчыны Мікола Папека.🔥🔥🔥

Сёлета яна дасталася Уладзіміру Арлову і Валянціне Аксак.

Віншуем! 💐💐💐

#навіны


📙 Кніга Уладзімера Арлова выйша па-польску

Кніга Уладзімера Арлова “Танцы над горадам”, што складаецца з трох фантасмагарычных аповесцяў, выйшла ўпершыню ў выдавецтве "Логвінаў" у 2017 г., а ў 2018 г. была ўганараваная літаратурнай прэміяй імя Ежы Гедройца.👍👍👍

Цяпер Польскі дзяржаўны выдавецкі інстытут выдаў яе ў перакладзе на польскую мову пісьменніка Богдана Задуры (Bohdan Zadura).🔥🔥🔥

👉 Замовіць па-польску можна тут

👉 А па-беларуску тут

#палічка


Моўны лікбез

Нарэшце і "зімовы слоўнічак" набыў актуальнасць, а мы ўжо думалі, што і не прыдасцца сёлета 😄

#гаворка


⭐️ Слова пра лаўрэата

На мінулых выходных прайшоў паэтычны фестываль “Вершы на асфальце”. Традыцыйна быў абвешчаны і сёлетні пераможца Стральцоўскай прэміі - ім стаў Кастусь Цвірка. 👍👍👍

Прапануем вам тэкст Міхася Скоблы прысвечаны асобе і творчасці лаўрэта:

Кастусь Цвірка заслужана ўганараваны Літаратурнай Стральцоўскай прэміяй. Творча-даследчыцкая неспакойная жылка жыла ў ім з маладосці, калі напісаліся – як бы ад імя пакалення – радкі, якія выглядалі як праграмныя, дзе было засведчана: “Такія, мусіць, косці ў нас – нам у пуху не спіцца, такія, мусіць, ногі ў нас – нам дома не сядзіцца, такія, мусіць, рукі ў нас – ніяк ім не стаміцца”.
Гэтаму свайму крэда Кастусь Цвірка верны ўсё жыццё. Калі і стамляецца, то выгляду не паказвае. Не сядзіцца яму ў мяккім хатнім фатэлі, усё нешта рупіць. Рыгор Барадулін у свой час успамінаў:
“Колькі ведаю Кастуся, ён ніколі не быў раздабрэлым, распаўнелым, ленаватым, а толькі паджарым, падцягнутым, імклівым і напружана роздумным”. 👍

👉 Цалкам тэкст тут

#лонгрыд


***
Падкраўся вечар чорнай скнарай,
Сыпнуўшы ў неба жменьку зор...
Пакорай сцішаная Нарач
Застыла сіняй бірузой.

А там, дзе захад лілаваты
Гасіў расплаўленую медзь,
Плыў човен кропляю агата
З абрыўкам хмаркі на карме.

У чоўне двое.
Ўсе клапоты
Аддаўшы пройдзенаму дню,
Плывуць, і вёслы у качотах
Кранаюць квола цішыню...

Як рыбакі, сабраўшы снасці,
Імкнуцца прэч ад берагоў,
Так і яны плывуць да шчасця
Кахання першага свайго.

Усё для іх,
што ёсць на свеце,
І на зямлі, і на вадзе,
Хай спадарожны добры вецер
Да мэты човен іх вядзе!..

Няхай плывуць сабе надзіва
Дарогай шчасця й пекнаты,
Сівая ж мудрасць тым шчасліва,
Што ходзіць берагам крутым...

...Цьмянеюць дальнія планеты,
І толькі месяц малады
Кідае срэбныя манеты
У шкло люстранае вады...


Алесь Звонак


#раптамверш


⭐️ Гадзіннікавая калекцыя "Мова"

Гадзіннікавы завод «Луч» да Міжнароднага дня роднай мовы выпусціў новую лімітаваную (усяго 95 шт.) калекцыю «Мова». Сёлета яна прысвечана Уладзіміру Караткевічу.

Новая мадэль створана на механізме «Луч-2209» — самым тонкім, які выпускаў Мінскі гадзіннікавы завод.
На цыферблаце змешчаная цытата Ул. Караткевіча: «Мова, прыгожае пісьменства, паэзія, музыка — сродак сувязі між думамі людзей, вышэйшы сродак». 🔥🔥🔥

#навіны


📙 "Марсіянскія Хронікі" Р. Брэдберы ў продажы

Пачаўся продаж анансаванай раней кнігі класіка амерыканскай літаратуры Рэя Брэдберы. "Марсіянскія хронікі" гэта шэдэўр навуковай фантастыкі XX стагоддзя, які не проста гісторыя пра спробы чалавецтва каланізаваць Марс, але глыбокае даследаванне нашых летуценняў, страхаў і няўдач. Праз серыю ўзаемазвязаных гісторый Рэй Брэдберы тчэ габелен з пранізлівых, паэтычных і захапляльных апо­ведаў. 🔥🔥🔥

👉 Набыць тут

#палічка


🎧 Альбом на вершы Надзеі Артымовіч

"Звышверш" — музычны альбом з такой назвай выйшаў на вершы паэткі.🔥🔥🔥

Ён быў прэзентаваны публіцы ў дзень яе народзінаў у Бельску. Вершы загучалі ў выглядзе харавых кампазіцый і дэкламацыі пад фартэпіяна. Ініцыятар стварэння альбому - музыка і літаратар Віктар Сямашка. 👍👍👍

Беларуская паэтка Надзея Артымовіч (1946-2023) нарадзілася ў Бельску Падляскім, сончыла беларускую філалогію ў Варшаўскім універсітэце.
📌 Была сябрам літаратурнага аб’яднання “Белавежа” і Саюза польскіх пісьменнікаў. Дэбютавала ў “Ніве” ў 1970 г.
📌 Аўтарка зборнікаў “We śniew bólu słowa”, “Роздумы”, “Сезон у белых пейзажах”, “З неспакойных дарог”, “Дзверы” (разам з А. Разанавым), “Лагодны час” і інш.

👉 Альбом можна паслухаць і нават спампаваць на пляцоўцы Bandcamp.

#аўдыё


⭐️ 80 гадоў з дня нараджэння Таісы Бондар

Нарадзілася 20 лютага ў г.п. Рудзенск Пухавіцкага р-на.
🌸 Скончыла Мінскі інстытут замежных моваў. Працавала настаўніцай,
на розных пасадах ў "ЛіМе" і часопісе "Беларусь".
🌸 Дэбютавала вершамі ў 1970 г.
🌸 Аўтарка зборнікаў паэзіі і прозы: “Захапленне”, “Акно ў восень”, “...І голас набыла душа”, “Святочны снег”, “Чырвоны месяц года”, “Спадчыны боль”, “Адна” і інш.

#угэтыдзень


⭐️ "Дзікае паляванне караля Стаха" магчыма экранізуюць у Польшчы

Кінапраект пад назвай “Дзікае паляванне караля Стаха” паводле аднайменнага славутага твора Уладзіміра Караткевіча атрымаў грашовую падтрымку ад Польскага інстытута кінамастацтва. 👍👍👍

Беларускі рэжысер Аляксей Раковіч пркаментаваў гэта так:
"Я маю правы на экранізацыю поўнага метра і серыяльнай версіі. Што датычна самога праекта, то ён яшчэ ў самым пачатку. Мы выйгралі конкурс толькі на распрацоўку сцэнара. Таму ідзе марудная праца па складванню капрадукцыі. Паралельна мы з маімі польскімі і беларускімі калегамі ствараем другі чарнавік літаратурнага сцэнарыя. Ёсць кантракт з нямецкай і польскай кінакампаніямі." 🔥

Пажадаем ініцыятарам поспеху і будзем сачыць за падзеямі.

#навіны


📙 "Пястачкі. Лірычна-роздумны канспект жыцця…" Рыгор Барадулін

Да 90-годдзя Рыгора Барадуліна выйшла цікавая кніга, дзе разам сабраныя кароткія запісы Р. Барадуліна, папярэдне змешчаныя ў ягоным 11-томным выданні «Дзеннікі і запісы. 1951-2014», друкаваным у 2015-2022 гг. Разнастайныя зацемкі хораша дапаўняюць партрэт паэта, летапіс яго жыцця, інтарэсаў і назіранняў.👍👍👍

Кніга выдадзена да юбілею народнага паэта на сродкі укладальніцы кнігі Наталлі Давыдзенка. Наклад - усяго 50 асобнікаў.

👉 Купіць можна тут

#палічка


⭐️ Людміле Сіманёнак- 50!

Паэтка Людміла Сіманёнак нарадзілася 19 лютага 1975, у Обальі, Шумілінскага р-на Віцебскай вобл.
🌸 Скончыла філалагічны факультэт Віцебскага педагагічнага інстытута.
🌸Працавала настаўніцай, кіраўніком літаратурна-драматычнай часткі беларускага тэатра «Лялька».
🌸 Вершы друкаваліся ў зборніку «Рунь», часопісах «Першацвет», "Дзеяслоў", «Работніца і сялянка», альманаху «Ратуша» і інш.
🌸 Аўтарка кніг паэзіі: "Разгорнуты сусвет", "У люстэрку", "Незабыты шлях".
🌸 Жыве і працуе ў Віцебску.

Віншуем і зычым натхнення! 💐💐💐

#угэтыдзень


⭐️ Выстава да 90-годдзя Рыгора Барадуліна

24 лютага
2025 года а 16-й гадзіне Беларускі дзяржаўны архіў-музей літаратуры і мастацтва запрашае на мерапрыемства з адкрыццём літаратурна-дакументальнай выставы “Жыццё. З такімі хітрымі вачыма…”, – прысвечанай 90-годдзю народнага паэта Беларусі Рыгора Барадуліна.👍👍👍

Публіцы будуць прадстаўленыя дакументы, якія былі ў вялікай колькасці атрыманыя музеем як ад самога Рыгора Іванавіча, так і ад яго даследчыкаў і рэдактараў. Гэта рукапісы і фатаграфіі, ліставанні з роднымі, сябрамі, калегамі, дакументы да біяграфіі паэта, творчыя напрацоўкі. 🔥🔥🔥

#анонс


📅 110 гадоў таму нарадзіўся Анатоль Бярозка

Паэт і грамадскі дзеяч Анатоль Бярозка (сапр. Мацвей Смаршчок) нарадзіся 19 лютага 1915, в. Падлессе, цяпер Ляхавіцкі р-н Брэсцкай вобл. — памёр 20 чэрвеня 2008).
📌 Скончыў гімназію імя Тадэвуша Рэйтана і ліцэй у Баранавічах, медыцынскі факультэт Віленскага ўніверсітэта. Дэбютаваў вершамі ў канцы 1920-ых гг.
📌 У 1929—39 публікаваў свае вершы ў віленскіх перыядычных выданнях («Заранка», «Шлях моладзі», «Калоссе», «Крыніца»).
📌 Рэдагаваў часопісы «Шлях моладзі», «Калоссе», рукапісны гумарыстычны часопіс «3-за плоту». Пасля ІІ Сусветнай жыў у Германіі, потым — у ЗША. Працаваў доктарам.
📌 Аўтар зборніка «Адзінаццаць вершаў» (1989; на беларускай і англійскай мовах).
📌 Памёр 20 чэрвеня 2008 года ў Мантысэле (Мінесота). Пахаваны на каталіцкіх могілках царквы Святога Генрыка ў Мантысэле.

#угэтыдзень

20 ta oxirgi post ko‘rsatilgan.