Нацыянальны Банк Вейшнорыі

@Viejsnoryja Yoqdi 0
Bu sizning kanalingizmi? Qo‘shimcha imkoniyatlardan foydalanish uchun egalikni tasdiqlang

Афіцыйны канал Нацыянальнага Банка Вейшнорыі
Kanal hududi va tili
Belarusiya, Rus tili
Kategoriya
Iqtisodiyot


Kanalning hududi
Belarusiya
Kanal tili
Rus tili
Kategoriya
Iqtisodiyot
Indeksga qo‘shilgan
09.04.2018 00:55
4 Jun 2018, 19:34 (1328 kun oldin)
ЧАТЫРНАЦЦАТЫ РЭЛІЗ - АДЗІН НАВАГРУДСКІ РУБЕЛЬ.

Адчаканены да 974-годдзя першага гістарычнага згадвання пра Навагрудак. У 1253 годзе ў Навагрудку быў каранаваны Вялікі князь Літоўскі Міндоўг, які абраў гэты горад у якасці сваёй рэзідэнцыі, і менавіта Навагрудак можна назваць адпраўной кропкай, з якой пачалася беларуская дзяржаўнасць - ён быў першай сталіцай Вялікага княства Літоўскага.
Аверс: на манеце па цэнтры размяшчаецца Навагрудскі замак. Выява ўзята з гравюры XIX ст. «Выгляд замка ў Навагрудку ў пачатку XVI стагоддзя». Пабудову Навагрудскага замка пачалі ў сярэдзіне XIII стагоддзя. Будавалі замак з цэглы і невялікіх камянёў. Навагрудскі замак быў пабудаваны ў некалькі этапаў. Будаўніцтва каменных вежаў і сцен пачалося ў канцы XIV стагоддзя па загаду Вялікага князя Літоўскага Вітаўта для абароны ад крыжакоў. Канчатковы выгляд замак набыў у XVI стагоддзі. У XVI стагоддзі замак у Наваградку быў сямівежавым і лічыўся для свайго часу адным з самых магутных. Дадаткова замак быў абаронены ўмацаваннямі з паўночнага і паўночна-заходняга бакоў. Тут знаходзіліся вялікі земляны вал, а таксама абарончы роў шырынёй да 30 метраў і глыбінёй да 4 метра. Упершыню Навагрудскі замак сур'ёзна пацярпеў падчас вайны Рэчы Паспалітай з Маскоўскім княствам у перыяд з 1654 па 1667 гадоў, ад Маскоўскіх войскаў пад камандаваннем князя Івана Хаванскага. Вежы Меская, Калодзежная, Малая Брама і Пасадская былі амаль цалкам разбураны. Канчатковы ўдар па замкавых сценах нанеслі шведы ў час Паўночнай вайны ў 1706 годзе. Да пачатку XX ст. ад верхняй часткі замка засталіся толькі тры вежы: Дазорная, Шчытовая і Касцельная. У Першую Сусветную вайну абвалілася ў Шчытавой вежы паўднёвая сцяна. Пад ахову разваліны замка былі ўзяты ў 1921 годзе, у 1922 – 1930 гадах была праведзена частковая кансервацыя сцен, якія ацалелі. Сцены Касцельнай вежы фактычна былі нанова збудаваны. Да нашых дзён дайшлі руіны Шчытовай і Касцельнай вежаў. Яны з'яўляюцца папулярным турыстычным аб'ектам. Над замкам на манеце размяшчаецца вялікае воблака (злева да сярэдзіны). Справа ад воблака размяшчаецца гістарычны герб Навагрудка. У 1511 годзе горад атрымаў Магдэбургскае права, а ў 1595 г. Жыгімонт III падарыў гораду герб: у чырвоным полі "барочнага" шчыта размяшчаецца фігура Архангела Міхаіла, які стаіць на зялёнай зямлі і трымае ў правай руцэ меч, а ў левай – шалі. Сучасны герб зацверджаны 16 траўня 2001 года. У аснове сучаснага герба горада ляжыць герб ўзору 1595 года, дзе галоўнае адрозненне ў колеры крылаў Архангела Міхаіла. На ўзоры гістарычнага герба яны белыя, на сучасным – сінія. Злева ад герба і уверсе над воблакам размяшчаецца дата "1044" (першае гістарычнае згадванне пра Навагрудак). Злева ўверсе па крузе размешчаны надпіс "НАВАГРУДАК". Унізе пасярэдзіне адразу пад замкам размяшчаецца надпіс "АДЗІН", пад ёй па крузе - "НАВАГРУДСКІ РУБЕЛЬ". Па крузе манета ўпрыгожана дэкаратыўнымі кропкамі.
Рэверс: уверсе на манеце размяшчаецца надпіс на беларускай мове "РЭСПУБЛIКА БЕЛАРУСЬ" у два радкі. Злева ад цэнтра трохі ўверсе адлюстраваны адзін з сімвалаў Беларусі - бусел. У дадзенай манеце бусел трохі выдатны ад тых, што выходзілі ў мінулым, аўтар вярнуўся да першапачатковай выявы бусла, які быў на "Ўздзенскім рублі" ("дзьмутыя" крылы, хвост трохі іншы). Справа і па цэнтры размяшчаецца схематычная карта Рэспублікі Беларусь з межамі абласцей. Пад буслам ад цэнтра трохі ўнізе ідзе год чаканкі манеты - 2018. Унізе справа пад схематычнай картай Гомельскай вобласці ідзе надпіс "_w_" - стылізаваны подпіс аўтара. Справа ад схематычнай карты Гомельскай вобласці ідзе надпіс "4S".
Дата выпуску: травень 2018.
Памер: 25*2мм.
Гурт: рубчасты.
Матэрыял: латунь.
Вага манеты: 8,2 гр.
Манета знаходзіцца ў пластыкавай капсуле.
Тыраж: 100 асобнікаў.
Не з'яўляецца плацежным сродкам.