ЧЫТАЛЬНЯ

🍂 Восень. Час прыгожы і паэтычны. Для беларусаў жа гэты час напрыканцы кастрычніка поўніцца сумам і горыччу. З 29-га на 30-е мы ўзгадваем жудасную ноч 1937-га, у якую больш за сто беларускіх літаратараў і іншых прадстаўнікоў беларускай інтэлектуальнай эліты былі расстраляныя ў менскай “амерыканцы”.

🙏 Сённяшнія масштабныя рэпрэсіі — бы рэха тых жудасных часоў. Творцы слова ў Беларусі — пад пераследам і за кратамі, шмат хто ў рэжыме інкамунікада. Пазбаўленне магчымасці чытаць і пісаць — адно з найгоршых катаванняў для чалавека, які мае што сказаць.

📚 Да сустрэчы чытацкага клубу напрыканцы кастрычніка прапануем дзве кнігі вершаў.

🔹 Зборнік "Нерасстраляныя". Унікальнае выданне, у якое ўвайшлі 18 гісторыяў жыцця рэпрэсаваных беларускіх літаратараў, іх абраныя творы і архіўныя фотаздымкі. Іх перапынілі на паўслове. Лёс іх абарваўся трагічна. Аднак кніга — не пра ахвяр. Яны заспелі гістарычныя змены, сталі сведкамі з’яўлення новай краіны. І менавіта ім выпаў лёс фарміраваць яе культурнае аблічча.

🔹 Зборнік “DOM. Паэзія выгнання” нашага сучасніка, праваабаронцы “Вясны” Сяржука Сыса. У кнізе — эсэ пра пачуцці і думкі паэта падчас уварвання Расеі ва Украіну, куды ён з-за пераследу на радзіме трапіў у 2021, пра яго падарожжа да Вільні, вершы, напісаныя ў 2021-23 па ўсёй геаграфічнай лініі доўгага і складанага шляху — Менск, Смаленск, Бранск, Арол, Курск, Кіеў, Чарнігаў, Моршын, Варшава, і ўласна “Віленскі цыкл” вершаў.

🚩 У чытацкім чаце бліжэйшымі тыднямі будзем знаёміць вас з асобнымі вершамі з абодвух зборнікаў, далучайцеся! І безумоўна, абедзве друкаваныя кнігі даступныя ў чытальнай залі бібліятэкі, завітвайце!

🤗 А 25 кастрычніка сустрэнемся ў "Чытальні" і пагутарым пра творы рэпрэсаваных ў мінулым стагоддзі і паэзію выгнання ў стагоддзі сённяшнім разам з Сяржуком Сысам.

🗓 Пятніца 25 кастрычніка
🕘 18:30
📍 Vilniaus gatve 20

#чытальняўвільні #cytalniavilniuje #чытацкіклуб #сяржуксыс #dom #вершы #нерасстраляныя

💫 У Міжнародны дзень перакладчыка адзначым унёсак выбітных беларускіх перакладчыкаў і перакладчыц у даступнасць нам твораў сусветнай літаратуры на беларускай мове. Сваёй натхнёнай працай яны пашыраюць і моўныя, і культурныя гарызонты беларускай чытацкай аўдыторыі.

🤍 Ніна Мацяш (1943-2008), адна з самых вядомых беларускіх перакладчыц і паэтак. Яна перакладала з некалькіх еўрапейскіх моў, асабліва вядомая перакладамі з французскай і нямецкай моваў. Сярод яе знакамітых прац — "Маленькі прынц" Антуана дэ Сэнт-Экзюперы, які стаў сапраўдным шэдэўрам беларускай перакладной літаратуры, пераклады паэзіі Генрыха Гайнэ і іншых нямецкіх паэтаў.

🤍 Сяргей Шупа, знакавая фігура ў беларускай перакладчыцкай супольнасці. Яго пераклады сусветнай класікі, такія як, да прыкладу, "1984" Джорджа Оруэла, пераклады літоўскіх топ-твораў апошнія 30 год, такіх як "Белы саван" Антанаса Шкемы і "Туўла" Юргіса Кунчынаса, узбагацілі беларускае літаратурнае поле важнымі творамі, якія раскрываюць глыбокія культурныя і філасофскія тэмы. Шупа вядомы сваёй здольнасцю дакладна перадаваць стыль і настрой арыгінала, захоўваючы аўтарскія ідэі і інтэнцыі. Апошняя знакавая публікацыя ў яго перакладзе — "Зэлмэняне" Мойшэ Кульбака.

🤍 Марыя Мартысевіч, паэтка, вядомая перакладамі сучаснай літаратуры з англійскай, польскай, украінскай, чэшскай на беларускую. Яе пераклады адрозніваюцца інавацыйнасцю і творчым падыходам, а таксама здольнасцю спалучаць класічныя і сучасныя стылі.

🤍 Андрэй Хадановіч, паэт, шмат працуе з перакладамі еўрапейскай паэзіі і прозы на беларускую мову. Сярод вядомых прац перакладчыка — вершы Шарля Бадлера і іншых французскіх паэтаў, польскага паэта Цыпрыяна Каміля Норвіда, Сергія Жадана і іншых украінскаіх творцаў.

🤍 Ігар Кулікоў, паэт, перакладае мастацкія і навукова-папулярныя тэксты і вершы — і класічныя, і сучасныя — з англійскай мовы і санскрыту, а таксама тэксты, звязанымі з філасофіяй і гуманітарнымі навукамі. Кулікоў вызначаецца дакладнасцю перакладу і здольнасцю захоўваць аўтарскую стылістыку і інтэнсіўнасць ідэяў у арыгінале. і гэта выдатна адчуваецца ў яго перакладах твораў Джона Р. Р. Толкіна.

🤍 Асобна ўзгадаем паэтку Веру Рыч, якая паходзіла з Англіі і зрабіла неацэнны ўнёсак у пераклад беларускіх твораў на англійскую мову. Яна пераклала шмат класічных і сучасных беларускіх твораў, сярод якіх вершы Янкі Купалы, Якуба Коласа і Максіма Багдановіча. Яе праца адкрыла англамоўным чатачам беларускую літаратуру.

✔️На сайце часопісу перакладной літаратуры Прайдзісвет можна даведацца пра іншых прафесіяналаў_к перакладу і пра тое, якія замежныя творы мы можам чытаць на роднай мове.

🎆 А мы віншуем майстроў і майстрыц перакладу з прафесійным святам, а чытачоў і чытачак запрашаем у "Чытальню" за выданнямі ў іх выбітных апрацоўках!

#чытальняўвільні #cytalniavilniuje #пераклады #замежнаялітаратура

🔥 Сёння!

...Народны погляд на гісторыю як бясконцы ланцуг гвалту і пакутаў. Моц паганскіх традыцый і бабуль-шаптухаў. Сувязь мінулага з сучасным. Агульная дэградацыя і незакрыты, неасэнсаваны гештальт гвалту, за які ніхто не пакаяўся, як крыніца падзей, з якімі маем справу сёння. І пра шанец перамагчы нячыстую сілу. Не страціўшы сябе ў віры выпрабаванняў.

📕 Беларуская кніга, што выйшла ў свет акурат у лёсавызначальным для беларусаў 20-м.

✍️ Беларуская пісьменніца-"проста зорка, у якой энергіі і розуму хопіць на паў-Беларусі" (з водгуку чытачкі).

🗓 Сустрэча чытачoў пра кнігу "Пра што ідзеш, воўча" з удзелам пісьменніцы Святланы Курс (Евы Вежнавец) — ужо праз некалькі гадзін.

❗️ Не прапусціце! Спасылку на анлайн-сустрэчу апублікуем у чаце "Чытальні". Пачынаем з 18.30 па віленскім часе.

🗓 Пятніца 27 верасня
🕘 18:30 (віленскі час)
📍 Zoom

#чытальняўвільні #cytalniavilniuje #чытацкіклуб #евавежнавец #святланакурс #проза #паштоідзешвоўча

🍁 Восень са сваімі дажджамі ды вятрамі так і штурхае ўхутацца ў цёплы плед, заварыць кубачак гарбаты і ўзяцца за ўтульную кнігу. Але ж якія творы абраць для гэтых доўгіх вечароў?

✍🏻 Гэтую задачу мы бяром на сябе: «Новая Беларусь» і «Чытальня» разам падабралі дзясятак атмасферных беларускіх кніг. 🍂☕️ Падрабязна пра кожную кнігу паасобку — у нашых Instagram, Facebook i чытацкім чаце ў Telegram, далучайцеся!

🙌 Таксама прапануем кідаць у каментары і чат назвы крутых твораў, якія б вы параілі прачытаць гэтай восенню!

🤗 А калі вы ў Вільні, то ўсе кнігі з падборкі ёсць у наяўнасці ў бібліятэцы Цэнтра беларускай супольнасці і культуры, якая з мінулага году атрымала новы віток развіцця дзякуючы праекту «Будуй сваё» ад «Новай Беларусі». Дарэчы, праект працягваецца, і да яго можа далучыцца любы ахвотны з любой кропкі свету!

⚡️Далучыцца да «Будуй сваё» і падтрымаць ідэі іншых або прапанаваць сваю можна праз унёсак ад 35 еўра. Падрабязней на сайце «Новай Беларусі».

#новаябеларусь #newbelarus #будуйсваё #чытальняўвільні #cytalniavilniuje

👫 Віленскі Цэнтр беларускай супольнасці і культуры з гэтых выходных поўніцца дзіцячымі галасамі-званочкамі, бо распачаўся новы сезон'https://t.me/vilniaus20/941https://t.me/vilniaus20/941' rel='nofollow'> Беларускай школкі.

📚🥤А пакуль дзеткі-кветкі на занятках, бацькі маюць магчымасць пабавіць час, гартаючы кнігі з паліц "Чытальні" з кубачкам гарбаты ці кавы.

📲За лета колькасць кніг у каталогу https://cytalnia.com падрасла да без малога 2 тысяч.

👼 Папоўнілася і палічка дзіцячай літаратуры, на якой маем колькі навінак з Менску для самых маленькіх!

🤗 Чакаем вас за кнігамі: CР, ЧТ, ПТ 14-20, СБ, НД 10-20

🍁 Прыгожага і насычанага добрымі падзеямі дня!

#чытальняўвільні #cytalniavilniuje #новыякнігі #дзецям

Сёння, 15 верасня, у дзень беларускіх бібліятэк, дзякуем усім, хто наведвае наша ўтульнае беларускае месца сустрэчы людзей і ідэй у Вільні, завітваючы за кнігамі і на імпрэзы пра кнігі, і усім, хто падтрымлівае "Чытальню" словам і справай!

#чытальняўвільні #cytalniavilniuje

🫶 Учора ў Цэнтры беларускай супольнасці і культуры Сяргей Дубавец прэзентаваў свае новыя творы — ""Занзібар" і "Стагодзьдзе НН". Асобнікі з дэдыкацыямі аўтара — ужо ў каталозе і на паліцах бібліятэкі!

📚 Сардэчна запрашаем у "Чытальню" на гэтых выходных, бо сёння і заўтра тут у наваколлі дзеецца неймаверна шмат цікавага па праграме Тыдня беларускай культуры!

🤍 У двары Цэнтру ўжо з раніцы разгарнуўся 'https://t.me/vilniaus20/976https://t.me/vilniaus20/976' rel='nofollow'>кірмаш майстроў, талентаў і музыкі, на якім ладзіцца і продаж кніг. А заўтра адзначаем дзень восеньскага раўнадзенства 'https://t.me/vilniaus20/968https://t.me/vilniaus20/968' rel='nofollow'>абрадам "Багач", танцамі ды прысмакамі!

🤗 Вельмі ўсіх чакаем на Vilniaus g. 20!

#чытальняўвільні #cytalniavilniuje

📚 Шаноўнае спадарства, запрашаем далучацца да клубу "Чытальні" і цягам бліжэйшых тыдняў разам прачытаць вядомую аповесць "Па што ідзеш, воўча?".

🍀 Гэтая "балотная казка" пісьменніцы Святланы Курс, што піша пад псеўданімам Ева Вежнавец, "не падобная на тую беларускую літаратуру, якая звычайна мне траплялася, ні па стылі, ні па падачы, ні па ідэі" (з інтэрнэт-водгуку).

🙂А вось што кажа пра кнігу Кася Камоцкая: "Сабачая смерць тут не лічыцца... А чалавечая? А жыццё чалавека? Пытанні, пытанні, пытанні. На іх спрабуе адказаць аўтарка кнігі. Але ўвогуле Беларусь усё яшчэ неадказанае, неразгаданае пытанне. Давайце разам імкнуцца разгадаць наш лёс, нашую краіну".

📕Кніга апублікаваная ў 2020 годзе, адзначаная прэміяй Ежы Гедройця ў 2021 годзе і карыстаецца попытам у чытачоў нашай бібліятэкі.

🗓 Пра твор, у якім галоўная гераіня мусіць "пахаваць бабулю, адкапаць каханка і аднавіць крыніцы", і пра свае ўражанні ад спробаў разгадаць праз яго лёс радзімы прапануем пагутарыць на анлайн-сустрэчы з удзелам аўтаркі 27 верасня.

😉 За асобнікамі аповесці завітвайце ў "Чытальню", а тым, каму да нашае бібліятэкі не дабрацца ці хто ёсць аматарамі аўдыёфармату, кніга даступная тут.

🔥 У нашым чытацкім чаце пра аўтара і кнігу будуць публікавацца дадатковыя звесткі і цікавосткі, далучайцеся!

🗓 Пятніца 27 верасня
🕘 18:30 (віленскі час)
📍 Zoom

#чытальняўвільні #cytalniavilniuje #чытацкіклуб #евавежнавец #святланакурс #проза

🍁 Пакуль верасень дзень за днём фарбуе лісцікі ў колеры восені, Цэнтр беларускай супольнасці і культуры, дзе размяшчаецца наша бібліятэка, распачаў новы сезон Тыднем беларускай культуры.

❤️ І, вядома, якое ж ушанаванне роднай культуры без беларускае кнігі!

💫 На пачатку Тыдня, у панядзелак 9 верасня, сваю кнігу "Забіць упалмінзага" прэзентаваў Зміцер Бартосік, пакінуўшы свой аўтограф у асобніку для "Чытальні".

🗓 А ў пятніцу 13 верасня Сяргей Дубавец распавядзе пра свае новые кнігі "Занзібар" і "Стагодзьдзе НН".

🎆 Напрыканцы ж Тыдня, у суботу 14 верасня, апрача самых розных падзей і актыўнасцяў для дзяцей і дарослых на падворку Цэнтру адбудзецца кніжны кірмаш.

🤗 Ласкава запрашаем на імпрэзы, прысвечаныя роднай культуры і спадчыне, і за кнігамі ў бібліятэку на Vilniaus 20!

🗓 З верасня дзверы "Чытальні" адчыненыя для вас па поўным графіку:

🔹 СР, ЧЦ, ПТ з 14-й да 20-й
🔻 СБ, НД з 10-й да 20-й

#чытальняўвільні #cytalniavilniuje

⚡️ Апошняй з нізкі гісторый Сяргея Календы дзелімся не толькі з удзельнікамі чытацкага чату, але і з усім паважаным спадарствам!

😎 Праз пару гадзін абмяняемся сваімі поглядамі і досведам — хто жа ўсё-ткі стрыжэ лепей, і абмяркуем безліч іншых разнастайных тэм, якія аўтар закранае ў сваім зборніку "Стрыжэ і піша".

🤗 Чакаем беларускамоўных аматараў_ак чытання на сустрэчы чытацкага клубу на Vilniaus 20 ва ўтульнай і прахалоднай залі 💨

🗓 Пятніца 30 жніўня
🕘 18:00
📍 Vilniaus g. 20

#чытальняўвільні #cytalniavilniuje #чытацкіклуб #календа #проза

📕 Ужо колькі дзён у чытацкім чаце мы гартаем старонкі з кнігі гісторый пісьменніка і цырульніка (ці наадварот 😉) Сяргея Календы "Стрыжэ і піша".

💫 Сёння там апублікаваная гісторыя, якая называецца "лепей позна".

Пра тое, што ты сапраўды ствараеш сваё жыццё сам, калі
✔️ бярэш сваю сапраўдную мрою,
✔️ бярэш сябе ў рукі
і
✔️ бярэшся гэтую мрою здзейсніць.

🔥 І здзяйсняеш. Незалежна ад узросту. Пры любых абставінах. Галоўнае, каб мроя была.

Сардэчна запрашаем у чат пачытаць гісторыі, апублікаваныя там на тыдні і чакаем усіх ахвочых cустрэцца на гутарку пад гарбату з аўтарам кнігі ў клубе "Чытальні"!

🗓 Пятніца 30 жніўня
🕘 18:00
📍 Vilniaus g. 20

#чытальняўвільні #cytalniavilniuje #чытацкіклуб #календа #проза

✍️ Гісторыя пятая ад Сяргея Календы — пра кліента-іншаземца.

🧐 Магчыма, яшчэ і таму ў назве — слэнгавы выраз, запазычаны з англійскай мовы.

🚩 Ён пра сітуацыі, калі нешта ідзе не так, як планавалася ці чакалася.

🙂 Запрашаем пачытаць апавяданне пра няёмкі выпадак з жыцця цырульніка ў нашым чаце чытачоў.

😉 А мо хто ўзгадае нешта падобнае са свайго жыццёвага досведу ды наважыцца падзяліцца?

#чытальняўвільні #cytalniavilniuje #чытацкіклуб #календа #проза

😉 Сёння пашыраем ракурс. Ад проста "Станіка" ў першай гісторыі пераходзім да бялізны агулам у гісторыі нумар 4 ад Сяргея Календы.

🧐 Калі больш дакладна, то аповяд — пра пагрозу працоўнаму стану цырульніка на бялізнавых паказах.

➡️ Чытайма разам у чытацкім чаце!

#чытальняўвільні #cytalniavilniuje #чытацкіклуб #календа #проза

🔻 "Каляровая" гісторыя Сяргея Календы нумар тры — пра тое, якія здараюцца (ня)ўдзячнасці падчас стараннай працы — у чытацкім чаце!

🤍 Завітвайце, будзем рады новым чытачам!

#чытальняўвільні #cytalniavilniuje #чытацкіклуб #календа #проза

🔖Сёння адкрываем "Стрыжэ і піша" на глянцавай старонцы 35 і дазнаемся, што там атрымалася ў маладога цырульніка Сяргея Календы з кліентам са званнем "Палкоўнік".

✅ Гісторыя ўжо ў чаце, запрашаем!

#чытальняўвільні #cytalniavilniuje #чытацкіклуб #календа #проза

🔥 Ну-с, распачынаем!

1️⃣Першая гісторыя апублікаваная ў нашым чытацкім чаце, запрашаем азнаёміцца.

☺️ Гісторыя караценечкая зусім. Для пачатку.

😊Абудзіць апетыт на заўтра.

😎 Заўтра назва больш сур'ёзная, а сюжэт вастрэйшы. Нібыта.

👀 Хаця каму як.

🤗 Далучайцеся да чату, там тое і абмяркуем 😉

#чытальняўвільні #cytalniavilniuje #чытацкіклуб #календа #проза

🎆 Ужо праз тыдзень у "Чытальні" абмяркуем з Сяргеем Календам яго кнігу "Стрыжэ і піша".

💫 Лёгкія і цікавыя тэксты ў зборніку даюць унікальную магчымасць убачыць рэчаіснасць вачыма пісьменніка, які адначасова ёсць экспертам цырульніцкай справы:
"...Ужо шмат гадоў я пішу кнігу пра цырульніцкае жыццё, а дакладней — запісваю цікавыя гісторыі, якія адбыліся са мной і маімі кліентамі. Шчыра кажучы, калі я пачынаў толькі разумець пра тое, якая гэта дзіўная і цікавая прафесія, звязаная не толькі з прыгажосцю, але і са стасункамі і псіхалогіяй паводзін, я і не думаў, якіх аб'емаў можа дасягнуць кніга. І гэта мы з рэдактарам палову выкрэслілі, хе-хе. Многія ведаюць мяне не толькі як стыліста, але і як пісьменніка, ува мне жывуць дзве любімыя прафесіі. І як пісьменнік я ў разгубленасці: ці працягваць?"

😏 Пытанне гучыць рытарычна, бо тыя чалавечыя гісторыі, якія Сяргей, шчаслівы чалавек, які меў шчасце знайсці і паспяхова выконвае ажно два прызначэнні, чуе і бачыць ад самых розных кліентаў, безумоўна адгукнуцца чытачам і чытачкам — кожнаму і кожнай нечым сваім. Уласна, далей пра тое і гаворка далей: "...за апошні час ад сваіх кліентаў даведаўся столькі ўсяго пра вірус і выбары, што гэта заслугоўвае асобнага тома. Са мной дзяліліся думкамі дактары і медсёстры з бальнічных франтоў, мытнікі і пілоты распавядалі пра падзеі жніўня, калі самалётамі вывозілі з краіны грузы, псіхатэрапеўты — пра невясёлыя прагнозы, бо свет зламаны вірусам і "хатнім арыштам", а беларусы паламаныя яшчэ і палітычна, і адчуваецца, што гэта так бясследна не пройдзе".

😉 Таму, шаноўныя чытачы і чытачкі, збіраемся, каб агучыць свой адказ пра тое, ці варта працягваць і чаму, ды падзяліцца сваімі думкамі — ці сапраўды прагнозы толькі невясёлыя, наколькі насамрэч "свет зламаны" ды "беларусы паламаныя..." Бо ж і сам аўтар напрыканцы кнігі прызнае, што "іншага часу жыць няма" і што "навучыўся жыць, а цешыцца мяне вучаць дзеці і жонка". І ўвогуле добрых людзей болей, пра тое і прыклад ад аўтара: "аднойчы ў Паставах дырэктар студыі мне насмажыла дранікаў і прынесла на абед".

🤗 І на салодкае! Ад заўтра ў чытацкім чаце з дазволу спадара Сяргея будзем штодня публікаваць адну гісторыю з кнігі. Такім чынам, цягам тыдня разам прачытаем сем гісторый, адабраных аўтарам на свой густ спецыяльна для вас. Далучайцеся да чату і завітвайце ў бібліятэку па свой асобнік "Стрыжэ і піша" (яшчэ маем адзін у наяўнасці).

🗓 Пятніца 30 жніўня
🕘 18:00
📍 Vilniaus g. 20

#чытальняўвільні #cytalniavilniuje #чытацкіклуб #календа #проза

🌿У гэты чацвер 15 жніўня ў Літве святкуецца Žolìnė — свята, прысвечанае зёлкам 😉, якое нагадвае пра ўраджай і пра тое, што хутка восень.

🗓 Гэта афіцыйны выходны дзень, таму на гэтым тыдні чакаем вас за кнігамі з пятніцы да нядзелі, шаноўныя чытачы і чытачкі!

🤗 Добрага адпачынку!

❤️ Сярод сёлетніх падарункаў у кнігазбор "Чытальні" — калекцыя выданняў так званай "эмігранцкай літаратуры". У бібліятэку іх перадала Фундацыя імя Пётры Крачэўскага.

✍️ Фундацыя, якая носіць імя трэцяга старшыні, а пазней Прэзідэнта Рады БНР Пётры Крачэўскага, была заснаваная беларусамі ў 1958 годзе ў ЗША як некамерцыйная навукова-культурная арганізацыя. Ініцыяваў яе стварэнне Мікола Абрамчык, тагачасны старшыня Рады БНР. А ў рэгістрацыі Фундацыі ў 1959 годзе ўзялі ўдзел самыя розныя прадстаўнікі беларускай эміграцыі — скарыназнавец Вітаўт Тумаш, літаратуразнавец і гісторык Антон Адамовіч, грамадскі дзеяч Кастусь Мерляк, вайсковец Віталь Кажан і паэтка Наталля Арсеннева.

🔥 Гэтая арганізацыя паслядоўна і паспяхова дзейнічае да сённяшняга дня: арганізуе і падтрымлівае вывучэнне беларускай спадчыны, спрыяе выданню навуковых кніг і ўспамінаў, мае архівы і бібліятэку ў Нью-Ёрку (Куінс).

😊 Людвіка Кардзіс, дырэктарка віленскага Беларускага музея імя Івана Луцкевіча: "У Фундацыі Крачэўскага дзесяцігоддзямі старанна збіраюцца і захоўваюцца матэрылы і архівы пра гісторыю, культуру і традыцыі Беларусі, у тым ліку кніжныя выданні. Мы даўнія сябры і партнёры. Асобнікі, што мы атрымалі ад Фундацыі для бібліятэкі і музея, насамрэч вельмі аўтэнтычныя і адметныя. Мы шчыра ўдзячныя за такі клопат пра чытацкую супольнасць у Вільні ".

🚩 Кнігі ўжо размясціліся на нашых паліцах і іх можна браніраваць у анлайн-каталозе на https://cytalnia.com. Запрашаем дакрануцца да сапраўдных каштоўнасцяў, якія пабачылі свет і дабраліся да нас з-за Атлантыкі намаганнямі адданых беларушчыне людзей!

#чытальняўвільні #cytalniavilniuje #эміграцыя #беларусызамежжа #фундацыякрачэўскага #belarusiankreceuskifoundation