Вясна

Кастусь Цвірка

Вясна, вясна... Рачулак звон.. 
Скрозь браткі ўжо цвітуць. 
І ружы сонечнай бутон 
Раскрыўся — не мінуць! 
 
Вясёлы ветрык веснавы 
За логам, ля ракіт — 
Глядзі — расчэсвае травы 
Зялёны аксаміт. 
 
З гары крутой бруя на дол 
Празрыстая імчыць. 
Яна, не моўкнучы, наўкол, 
Як музыка, гучыць. 
 
I ажылі наўкол лясы — 
Хутчэй, хутчэй сюды: 
У дрэвах птушак галасы 
Звіняць на ўсе лады. 
 
Ну ж i прастор для дзетвары! 
Усіх заве вясна. 
Там, на прыволлі, да зары 
Не моўкне гамана.

Добрага ўсім дня!
#паэтычнаястаронка
#вясна