Сказки Босоногой Души - Эльга Попова

🦒🍋
Жыве на свеце Лімонавая Жырафа. Колерам яна сапраўды нагадвае сакавіты жоўты лімон, а плямкі на яе шыі і тулаве малочна-шакаладныя. Пахне Жырафа карыцай і ваніллю. Але, нягледзячы на ўсю апетытнасць Жырафы, ніхто яе, вядома, не ясі. Па-першае, таму што Жырафа вельмі добрая. Яна ўсім усміхаецца і кожнаму зыча добрай раніцы і добрага дня. Па-другое, Жырафа вельмі вялікая. Ну ве-е-ельмі высокая! Да неба. Як такую з’еш?

У яснае надвор’е, калі аблокі на небе падымаюцца да самага сонца, росту Жырафы якраз хапае, каб, выцягнуўшы галаву, злізваць з іх узбітыя вяршкі. А вы што, не ведалі? Летнія аблокі якраз і складаюцца з салодкіх узбітых вяршкоў. Жырафа іх вельмі любіць.

У надвор’е пахмурнае, калі цяжкія шэрыя хмары шчыльнай коўдрай апускаюцца да самай зямлі, Жырафа зусім не сумуе. Яна проста падымае галаву над хмаркамі і ўсміхаецца сонейку, якое схавалася за імі. Гэтак і ходзіць Жырафа: нагамі і тулавам у волкім тумане, а шыяй і галавой — над каляровымі аблокамі.

Бывае так, што хто-небудзь засмуткуе па сонейку, калі таго доўга няма (такое часам здараецца, бо, урэшце, сонцу таксама патрэбныя вакацыі!). А Лімонавая Жырафа адразу адчувае, каму патрэбна дапамога, і спяшаецца туды.

Вось уяві, глядзіш ты сумна ў акно, а там усё мокрае і шэрае. Сядзіш сабе, тужыш. І, раптам у акенца да цябе яркім жоўтым праменьчыкам зазірае Лімонавая Жырафа!

— Ну што кіснеш? — пытае. — Залазь да мяне на шыю хутчэй!

І ты адчыняеш акно і караскаешся па паслужліва падстаўленай шыі Жырафы.

— Хапайся за рогі! — камандуе добрая Лімонавая Жырафа і пачынае падымаць галаву.

Спачатку ты ўзлятаеш па-над дрэвамі, потам над дахамі дамоў, антэнамі і галубамі, а потым і ўвогуле над хмарамі. Вынырваеш з глейкай волкасці аблокаў, а там… Чараўніцтва! Далікатна свеціць сонейка. Над табой сіняе-сіняе неба, па ім чайкі лётаюць і шары паветраныя. А пад табой аблокі ўсіх колераў: рудыя, бэзавыя, снежна-белыя і лімонавыя як Жырафа. І так табе добра і радасна робіцца! Нуда ўся кудысьці ідзе, ты заліваешся звонкім смехам. І Жырафа, і сонейка, і чайкі смяюцца разам з табой.

І калі Жырафа спускае цябе ўніз, гэтая радасць і цяпло застаюцца ўнутры. Жырафа ідзе далей, а ты зараз сам, як тая жырафа, асвятляеш сваёй усмешкай шэры свет — ідзеш па мокрай вуліцы і свецішся. А сумныя людзі, сустрэўшыся з табой, весялеюць і пачынаюць усміхацца таксама. Зухаватае сонца, злёгку рассунуўшы хмары, падміргвае табе зверху. І ўсё пахне карыцай і ваніллю.

А Лімонавая Жырафа блукае сабе недзе і ціха ўсміхаецца.

#на_роднай_мове #сказка_на_ночь #сказки_Эльги #иллюстрации #digital_art

ВАРШАВА 🧜🏻‍♀️
⭐️16.11⭐️
фестываль “Прадмова”
12.00-13.15 "Я - ілюстратар" (Майстар-клас для дзетак 6+). Беларускі Моладзевы Хаб (Dożynkowa 6a)
14.40-15.20 "Цёплыя казкі ў халодныя дні". Тэрапеўтычныя чытанкі для дарослых. Музей Вольнай Беларусі (Foksal 11)
⭐️29.11⭐️
19.00 — Чытанкі для дарослых 14+, Беларускі Моладзевы Хаб (Dożynkowa 6a)
⭐️30.11⭐️
19.00 — Прэзентацыя выставы "Казкі басаногай душы", Прастора RBS (Hoża 41)
⭐️1.12 ⭐️
11.00 — Сустрэча для дзетак 6+ і іх бацькоў, Прастора RBS (Hoża 41)

СОПАТ 🍁
⭐️18.11⭐️
19.00 — Чытанкі для дарослых 14+, МАРА ХАБ (Malczewskiego 21)

ГДАНЬСК ⛵️
⭐️19.11⭐️
17.00 — Сустрэча для дзетак 6+ і іх бацькоў, Офіс БКТ "Хатка" (ul. Miszewskiego 17/307)
19.00 — Чытанкі для дарослых 14+, Офіс БКТ "Хатка" (ul. Miszewskiego 17/307)

ПОЗНАНЬ ⛪️
⭐️20.11⭐️
18.00 — Сустрэча для дзетак 6+ і іх бацькоў, Galeria Jerzego Piotrowicza (kramarska 3)

УРОЦЛАЎ 🕍
⭐️21.11⭐️
16.30 — Сустрэча для дзетак 6+ і іх бацькоў, Dolnośląska Biblioteka Publiczna im. Tadeusza Mikulskiego (Rynek 58)
⭐️23.11⭐️
17.00 — Сустрэча для дзетак 6+ і іх бацькоў, Мова Нанова (Szewska 49)

КРАКАЎ 🐉
⭐️24.11⭐️
12.00 — Сустрэча для дзетак 6+ і іх бацькоў, “Прастора” (ul. Mikołajska 4/6)
15.00 — Чытанкі для дарослых 14+, “Прастора” (ul. Mikołajska 4/6)

БЕЛАСТОК ❄️
⭐️26.11⭐️
18.30 — Сустрэча для дзетак 6+ і іх бацькоў, Хаб Новая Зямля (Kardynała Stefana Wyszyńskiego 6A)
⭐️27.11⭐️
18.30 — Чытанкі для дарослых 14+, Хаб Новая Зямля (Kardynała Stefana Wyszyńskiego 6A)

#мероприятия #выставка #выступление #беларускіяаўтары #на_роднай_мове #сказкибосоногойдуши #эльгапопова #как_насчёт