ЧЫРВОНЫ БОР канал

Добрай раніцы, Чырвоны Бор!

Так-так, сёння зноў аўторак, і мы па традыцыі запрашаем вас далучацца да дня беларускай мовы ў нашым чаце. 😉

Наш горад Мінск адзначае адразу два асабістых свята кожны год: Дзень горада ў верасні і дзень, калі ён упершыню быў узгаданы ў летапісу. І было гэта 3 сакавіка 1067 года. Так што з мінулага дня ўжо можна гаварыць, што Мінску споўнілася 958 гадоў. 🎉

Цікава, але зараз вучоныя-гісторыкі прыходзяць да высновы, што той самы Мінск з летапісу знаходзіўся не там, дзе зараз, а трошкі збоку, у вёскі Гарадзішча, дзе і цячэ рэка Менка. Адна з версій археолагаў кажа, што мясцовых жыхароў запрашалі будаваць абарончыя валы ў тым месцы, дзе зараз знаходзіцца Мінск, і потым яны засталіся на новым месцы.

На месцы старога гарадзішча зараз знаходзіцца сядзіба-замак Стары Менск. Там сапраўды шмат цікавага, яго варта наведаць! Працуе ён у суботу, нядзелю 11.00-19.00, але індывідуальныя наведванні бываюць не кожны тыдзень, таму ўважліва чытайце сайт і інстаграм музея.

Добрай раніцы, Чырвоны Бор! 🌞

Сёння чарговы беларускамоўны аўторак, і ёсць важная нагода нагадаць:
21 лютага – Сусветны дзень роднай мовы. 📖
Можа, нехта ведае цікавыя імпрэзы, каб адзначыць гэтае свята? Дасылайце, калі ласка, у чацік!

А мы, у сваю чаргу, хочам падзяліцца тым, што робіць беларускую мову сапраўды ўнікальнай. Мы знайшлі некаторыя беларускія словы, якія будуць незразумелыя нават нашым суседзям.

🔹 Знічка – падаючая зорка (у рускай – "падаючая звезда", у польскай – "spadająca gwiazda", але толькі па-беларуску яна так гучыць містычна і чароўна).
🔹 Ветразь – парус (у рускай "парус", у польскай "żagiel").
🔹 Гарэза – непаслухмяны чалавек, звычайна дзіця (у рускай – "озорник", у ўкраінскай – "непосидько"). Пагадзіцеся, гарэза – гучыць значна весялей!
🔹 Маладзік – тонкі серпік месяца пасля маладзіка (у рускай – "молодой месяц", у польскай – "młody księżyc", але па-беларуску маладзік гучыць вельмі паэтычна).
🔹 Хрумсткі – тое, што хрумсціць (у рускай – "хрустящий", у польскай – "chrupiący").
🔹 Жменька – маленькая колькасць чагосьці ў далоні (у рускай – "горсть", у польскай – "garść"). Гучыць асабліва пяшчотна!

Як бачыце, мова – гэта не толькі словы, але і наша гісторыя, адметнасць, характар.
21 лютага – добры дзень, каб згадаць, наколькі яна прыгожая!

Вітаем, чырвонаборцы! 😊

Сёння, у беларускамоўны аўторак, хочам пазнаёміць вас з цудоўнай ініцыятывай для аматараў коміксаў, літаратуры і тру-крайм гісторый.

📖 ComicsBY – беларуская супольнасць творчых людзей
comicsby.live — гэта не проста сайт, а сапраўдная супольнасць творчых людзей, дзе можна апублікаваць свае коміксы, апавяданні, пераклады, фанфікі і блогі. Тут ствараюць сяброўскую атмасферу, свабодную ад хейту, дзе кожны можа знайсці аднадумцаў.

📚 Што пачытаць?
Вось некалькі коміксаў, якія ўжо даступныя на сайце:

🦇 Бэтмэн/Жанчына-кошка: Вайна ў Готэме – Чырвоны Каўпак
🎸 Скот Пілігрым
👹 Нешта забівае дзяцей
🧙‍♂️ Вядзьмар. Дом са шкла

І гэта толькі пачатак! Абавязкова зазірніце ў раздзел аўтарскіх твораў — там шмат цікавага! 🙏

🎙 Тру-крайм падкаст «Крымінальныя гісторыі»
Аўтары таксама ствараюць тру-крайм падкаст «Крымінальныя гісторыі» — рэальныя дэтэктыўныя гісторыі і крайм-гутаркі на беларускай мове.
🕵️ Слухаць на YouTube
Сярод іх і гісторыі пра злачынствы ў Беларусі.

📢 Дзе сачыць за праектам?
🌍 Сайт ComicsBY
📸 Instagram
📢 Telegram
🎬 YouTube

Любіце коміксы? Заходзьце на comicsby.live, чытайце і дзяліцеся сваімі працамі. Пашырайце беларускую мову ў новым фармаце! 😊

Вітаем вас, дарагія сябры!

Часам так хочацца чагосьці па-сапраўднаму хатняга — як у бабулі ў вёсцы. Алена Браніславаўна, блогерка з Турава, дакладна ведае, як вярнуць гэты смак і водар. На сваёй старонцы ў Instagram яна дзеліцца рэцэптамі аўтэнтычнай беларускай кухні: румяныя дранікі, духмяныя пірагі, хрумсткая квашаная капуста — усё гэта прыгатавана з любоўю і павагай да традыцый.

Але Алена Браніславаўна натхняе не толькі кулінарыяй. Сёння яна вядзе сваю асабістую барацьбу з анкалогіяй, і, нягледзячы на цяжкасці, знаходзіць сілы падтрымліваць іншых. Адна з яе ініцыятыў — флэшмоб #ЯмыХустка. Калі ў каментарах да відэа яе абразілі за звычайную хустку на галаве, Алена Браніславаўна атрымала велізарную хвалю падтрымкі: сотні беларусак далучыліся да флэшмобу, выкладваючы свае фота ў хустках, як сімвал жаночай сілы і годнасці.

Калі будзеце ў Тураве, абавязкова зазірніце ў харчэўню «Палюшкі», якой кіруе гэта выдатная жанчына. Тут вы зможаце пакаштаваць шмат страў сапраўднай беларускай кухні.

Зазірніце на старонку Алены Браніславаўны ў Instagram, каб натхніцца яе духам і любові да жыцця. Простыя рэцэпты, крыху цяпла і вялікая павага да традыцый зробяць вашыя будні больш утульнымі.

📱 Instagram

Выдатнага дня, суседзі! 🤗

Добрай раніцы, дарагія сябры! 🌞

Віншуем вас з чарговым беларускамоўным аўторкам! 💛
Сёння мы падрыхтавалі для вас штосьці цікавае і займальнае – беларускія загадкі!

Прачынайцеся, наладжвайцеся на добры настрой і паспрабуйце адгадаць усе загадкі, якія вы ўбачыце на картках. 😉✍️

А калі ведаеце яшчэ цікавыя загадкі – пішыце ў чаціку, з задавальненнем прачытаем! ❤️

Добрай раніцы, Чырвоны бор!

Хай у вас, суседзі, будзе сёння добры настрой і жаданне паўдзельнічаць у нашым традыцыйным дне беларускай мовы па аўторках. 😉

Вы ж не забыліся, што ўчора праваслаўныя беларусы адзначалі Шчодрык? Спадзяемся, што не. ☺️ Нешта мы даўно не бачылі ў нашым мікрараёне тых, хто выйшаў калядаваць. Ці нас проста абмінулі?

Калі вы таксама не паелі куццю і не пабачылі, як каза памірае і просіць смачнай ежы, то паглядзіце вось гэтыя відэа пра святкаванне Шчодрыка ў розных куточках Беларусі. Спадзяемся, што гэтыя вясёлыя гісторыі зробяць ваш настрой добрым на ўвесь дзень.

🔸Шчодрык у Пінску 1
🔸Шчодрык у Пінску 2
🔸Шчодрык у офісе
🔸Шчодрык у Бездзежы Купалінка
🔸Салігорск. СТК. Вёска Рог Салігорскага раёна. Шчодрык
🔸Абрад" Шчодрык " вёскі Рог Салігорскага раёна
🔸Шчодрык у Мінску / Як у нас сёння калядуюць

Добрага ранку, сябры!

Сёння аўторак, а гэта значыць, што мы працягваем нашу традыцыю дня роднай мовы. І не проста аўторак, а асаблівы дзень – Каляды! 🌟

Гэта цудоўная нагода сабрацца ў коле сям’і ці сяброў, успомніць традыцыі, пасмяяцца, пагуляць у вясёлыя гульні і проста атрымаць асалоду ад зімовага настрою.

Для тых, хто хоча правесці дзень цікава і з карысцю, прапануем наступныя ідэі:

🎭 Батлейка "Дом з марамі"
Калядны спектакль ля Нацыянальнай бібліятэкі – гэта магчымасць акунуцца ў цудоўную атмасферу казачных гісторый. Лялькі раскажуць пра сапраўдныя каштоўнасці: любоў, сяброўства і мары.
⏰ Час: 18:00
📍 Месца: Калядны кірмаш ля Нацыянальнай бібліятэкі, Мінск
💰 Кошт: бясплатна

🖼 Выстава "Зімовая казка"
У галерэі "FARBA" працягваецца экспазіцыя, якая дапаможа адчуць атмасферу зімовых святаў. Творы беларускіх мастакоў перанясуць вас у свет калядных чараў.
⏰ Час: з 12:00 да 21:00
📍 Месца: галерэя "FARBA", пл. Свободы, 8, Мінск
💰 Кошт: 15 рублёў

🎄 Стварыце хатнюю казку
Калі не плануеце выходзіць з дому, арганізуйце ўтульны вечар самі! Паглядзіце сямейныя калядныя фільмы, прыгатуйце смачныя стравы (згадаеце, як мы нядаўна пісалі пра дранікі і куццю), ці проста пачытайце казкі з дзеткамі.

З Калядамі вас, сябры! Няхай у вашых дамах будзе цяпло, любоў і гармонія.
Абдымем вас моцна! 💕

Прывітанне, даражэнькія! 👋

Сённешні аўторак выпаў на апошні дзень 2024 года — года, які прынёс нам шмат падзей, думак і, безумоўна, новых магчымасцяў.

Мы хочам шчыра падзякаваць кожнаму з вас за тое, што застаецеся з намі і падтрымліваеце гэты ўтульны чацік. І хоць ён не вельмі актыўны, мы ўсё ж спадзяемся, што ён карысны.

За гэты год мы працягнулі традыцыю беларускамоўных аўторкаў, у межах якіх стараемся дзяліцца карыснай і цікавай інфармацыяй:
🔹 анонсамі мерапрыемстваў у Мінску;
🔹 гісторыямі пра вядомых землякоў і знакавыя падзеі;
🔹 парадамі пра карысныя прылады і сэрвісы на беларускай мове;
🔹 цікавымі фактамі, навінкамі і нават тэстамі!

Асабліва дзякуем вам за:
📸 Пазітыўныя фотаздымкі, якія радуюць і ствараюць настрой.
🐈 Падтрымку жывёл, якія апынуліся ў цяжкім становішчы. Вы натхняеце нас не спыняцца і дапамагаць!

Хай 2025 год напоўніць нашыя дні светлымі падзеямі, прыемнымі сустрэчамі і шчырай любоўю. Будзем падтрымліваць адно аднаго і дзяліцца добрымі момантамі, бо менавіта так сапраўднае цяпло застаецца з намі назаўсёды.

З надыходзячым Новым годам, сябры! 🎉
Абдымаем кожнага! ❤️

Добрага аўторачка, сябры! 👋

Вось і набліжаецца чароўны час святаў, які мы будзем помніць увесь год, а можа і болей! А гэта немагчыма без смачных страў на святочным стале! Таму мы прапануем звярнуць увагу на традыцыйны калядны стол.

Калядны час у Беларусі заўсёды суправаджаўся багатым сталом, на якім кожная страва мела сваё значэнне і сэнс. Нашы продкі верылі, што ад шчодрасці каляднага стала залежыць дабрабыт сям’і на ўвесь год. Пры гэтым рыхтавалася шмат мясных страў.
Вось некаторыя ідэі, якімі можна ўразіць сям’ю і гасцей. 😋

🥣 Асноўныя стравы

🔸 Дранікі
Любімая страва беларусаў, якая абавязкова ўпрыгожвае святочны стол.
🔸 Калдуны
Мясныя клёцкі, якія падаюць з духмяным булёнам або смятанай.
🔸 Мачанка (мясная або грыбная)
Традыцыйная густая страва, у якую з задавальненнем мачаюць кавалкі хлеба ці блінцы.
🔸 Верэшка (Верашчака)
Сакавітая падліўка з мясам і каўбаскамі, якую традыцыйна падаюць з дранікамі.
🔸 Калядны “гусак” або “качка”
Запечаная птушка з яблыкамі, журавінамі ці мёдам — сімвал дастатку і гасціннасці.
🔸 Смажаніна
Кавалак мяса, замарынаваны ў спецыях і запечаны ў печы, дзе тэмпература паступова зніжалася.
🔸 Іншыя мясныя стравы
Сала, смажаныя каўбасы, халадзец, паляндвіца, сальцісон, кумпяк.

🍹 Напоі

🔺 Калядны кісель
Салодкі напой з журавін ці іншых ягад, які падаюць пасля асноўных страў.
🔺 Узвар
Араматычны напой з сухафруктаў, які сімвалізуе гармонію з прыродай.

🥐 Выпечка і дэсерты

🔹 Калядны хлеб
Святочны каравай, які выпякаюць з асаблівымі ўзорамі і часта дадаюць мак ці мёд. Сімвалізуе шчасце і ўраджай.
🔹 Печыва “Зорачкі”
Традыцыйная салодкасць, якая падабаецца дзецям і дарослым. Сімвалізуе надзею і святло.

Калядныя стравы не толькі смачныя, але і насычаныя традыцыямі, якія перадаюцца з пакалення ў пакаленне. Паспрабуйце зрабіць святочны стол па-беларуску і адчуць сапраўдны дух Калядаў! 😊

Добрай раніцы, дарагія суседзі! 🌟

Сённяшні беларускамоўны аўторак набліжае нас да чароўнай падзеі - 19 снежня, дзень Святога Мікалая Цудатворца.

Гэты дзень здаўна лічыўся часам маленькіх цудаў. Гісторыя гэтага дня сягае сваімі каранямі ў далёкую старажытнасць: Мікалай Мірлікійскі, які жыў у IV стагоддзі, праславіўся сваёй дабрынёй і імкненнем дапамагаць людзям. Паводле паданняў, ён дарыў падарункі тым, хто асабліва меў у іх патрэбу, і рабіў гэта шчыра, не чакаючы пахвалы. Менавіта таму ягонае імя стала сімвалам міласэрнасці і любові да бліжняга.

На нашых землях гэты дзень традыцыйна адклікаўся яркімі эмоцыямі і дзіцячым нецярпеннем. У дамах з’яўляліся ўпрыгожаныя яловыя галіны, дзеці спявалі песенькі і расказвалі вершы, чакаючы пацешных сюрпрызаў пад падушкай ці ў падрыхтаванай панчосе. Падарунак, нават невялічкі, станавіўся для іх сапраўдным чараўніцтвам і вучыў верыць у дабро.

А што ж мы, дарослыя? Для нас гэты дзень — ціхі, пяшчотны напамін пра тое, што радасць часта жыве ў простых рэчах: шчырым слове, кранальным жэсце, увазе да блізкага. Каб адчуць сябе Святым Мікалаем, не абавязкова чакаць Калядаў ці Новага года — можна проста дарыць любоў і падтрымку тут і цяпер.

Мы зрабілі падборку ідэй падарункаў 🎁

Дзецям:
📚 Кнігі на беларускай мове: казкі, энцыклапедыі, прыгоды.
🎨 Творчыя наборы: алоўкі, фламастэры, фарбы, блакноты для малявання.
🧩 Гульні: настольныя, канструктары, пазлы.
🧸 Экалагічныя цацкі: мяккія мішкі, лялькі, драўляныя машынкі.
🍬 Смакоцці: цукеркі, печыва, садавіна.
🎟 Квіткі на спектаклі і майстар-класы: ад інтэрактыўных шоў да творчых заняткаў.

Для тых, хто “ўжо вырас”:
💌 Прыгожая паштоўка з цёплымі словамі.
🕯 Аромасвечкі, што створаць утульную святочную атмасферу.
☕️ Кубак гарачага какава або кавы з імбірным пячывам.

Няхай Дзень Святога Мікалая стане для кожнага з вас прадвесцем сапраўдных зімовых цудаў, дапаможа адчуць еднасць з традыцыямі і ўзгадаць, што дабрыня — гэта самы каштоўны падарунак.

Дзеліцеся ў каментарах сваімі ідэямі і тым, як вы адзначаеце гэты светлы дзень! 🎄💛