Амбасада Японіі пацвердзіла затрыманне ў Беларусі другога свайго суайчынніка.

Аб гэтым паведамляе The Asahi Shimbun Company. Адзначаецца, што дыпмісія звярнулася з гэтай нагоды ў Міністэрства замежных спраў Беларусі.

“Амбасада заявіла, што не можа выдаваць імя затрыманага і выстаўленыя супраць яго абвінавачванні”, — гаворыцца ў публікацыі.

👆Пра затрыманне ў Беларусі другога грамадзяніна Японіі стала вядома 3 снежня. “Супольнасць чыгуначнікаў Беларусі” паведаміла, што 1 снежня машыніст цягніка рэгіянальных ліній Калінкавічы — Лунінец заўважыў мужчыну, які здымаў на відэакамеру аўтадарожны мост.

Інфармацыю пра гэта машыніст перадаў цягніковаму дыспетчару, які ў сваю чаргу — бліжэйшаму да месца здарэння атраду ваенізаванай аховы і райаддзелу міліцыі.

Афіцыйнага пацверджання факту затрымання беларускія ведамствы дагэтуль не прадставілі.

✅ Падрабязнасці | 🗝 Без VPN