– Ой, як светла ў пакоі!
Мне ляжаць ужо даволі!
З свайго ложка мігам – скок,
Выпаў беленькі сняжок!
Хаты, дрэвы – усё навокал
Стала белым… Змераць вокам
Немагчыма. Як чароўна!
Быццам пульхная бавоўна!
Назбіраць яе ў кішэні
І прынесці маме жменю,
Хай падзівіцца яна,
Што да нас прыйшла зіма.
Як прыгожа! Быццам свята
Завітала ў нашу хату!

#паэтычная_старонка
#Кісцянеўскі_дзіцячы_сад