Менскі ўрбаністычны

Мы, як і вы, уважліва сочым за навінамі і дыскусіямі вакол новых станцый менскага метрапалітэна. 🚇

👀 І вось што пакуль назіраем:

➡️ Наземны транспарт на дадзены момант без змен.
Раней адкрыццё новых станцый метро адразу ж суправаджалася імгненным карэктаваннем маршрутаў наземнага транспарту. Аднак цяпер, нават праз тыдзень пасля адкрыцця, маршруты засталіся ранейшымі, а на сайтах Мінсктранса і СТіС няма афіцыйнай інфармацыі пра будучыя змены. Але хутчэй за ўсё гэтыя змены ўсё ж адбудуцца.

➡️ Затрымка ў адаптацыі маршрутнай сеткі — гэта шанец, які гарадскія ўлады могуць выкарыстаць для аналізу і паляпшэння транспартнай інфраструктуры. Напрыклад, цяпер можна вывучыць, як новыя станцыі метро ўжо паўплывалі (ці не) на запаўняльнасць і запатрабаванасць існых маршрутаў наземнага транспарту.

❓ Як зрабіць змены максімальна эфектыўнымі?

1️⃣ Прыцягнуць пасажыра_к да абмеркавання і сабраць ад іх зваротную сувязь. У Варшаве, напрыклад, падчас будаўніцтва новай лініі метро працуе інфапункт, дзе можна даведацца пра яе больш.

2️⃣ На працягу некалькіх тыдняў пасля адкрыцця станцый пакінуць існыя маршруты без змен, каб сабраць дадзеныя пра новыя пасажырапатокі і вывучыць змены ў попыце. Напрыклад, у Варшаве ў першыя дні працы новых станцый метро на прыпынках працавалі спецыяльныя людзі, якія дапамагалі пасажыр_кам зарыентавацца ў зменах.

3️⃣ На аснове сабраных дадзеных і зваротнай сувязі распрацаваць новую, больш эфектыўную схему транспарту. У Берліне, напрыклад, інтэграваны расклад грамадскага транспарту абнаўляецца пяць разоў на год у пэўныя даты — і ў гэтыя ж даты ўводзяцца ў працу новыя лініі і станцыі.

Каб гарадскі транспарт стаў яшчэ зручнейшым, патрэбны комплексны і абдуманы падыход.
🤔 Як вы лічыце, што Мінсктранс і СТіС маглі б зрабіць, каб пасажыр_кам было максімальна камфортна? Пішыце ў каментарах!

#урбаннавіны

💧 Баранавічы — адзін з самых незвычайных гарадоў Беларусі. Гэта адзін з нямногіх сярэдніх гарадоў з насельніцтвам больш за 170 тыс. чалавек, дзе няма сваёй ракі! Усе ведаюць, што гарады ў Беларусі звычайна ўзнікаюць на берагах рэк. Але Баранавічы парушылі гэты стэрэатып. 👀

🔘 Як адсутнасць ракі паўплывала на развіццё Баранавічаў і як горад справіўся з праблемамі водазабеспячэння?
🔘 У чым унікальнасць гідралогіі гэтага горада і як яна ўплывае на яго сённяшні лад жыцця?
🔘 Як тэхналогіі і прыродныя працэсы дапамаглі адаптавацца да гэтых асаблівасцяў?

📕 Чытайце ў новым артыкуле «Без ракі, але сярод вады: планы, гараджан_кі і гідралогія ў Баранавічах».

Таксама мы клапатліва пераклалі артыкул на ангельскую, каб вы маглі падзяліцца ім са сваімі замежнымі калегамі і каляжанкамі.
🔗 «Baranavichy's Water Paradox: Planning, People, and Hydrology in a Riverless Town».

🏡 Як надаць новае жыццё раёнам старой драўлянай забудовы і зрабіць іх не проста часткай сучаснага горада, а сапраўдным сімвалам нацыянальнай ідэнтычнасці? 🌿

У Эстоніі раёны драўлянай забудовы ў Таліне і Тарту ўжо сталі сапраўднымі візітоўкамі: іх рэвіталізуюць, адаптуюць пад сучасныя патрэбы і робяць месцамі прыцягнення.

👀 А што адбываецца ў Беларусі? Чаму падобныя праекты сутыкаюцца з цяжкасцямі?

У нашым новым артыкуле мы
🔵 разбіраем эстонскі досвед рэвіталізацыі;
🔵 аналізуем праблемы і магчымасці ў Беларусі;
🔵 абмяркоўваем, чаму драўляная архітэктура можа стаць кропкай росту для гарадоў.

📕 Чытайце: «Рэвіталізацыя раёнаў драўлянай забудовы. Чаму ў Эстоніі атрымліваецца, а ў Беларусі — не?».

💭 А як вы думаеце, ці можа Беларусь паўтарыць эстонскі поспех? Пішыце ў каментарах!

У другой частцы інтэрв'ю «Пра гарады, прафесію і будучыню» архітэктарка Саафа Харафі і гарадскі планіроўшчык Шон Бурлісан дзеляцца сваім бачаннем:

💡 Як гарады могуць адаптавацца да змен клімату, росту насельніцтва і дэфіцыту рэсурсаў?
⬆️ Што такое 15-хвілінны горад і чаму ён становіцца трэндам?
🌱 Якія інавацыі змяняюць гарадское планаванне ўжо сёння?

Чытайце інтэрв'ю і натхняйцеся! ❤️

Гарады ствараюцца людзьмі. Гараджан_кі, прадстаўні_цы адміністрацый, дэвелаперы, праекціроўшчы_цы, прадпрымальні_цы — можна бясконца пералічаць тых, хто фарміруе навакольную прастору.

Але сярод усіх гэтых галасоў часта губляецца меркаванне адной важнай групы — маладых урбаніст_ак. ❗️

💡 Смелыя, амбітныя, з унікальным бачаннем, яны рэдка атрымліваюць магчымасць гучна выказаць сваё меркаванне. А між тым, іх перспектыва — гэта будучыня беларускай урбаністыкі!

❓ Пра што яны думаюць і што прапануюць? 🔜 Чытайце ў новым інтэрв'ю Менскай урбаністычнай платформы «Пра гарады, прафесію і будучыню».

Участкі ўздоўж рэк актыўна забудоўваюцца жылымі кварталамі. Пры гэтым яшчэ на пачатку 1990-х гг. выхад да 25% набярэжных у беларускіх гарадах быў заблакаваны прамысловай забудовай. 🥲

Нягледзячы на ​​тое, што многія з тых прадпрыемстваў ужо не функцыянуюць, шмат у якіх гарадах рачная панарама дагэтуль фарміруецца платамі прадпрыемстваў. Пры гэтым на свабодных берагах рэк вырастаюць шматпавярховыя панэльныя раёны.

☝️ Разбяромся, чаму, нягледзячы на ​​развіццё рынкавай эканомікі і ​​паспяховыя прыклады суседніх краін, рэдэвэлапмент (перавыкарыстанне) прырэчных тэрыторый у Беларусі застаецца непапулярным.
#простапрагарады