📅 120 гадоў з дня нараджэння Алеся Вечара

Паэт і біёлаг Аляксандр Сцяпанавіч Вечар (псеўданім: Алесь Раніца) нарадзіўся 25 сакавіка 1905, в. Машчыцы Слуцкага павета Мінскай губерні, цяпер Слуцкі раён, Мінская вобласць — памёр 4 красавіка 1985, Мінск.
📌 Вучыўся ў Беларускай сельскагаспадарчай акадэміі, быў адным з кіраўнікоў Горацкай філіі «Аршанскага Маладняка, у 1928—1930 узначальваў Менскую філію БелАПП. Працаваў у Інстытуце эксперыментальнай батанікі АН БССР.
📌 Першы верш апублікаваў у 1926 г. ў часопісе «Аршанскі маладняк». Першую кніжку вершаў «Кола дзён» апублікаваў у 1930 г.
📌 У перыяд з 1931 па 1961 гады літаратурнай дзейнасцю не займаўся. Аднавіў друкаванне літаратурных твораў у 1961 г. Аўтар зборніка «Зварот да слова» (1977).
📌 Аўтар больш за 420 навуковых прац, у тым ліку 6 манаграфій, доктар біялагічных навук, прафесар.

#угэтыдзень