Беларусы масава прадаюць валюту. Па звестках Нацбанка, толькі за кастрычнік на чыстай аснове прадалі 251,4 млн долараў. За фармулёўкай “на чыстай аснове” крыецца розніца паміж сумай, якую набылі і той, якую прадалі.

З пачатку года беларусы на чыстай аснове прадалі 1,5 млрд долараў. Для параўнання: за той жа перыяд 2023-га было прададзена 901 млн. Атрымліваецца, цяпер у шмат каго час адкрываць заначкі.