ДзеЦікава

Даведайцеся, як любоў да чатырохногіх сяброў натхніла на стварэнне клуба сабачнікаў "Хвосцік" у Берасці. Што аб’ядноўвае ўдзельнікаў супольнасці, якія ідэі яны ўвасабляюць у жыццё і што плануюць далей – чытайце ў каруселі! 🐶

Берасцейскае архітэктурнае бюро Majsterni ладзіць лекцыю пра майстар-планы.

23 снежня ў прасторы Majsterni University адбудзецца лекцыя, прысвечаная тэме майстар-планавання. Запрошаныя эксперты з кампаніі, якая спецыялізуецца на стратэгічным планаванні гарадскіх тэрыторый, раскажуць пра тое, як будуецца стратэгія развіцця гарадоў, а таксама разгледзяць спецыфіку працы з турыстычнымі тэрыторыямі.

🕕 Калі: 23 снежня, 18:00
📍 Дзе: вул. Янкі Купалы, 1
🎟 Уваход: бясплатны (па папярэдняй рэгістрацыі)

Што такое майстар-план і чаму гэта важна?
Майстар-план — гэта доўгатэрміновая стратэгія развіцця гарадскіх тэрыторый, якая ўлічвае патрэбы жыхароў, эканоміку, архітэктуру і прыроднае асяроддзе. Ён дапамагае вызначыць, як лепш выкарыстоўваць прастору, зрабіць горад зручным і прывабным для жыцця, працы і турызму.

Гэта добрая магчымасць даведацца, як сучасныя горадабудаўнічыя рашэнні змяняюць нашу прастору. Спяшайцеся зарэгістравацца, колькасць месцаў абмежаваная!
———
✨ Дзецікава — канал пра Берасце і берасцейцаў.

🎨 Учора ў Берасці адкрылася выстава «Генезіс», якая ўжо зачаравала першых наведвальнікаў!

Калі вы яшчэ не паспелі наведаць выставу, то ў вас ёсць выдатная магчымасць зрабіць гэта сёння і заўтра, 14 і 15 снежня, з 16:00 да 22:00 па адрасе Маскоўская, 346.

Падрабязнасці пра выставу і яе ідэю чытайце ў каруселі 👆

Паглядзіце, як Paragraph ажыццяўляе мары!

Сетка кавярняў Paragraph запускае святочны праект, у рамках якога госці атрымаюць шанец здзейсніць сваю мару. Усё проста:

☕️Зрабіце пакупку ў любой кавярні Paragraph.
✨Напішыце сваё жаданне на адваротным баку чэка.
📝Укажыце імя і кантактны нумар.
📮Пакіньце запіс у спецыяльнай паштовай скрыні каля бара.

І ўсё! У кожнай кавярні будзе выбрана адно жаданне, якое выканаюць напярэдадні святаў.

Не ўпусціце шанец на маленькі цуд ад Paragraph — магчыма, наступным здзейсненым жаданнем стане менавіта ваша! 💫
———
✨ Дзецікава — канал пра Берасце і берасцейцаў.

У берасцейцаў ёсць магчымасць стаць "тайным сантам" для людзей з псіхічнымі захворваннямі.

Брэсцкі Клубны Дом распачаў традыцыйную дабрачынную акцыю «Папрашу ў Санты антыдэпрэсанты», якая будзе доўжыцца з 13 снежня 2024 года па 13 студзеня 2025 года. Мэта акцыі — падарыць свята людзям з псіхічнымі захворваннямі, якія часта адчуваюць адзіноту і недахоп увагі ў навагодні перыяд.

Кожны ахвотны можа стаць Тайным Сантам і перадаць карысныя і прыемныя рэчы для членаў Клубнага Дома. Сярод іх большасць маюць 2-ю і 3-ю групу інваліднасці і сутыкаюцца з цяжкасцямі ў набыцці неабходных сродкаў.

Далучыцца проста: прыносьце падарункі па адрасе Брэст, вул. Камсамольская, 46 (з 8:40 да 17:00, панядзелак-пятніца). Перад візітам абавязкова патэлефануйце па нумары +375 29 330 31 61 (A1).

Пералік патрэбных рэчаў даступны па спасылцы. Спіс рэгулярна абнаўляецца.

Далучыцеся да добрай справы і дапамажыце стварыць цёплую святочную атмасферу для тых, каму яна асабліва патрэбна!
———
✨ Дзецікава — канал пра Берасце і берасцейцаў.

Прыказка падкрэслівае, што нярэдка слабейшыя адважваюцца на крытыку, толькі калі чалавек ужо не мае ўплыву ці сілы. Выраз мае нотку іроніі і асуджае такія паводзіны.

#Прыказкіпрымаўкі
———
✨ Дзецікава — канал пра Берасце і берасцейцаў.