Сярод дзеячоў офіса-габінэту асобна выдзяляецца Павал Латушка.
Сур'ёзны твар, пачуцьцё густу, і сістэмная праца. Прынамсі, ён так кажа.
У параўнаньні з іншымі выклікае давер. Бо прамаўляе ўпэўнена і прыгожа. Тое, што з прамоў не вынікае нічога, а вынік дзейнасьці не адрозьніваецца ад вынікаў іншых чальцоў мэйнстрымных структур, справа другасная.
Аднак вось
тут доказы таго, што нават і прыгожыя словы - простая хлусьня і перабольшаньне сваёй значнасьці. Прыдуманыя пытаньні й ня тыя адказы. Напэўна ж гэта не адзінкавы выпадак.
Мы яшчэ зьвярнулі ўвагу на тое, што былы шматгадовы міністар-амбасадар рэжыму Аляксандра Лукашэнкі вельмі часта ўзгадвае тое, што Аляксандр Лукашэнка абяцаў яго задушыць за здраду. І падае гэта, як нейкі повад для гонару.
Аднак з гэтага, апроч нейкай нездаровай фіксацыі, вынікае, што Павал Латушка асабіста прысягаў Аляксандру Лукашэнку. Бо йначай асабістая здрада немагчымая.
Відавочна, што ніхто Паўла Латушку не задушыў. А з гэтага вынікае, што альбо не здрадзіў, альбо не з'яўляецца нейкім сур'ёзным ворагам. Магчымасьці ж былі. Фэйкавы гішпанскі журналіст неаднойчы быў у гасьцях у Паўла Латушкі, але абмежаваўся інтэрв'ю.
Ты ня менш відавочна адно. Павал Латушка хлусіць. І робіць гэта з сур'ёзным тварам і прыгожымі словамі. Школа прэс-сакратара МЗС Аляксандра Лукашэнкі аднак.