Вёскі Беларусі

33. Вёска Сіманавічы

Незвычайная хата прадаецца ў вёсцы Сіманавічы. Пабывалі там і распавядаем.
Пакоі размаляваныя гаспадыняй хаты Ганнай Уладзіміраўнай Жлобіч, а вось дываны малявала ейная родная сястра - Галіна.

Дачка Ганны (таксама Ганна) распавяла, што маці шукала малюнкі з кветкамі, і тыя, якія падабаліся, потым пераносіла на кавалачкі ДВП. Потым іх прыбівалі на столь, як плітку. Акрамя гэтага ў хаце ёсць і відзік, і шмат рознай вышыўкі.

А вось дыван застаўся адзін з двух, якія былі ў хаце. Памеры пракладна 2,5 на 1,5 метры. Вельмі насычаныя фарбы. Другі дыван, які вісеў на печцы, знік (ён на перадапошняй старой фотцы).

Ганна паказала старыя фотаздымкі сям’і. На апошнім фота (з палароіда) тры сястры. Злева направа: Галіна, Валянціна і Ганна.

Працяг пра гэтую сям'ю будзе!

Існуе легенда, што ў часы Кацярыны ІІ у мясцовыя балаты саслалі сялян Протаса і Зіновія, а яны тут адбудаваліся і пусцілі карані. А хавалі кожны свой род на сваіх могілках. Легенду цяжка праверыць, але ў Какорыцы і цяпер ёсць «могліцы Зіновічскія і Протасевічавы», як кажуць мясцовыя. І хоць цяпер там сустракаюцца і іншыя прозвішчы, але сапраўды большасць прозвішчаў на адных - Пратасевіч, а на другіх - Зіновіч. Зараз жа хаваюць там, дзе бліжэй да свайго раёна. У пасляваенны час у вёсцы значылася больш за 300 жыхароў, а цяпер менш за 40. Сама вёска раскінулася на кіламетры і сярод леса можна пабачыць ужо закінутыя «нівы».

Чаму столькі сардэчак на ліштвах і могілках нам ніхто не патлумачыў.

На перадапошняй фотцы "банка" - так называюць мясцовыя посуд для збору смятаны і вяршкоў. А ў вас як такую штуку называлі?

32. Вёска Какорыца (Драгічынскі раён)

Калі едзеш па вёсцы, немагчыма зразумець, ці гэта ўжо новая пачалася ці працягваеш рухацца па Какорыцы. Некалі яе сабралі з ніў (хутароў), назвамі якіх і да сёння называюць раёны вёскі, можна нават сказаць - мікрараёны. А некалькі мікрараёнаў складаюць раёны з іншымі назвамі (напрыклад, Крывань, Дырываще, Камняны, Рунын - гэта ўсё раён Пудозір’е ). Як вам такое?)

Адзін са старажылаў Зіновіч Міхаіл Данілавіч (на фота) намаляваў для нас прыкладную мапу вёскі Какорыца з назвамі «ніў». Вялікімі літарамі выдзяляем націскі:

КутасЫ
ПапІчычы
ГіродЫ
Ясынёвы
УснЫчный
КрывАнь
ДэрэвЫшчэ
ДоўгІ
КлыбУк
СэрЭдня
БлЫжыны
КоробочкІ (4 хаты) сыдзілы на ніве Рудаўка.
РунЫн
ГартЫмоўскя
МаліІ
Колышыў
Камняны

Нават на раскладзе аўталаўкі напісаныя раёны.