STRYZHAK

БОЛЬШ ПРАСТОРЫ ПРАЦЫ ДЛЯ БЕЛАРУСІ

За апошнія +30 год сфармаваўся падыход у якім заходнія партнёры, што дапамагаюць Беларусі, звяртаюцца да заходніх жа арганізацый для размеркавання гэтых грошай. Якая ж роля беларускіх імплементараў - арганізацый-размеркавальнікаў дапамогі?

Мы ўвесь час чуем пра мільёны на падтрымку дэмакратычнай Беларусі, на нашыя медыя, культуру, нашых палітвязняў, а на практыцы мы бачым кейсы калі рэдакцыі вымушаныя балансаваць на мяжы закрыцця, зборы на палітвязняў па-ранейшаму актуальныя, а сродкаў на культурныя праекты па-ранейшаму бракуе. Чаму так?

Гэтаму ёсць некалькі прычынаў (спіс няпоўны):
- нягнучкасць і слабая адаптыўнасць заходніх партнёраў;
- выклікі даверу/недаверу да беларускіх партнёраў;
- высокі адсотак адміністратыўных выдаткаў пры абслугоўванні беларускіх праграм заходнімі імплементарамі;
- скепсіс заходніх партнёраў адносна працы з новымі фарматамі дастаўкі дапамогі ўнутр Беларусі.

Калі я кажу пра гнучкасць і адаптыўнасць, то не магу абысці прыклад Украіны. Ва ўмовах вайны і разбурэння краіны, нашыя паўднёвыя суседзі вельмі моцна адвакатуюць свае інтарэсы на Захадзе. Змяняючы правілы гульні і падыходы міжнародных донараў. Мы павінныя браць у гэтым прыклад з украінцаў і быць больш паслядоўнымі і настойлівымі.

Праблема даверу/недаверу выцякае з дылемы суагрэсар/ахвяра. Заходнім палітыкам, нават тым, што падтрымліваюць Беларусь, складана і рэпутацыйна рызыкоўна тлумачыць выбарцам розніцу паміж лукашыстамі і беларусамі што падтрымліваюць дэмакратыю. Простыя адказы на складаныя пытанні - вельмі эфектыўны папулісцкі ход. Нажаль, павесіць цэтлік што ўсе беларусы - суагрэсары, значна прасцей, чым тлумачыць розніцу.

BYSOL і ўсе арганізацыі Хуткай гуманітарнай дапамогі, паслядоўна прасоўваюць падыход нулявой адміністратыўнай нагрузкі пры працы з наўпроставай гуманітарнай дапамогай. Гэтая пазіцыя пастаянна даносіцца да донараў - выдаткі на каманды павінныя фінансавацца не са сродкаў прызначаных на наўпроставую дапамогу.

Беларускія арганізацыі адрасцілі сабе дадатковыя ўменні па працы з заходнімі грашыма і могуць наўпрост працаваць з буйнымі заходнімі донарамі. У тым ліку і з новымі метадамі перадачы грошай у Беларусь. Гэта моцна змяняе ўмовы гульні, надае беларускай супольнасці большую суб’ектнасць і змяншае шлях дапамогі да чалавека.

Гэтыя тэзісы я прагаварыў на першай панэлі міжнароднай канферэнцыі імплементараў па Беларусі. Важна шчыра і адкрыта размаўляць пра перашкоды і выклікі, каб іх пераадольваць разам з партнёрамі

АЛЯКСАНДР РАМАНОВІЧ ЭВАКУІРАВАНЫ. ГУБАЗЯТА, ШТО З ТВАРАМ?

Гэта быў адзін з самых складаных эвакаў апошняга часу. Пінскага праваабаронцу, што пабываў у кіпцюрах губазят і, нават, быў прымушаны імі зняцца ў прапагандзісцкім кіно пра дрэнны BYSOL, які неспраможны дапамагчы людзям.

Аляксандр выскачыў з пасткі і зараз пачынае жыццё з нуля ў Польшы і мае патрэбу ў нашай дапамозе. Чакаем на твой данат тут (карта/paypal): https://bysol.org/be/private/alexanderromanovich/

Працуем далей! Баронім сваіх.

МЫ БЫЛІ РАЗАМ НА МАЙДАНЕ

Часта так пачынаюцца тэксты ў якіх хтосьці ў стужцы распавядае пра смерць сябра. На шчасце, сёння не пра смерць.

Аляксандр Васюковіч адзяседзеў 3 месяцы, эвакуіраваны, жывы, здаровы, на волі і мае патрэбу ў вашай дапамозе. Саша вельмі круты фотадакументаліст і прафесіянал сваёй справы, пакуль ён будзе чакаць рашэння польскай міграцыі пра міжнародную абарону, мы можам падтрымаць яго.

Чакаем твайго даната тут (карта/paypal)

Працуем далей!

БЕЛАРУСКАЯ ПАНЭЛЬ НА Folkemødet

Упершыню на вялічэзным фестывалі дацкай дэмакратыі была асобная беларуская панэль, якая выклікала вялікую цікаўнасць з боку датчан. Разам з Канстанцінам Старадубцам з праваабарончага цэнтра Вясна асвяцілі сітуацыю з правамі чалавека ў краіне і палажэннем беларусаў у ЕЗ.

Асноўныя тэмы што былі абмеркаваныя:
- праблема легалізацыі, візавай палітыкі і атрымання пашпартоў замежніка;
- падтрымка палітвязняў і іх сямей;
- недапушчальнасць паслаблення санкцыйнага ціску на рэжым;
- патрэба ў салідарнасці з беларускім народам і жорсткасці да лукашысцкага рэжыма.

Сярод соцень івэнтаў і дзясяткаў пляцовак, якія за тры дні адведалі 50.000 чалавек, прагучала і беларуская тэма. Вялізарная ўдзячнасць за арганізацыю панэлі беларускай дыяспары Даніі і партнёрам з дацкіх НДА, а таксама за выдатную мадэрацыю Mацільдзе Кімер!

Працуем далей!

СУСТРЭЧА З ДАЦКІМ ВЕТЭРАНСКІМ ЦЭНТРАМ

Важны абмен меркаваннямі і прэзэнтацыя дацкіх калег, якія падказалі шмат метадаў працы для дапамогі беларускім ветэранам расійска-украінскай вайны, з якімі мы шчыльна працуем астатні год.

Рэабілітацыя, рэсацыялізацыя, перанавучанне і іншыя аспекты працы былі абмеркаваныя. Зразумела што мы не маем такіх рэсурсаў як каралеўскі дацкі бюджэт, але ёсць рэчы, якія можна зрабіць і без грошай.

Важны момант - большая частка метадаў і падыходаў, якімі падзяліліся з намі дацкія калегі, могуць быць выкарыстаныя і ў працы з аднаўленнем палітвязняў. Та я ж праца з ПТСР, тая ж рэсацыялізацыя, тая ж патрэба вашай салідарнасці.

Працуем далей! Далей будзе!

11-15.06 ДАНІЯ

Працягваю свой еўратур :) Гэтым разам серыя сустрэч з калегамі і дыяспарай ў Даніі і ўдзел Folkemødet - фестывалі дацкай дэмакратыі, калі на адзін івент на аддалены востраў Борнхольм з’язджаецца ўся Данія, ад каралеўскай сям’і, міністраў і дэпутатаў, да самых простых датчан.

У фармаце дыскусій, прэзентацый і сесій адказаў на пытанні, датчане праводзяць некалькі дзён. У новай вольнай Беларусі зробім такі фармат недзе ў Жыткавічах :)

Дзякуючы актыўнаму ўдзелу беларускай дыяспары ў Даніі, разам з калегамі з "Вясны", маю магчымасць распавесці датчанам пра стан з палітвязнямі ў Беларусі і пра важнасць удзелу ў кампаніях салідарнасці з Беларуссю.

ДВА БЕЛАРУСЫ І АДНО МОЎНАЕ ПЫТАННЕ

У вокны не крычалі, на таксі ня ездзілі, але пайшлі і задумаліся за культуру.

Працуем далей! Далей будзе :)

З.Ы. Правільны прыклад які павінны быць сінхронны пераклад на канферэнцыях па Беларусі.

ДАПАВЁЎ РАДЗЕ ЕЎРОПЫ ПРА НОВЫЯ РЭПРЭСІІ

На канферэнцыі Парламенцкай Асамблеі Рады Еўропы расказаў пра новую практыку рэпрэсій - пазбаўленне беларускага грамадзянства. Спадзяюся, што хутка вы зможаце даведацца падрабязнасці гэтай справы.

Акрамя гэтага асобнымі пунктамі падняў пытанні:
- важнасці санкцый супраць рэжыму і максімальнага спрыяння для беларусаў;
- комплекс праблем беларусаў у Грузіі;
- візавае пытанне.

Шмат размоваў і кантактаў у кулуарах, што самае важнае на любой канферэнцыі. Не маю ілюзій наконт хуткіх рашэнняў нашых праблемаў, але так працуе сістэма - тое, пра што кажаш гучна, прыцягвае ўвагу партнёраў.

Тых, хто маўчыць - зусім ня чуюць. Мы не маўчым.

ЗБОР ДЛЯ ДЗЯЦЕЙ ПАЛІТВЯЗНЯЎ ЦАЛКАМ САБРАНЫ!

Дзякуй усім за актыўны ўдзел! Нашым партнёрам па кампаніі з Хуткай гуманітарнай дапамогі, нашым партнёрам з дыяспары ЗША, Даніі і іншых краін.

€23400 на зборы + $5000 (мінус камісія FB) +€1100. Дзякуючы вам мы сабралі больш за прынятыя 234 заяўкі! Экстра грошы пойдуць у задатак нашага збора на школьныя патрэбы дзяцей палітвязняў, які стартуе напачатку ліпеня.
Збор пакуль не закрываем. Ён даступны тут (карта/paypal): https://bit.ly/3U1ypQc

Дзякуй усім! Працуем далей! Баронім сваіх!

Фонд солидарности BYSOL/Belarus solidarity foundation, BY_help, Dissidentby, Фонд Страна для Жизни, Association of Belarusians in America, Association of Belarusian Business Abroad, Talaka - Venner af Belarus i Danmark.

СЁННЯ МІЖНАРОДНЫ ДЗЕНЬ ДЗЯЦЕЙ

ЗАСТАЛАСЯ САБРАЦЬ EUR600. Данат па спасылцы (карта/paypal): https://bit.ly/3U1ypQc

І гэты дзень шматлікія сем'і Беларусі праводзяць не разам. Сем'і палітвязняў пазбаўленыя радасці сустрэч з падарожжаў, сямейных вячэраў і супольнага адпачынку. Пазбаўленыя сумеснага жыцця, якое ніхто і ніколі не зможа кампенсаваць.

Асабліва важна падтрымліваць дзяцей, якія апынуліся без бацькоў праз пераслед, праз непамерныя палітычныя амбіцыі звар'яцелага дзеда і ягоных памагатых.

Сёння я заклікаю вас падарыць троху свята для дзяцей палітвязняў і зрабіць данат на наш вялікі збор, які сёлета абвесціла Служба хуткай гуманітарнай дапамогі.

ЗАСТАЛАСЯ САБРАЦЬ УСЯГО EUR600!

Чакаем твайго даната тут (карта/paypal): https://bit.ly/3U1ypQc

Працуем далей! Баронім сваіх

ПРАЦУЙ ЯК БЕЛАРУСІАНІН, ТРЫМАЙСЯ ДАЛЕЙ АД БЕЛАРАШНЗ.

Пафіксалі пытаннечкі і далей з дапамогай будзе яшчэ жывей.

Не пераключайцеся :)

#unlockprague