"
ВАЛОДАННЕ БЕЛАРУССЮ – ГЭТА ВАЛОДАННЕ АБО АБАРОНЧАЙ, АЛЬБО НАСТУПАЛЬНАЙ СТРАТЭГІЧНАЙ ІНІЦЫЯТЫВАЙ.Выдатная дарожная сетка, чыгунка, медычныя ўстановы, рамонтныя заводы (у тым ліку і авія, і танкавыя) плюс магчымасць вытворчасці прадуктаў харчавання, адзення, усяго астатняга – гэта ўсё вельмі моцны козыр, калі табе трэба рыхтаваць вялікі наступ. Наступаць, напрыклад, з абсалютна дэіндустрыялізаваных і разбітых заходніх абласцей Расіі значна складаней.
З Беларусі Пуцін можа сунуцца і ў бок краінаў Балтыі, і на Польшчу, і навісае над Украінай тысячакіламетровым фронтам.
Калі ж уявіць сабе Беларусь у стане заходняй кааліцыі, то мы адразу бачым іншы расклад сіл. Ад таго ж Віцебска да Масквы па прамой не так і шмат кіламетраў застаецца. Для расіян жа заўсёды стратэгічная і важная задача – мець як мага большую наземную тэрыторыю, якая аддзяляе сталіцу ад межаў краіны. Бо шмат у чым яны ваююць меркамі XIX стагоддзя, таму што некаторыя тэхналогіі и мысленне ў іх на тым узроўні засталіся.
Лукашэнка перайшоў у паўнавартасны статус сатэліта Расіі ў знешняй палітыцы. А ва ўнутранай у яго ёсць задача захоўваць стабільнасць і кіраванасць працэсамі на тэрыторыі Беларусі. Бо, калі мы кажам пра нейкія вайсковыя рашэнні, то, паводле крамлёўскіх стандартаў, тэрыторыя бліжняга тыла дзеючага войска павінна быць зачышчаная ад усіх варожых элементаў.
І гэта адна з прычын, чаму чатыры гады не спыняюцца рэпрэсіі. Ужо няма магчымасці гульняў з адлігамі. У Лукашэнкі задача проста трымаць гэтую тэрыторыю фактычна як акупацыйная адміністрацыя."
Каб не было як у мінулы раз, калі ўсе потым хапаліся за галаву і казалі "ну, як ён мог напасць".
Чытайце, вывучайце, аналізуйце і супастаўляйце.
Поўны тэкст каментара Салідарнасць чытайце па спасылцы ў
каментары.