Усё сваё жыццё Міраслаў Лазоўскі рабіў усё магчымае на карысць сваёй Радзімы, змагаўся за яе волю, аддаўшы гэтай барацьбе самае дарагое – сваё жыццё.
Улады Беларусі безупынна пераследавалі Лазоўскага. У сакавіку 2000 года Міраслаў быў першым асуджаны па артыкуле 167.10 КоАП Беларусі. У ліпені 2008 года ён быў затрыманы па падазрэнні ў датычнасці да выбуху на Дзень Незалежнасці 4 ліпеня. У 2017 годзе адбылося новае затрыманне Лазоўскага ў сувязі з так званай справай патрыётаў.
Пасля пратэстаў 2020 года Міраслаў Лазоўскі з'ехаў ва Украіну.
На трэці дзень пачатку паўнамаштабнага расейскага ўварвання ва Украіну Міраслаў накіраваўся абараняць Украіну ў якасці беларускага добраахвотніка. Там ён прайшоў зямлю Бахмута ад пачатку і амаль да канца. 16 траўня 2023 года Міраслаў Лазоўскі загінуў каля Бахмута.
