Радыё Свабода — Беларусь

@radiosvaboda

Channel's geo and language: Belarus, Belarusian

Category: Politics

Сувязь з рэдакцыяй — @SvabodaBelarus
Даслаць навіну ў Signal можна па нумары +37068643669

Channel's geo and language

Belarus, Belarusian

Радыё Свабода — Беларусь

30 Sep, 18:59

Ерэван: Карабах пакінулі больш за 100 тысяч жыхароў

Па зьвестках Ерэвана, на пачатак года армянскае насельніцтва рэгіёна ацэньвалася ў 120 тысяч чалавек.

Па словах былога дзяржміністра Нагорна-карабахскай рэспублікі, рэгіён цалкам спусьцеў, там засталіся некалькі сотняў чалавек, якія таксама зьбіраюцца зьехаць.https://smarturl.click/xxQL

666 0 0 10

Радыё Свабода — Беларусь

30 Sep, 17:59

У Беларусі зноў перакрыты тэмпэратурны рэкорд дня, абноўлены гістарычныя максымумы больш як на 90% метэастанцый

Пра гэта сьведчыць праведзены BPN параўнальны аналіз апэратыўных і архіўных даных Белгідрамета.

З пачатку верасьня зарэгістравана 163 тэмпэратурныя рэкорды.

У апошні дзень месяца чакаецца да 26 градусаў цяпла. 1 і 2 кастрычніка будзе не вышэй за 20 градусаў, потым зноў пацяплее. https://smarturl.click/0wdg

1.2k 0 3 13

Радыё Свабода — Беларусь

30 Sep, 16:54

Лукашэнка хоча пашыраць «палітычны дыялёг» з Батсванай, якая на ГА ААН прагаласавала за вывад войскаў Расеі з Украіны

«Зацікаўленасьць Беларусі ў пашырэньні палітычнага дыялёгу» з Батсванай пацьвердзіў Аляксандр Лукашэнка ў віншаваньні прэзыдэнту краіны Маквіці Масісі і «жыхарам гэтай краіны» з Днём незалежнасьці, паведаміла прэс-служба аўтара пасланьня.

23 лютага 2023 года на надзвычайнай сэсіі Генэральнай асамблеі ААН Батсвана падтрымала рэзалюцыю аб неабходнасьці дасягненьня ўсёабдымнага, справядлівага і трывалага міру ва Ўкраіне ў адпаведнасьці з прынцыпамі Статута ААН. Беларусь прагаласавала супраць рэзалюцыі. https://smarturl.click/vvA8

Лукашэнка хоча пашыраць «палітычны дыялёг» з Батсванай, якая на ГА ААН прагаласавала за вывад войскаў Расеі з Украіны

«Зацікаўленасьць Беларусі ў пашырэньні палітычнага дыялёгу» з Батсванай пацьвердзіў Аляксандр Лукашэнка ў віншаваньні прэзыдэнту краіны Маквіці Масісі і «жыхарам гэтай краіны» з Днём незалежнасьці, паведаміла прэс-служба аўтара пасланьня.

1.8k 0 2 26

Радыё Свабода — Беларусь

30 Sep, 16:00

З пачатку году афіцыйны курс даляра ў Беларусі вырас больш чым на 20%

На 20,12% (з 2,7364 да 3,2870 рубля) вырас афіцыйны курс даляра ЗША ў Беларусі за студзень — верасень 2023 году.
Гэта другі паказчык на тэрыторыі былога СССР, сьведчыць праведзены BPN параўнальны аналіз каціровак цэнтрабанкаў. На першым месцы па росьце курсу даляра з пачатку году — Расея (38,5%).

У верасьні даляр у Беларусі падаражэў на 2,29%:

https://smarturl.click/qYEO

2.1k 0 8 26

Радыё Свабода — Беларусь

30 Sep, 14:56

У Чэхіі затрымалі беларуса, які перавозіў 33 нелегальных мігрантаў. Яму пагражае да 8 гадоў зьняволеньня

У аўтафургоне VW Crafter мігранты знаходзіліся «ў нечалавечых умоваў у транспартным адсеку», адзначае чэская паліцыя. 33-гадовага грамадзяніна Беларусі ўзялі пад варту, яму пагражае да 8 гадоў пазбаўленьня волі па абвінавачаньні ў арганізацыі і садзейнічаньні незаконнаму перасячэньню дзяржаўнай мяжы. Аўтамабіль канфіскавалі:

https://smarturl.click/vvBw

2.2k 0 4 30

Радыё Свабода — Беларусь

30 Sep, 14:05

🇵🇱 Зьмяніліся правілы падачы дакумэнтаў на польскі шэнген: цяпер іх трэба падаваць па месцы рэгістрацыі

➖ У візавых цэнтрах Менску, Магілёва і Гомля цяпер будуць прымаць дакумэнты ў беларусаў, зарэгістраваных па месцы жыхарства ў Менскай, Магілёўскай, Гомельскай і Віцебскай абласьцях.
➖ У візавых цэнтрах Берасьця, Баранавічаў і Пінску — у зарэгістраваных у Берасьцейскай вобласьці.
➖ У візавых цэнтрах Горадні і Ліды — па-ранейшаму, незалежна ад рэгістрацыі:

https://smarturl.click/3Z0V

2.5k 0 13 27

Радыё Свабода — Беларусь

30 Sep, 13:20

👫 Насельніцтва Беларусі старэе: за 2022 год колькасьць людзей сталага веку вырасла амаль на 3%, маладых — зьнізілася на 1,38%

У Беларусі на 1 студзеня 2023 году жылі 1 517 148 людзей сталага веку ва ўзросьце 65 гадоў і старэй — на 2,74% больш, чым год таму, сьведчыць Белстат. Колькасьць моладзі ва ўзросьце 14-30 гадоў на 1 студзеня складала 1 640 287 чалавек (на 1,38% менш, чым год таму). За апошнія 3 гады колькасьць насельніцтва Беларусі скарацілася на 209 642 чалавекі (-2,23%).

Раней супрацоўніца дасьледчага цэнтру BEROC Анастасія Лузгіна адзначала, што ў Беларусі і так існуе праблема старэньня насельніцтва, таму ад'езд маладых людзей з краіны ў апошнія гады «трагічны для нацыянальнай эканомікі»:

https://smarturl.click/aYEA

2.6k 0 9 27

Радыё Свабода — Беларусь

30 Sep, 12:10

«Імавернасьць таго, што беларусаў пашлюць ваяваць, наблізілася да нуля», — ізраільскі вайсковы экспэрт Гендэльман

Якія папярэднія вынікі ўкраінскага наступу, што доўжыцца ўжо амаль 4 месяцы, ці здолела ўкраінская армія за гэты час дасягнуць сваіх мэтаў? Якую ролю выконвае Беларусь у расейскай ваеннай палітыцы?

На гэтыя і іншыя пытаньні ў інтэрвію на Свабода Premium адказвае ізраільскі вайсковы аналітык Давід Гендэльман:

🎥 Відэа гутаркі: https://youtu.be/hPtAkPd6Mxc
✍🏻 Тэкставая вэрсія: https://smarturl.click/6832

2.8k 0 8 30

Радыё Свабода — Беларусь

30 Sep, 11:08

За 2021-2022 гады ў Беларусі разгледзелі 645 хадайніцтваў аб памілаваньні вязьняў, Лукашэнка памілаваў толькі 52 зь іх

Такія лічбы агучылі СМІ падчас пасяджэньня камісіі ў пытаньнях памілаваньня ў калёніі «Віцьба», дзе разгледзелі 72 хадайніцтвы вязьняў, зь іх 3 — ад зьняволеных «Віцьбы» (там утрымліваюць 106 палітвязьняў).

Раней многіх палітвязьняў наведвалі ў калёніях і прасілі падпісаць памілаваньне на імя Лукашэнкі, але многія прынцыпова адмовіліся гэта рабіць. Вязьням абяцалі хуткую амністыю, аднак у выніку палітвязьні пад закон аб амністыю амаль не падпалі:

https://smarturl.click/gYdB

2.9k 0 6 35

Радыё Свабода — Беларусь

30 Sep, 10:10

👆🏻Запытайся ў Дубаўца. Чаму польскія і літоўскія школы ў Беларусі перавялі на расейскую, а не на беларускую мову?

25 гадоў на Радыё Свабода Сяргей Дубавец знаходзіць сэнсы беларускага жыцьця і адказвае на вашы пытаньні.

— Бо адносіны рэжыму да беларускай мовы тыя самыя, што да літоўскай ці польскай. Школа мусіць быць толькі расейская, гэта задача адкрытай палітыкі русіфікацыі ў таталітарнай дзяржаве, якая цалкам падпарадкоўваецца Расейскай Імпэрыі. На прыкладзе большасьці краін суседак Беларусі мы бачым: там, дзе нацыянальная школа, там і памкненьне да дэмакратыі, бясьпекі, законнасьці, правоў чалавека, дабрабыту людзей, свабоды... У Расеі гэтага няма. Там кажуць: «Ніколі добра не жылі, ня трэба і пачынаць».

Думкі, выказаныя ў аўтарскіх рубрыках, перадаюць погляды аўтараў і не адлюстроўваюць пазыцыю рэдакцыі.

❓Задайце ваша пытаньне. Telegram: @SvabodaBelarus; Signal: +37068643669

3k 0 4 45

Радыё Свабода — Беларусь

30 Sep, 08:59

30 верасьня, у 1892 годзе, нарадзілася Зоська Верас
— пісьменьніца і грамадзкая дзяячка

Зоська Верас была ўдзельніцай нацыянальна-вызвольнага руху пач. ХХ ст., нацыянальна-вызвольнага руху 1920–1930-х у Заходняй Беларусі й нацыянальна-культурніцкага руху 1960–1980-х. Яна сябравала з Багдановічам і вучыла мове Караткевіча, ведала ўсе назвы беларускіх расьлін і захавала найкаштоўнейшы гістарычны дакумэнт — пратакол Усебеларускага кангрэсу 1917 году.

✍🏻 Больш пра Зоську Верас, чыя глінабітная хатка пад Вільняй стала мекай беларускага руху.
✍🏻 20 незвычайных фактаў пра Зоську Верас

3.2k 0 12 87

Радыё Свабода — Беларусь

29 Sep, 23:19

Прыгонныя ХХІ стагодзьдзя

Рашэньне аб увядзеньні абавязковага разьмеркаваньня для выпускнікоў ВНУ, якія вучыліся на платнай аснове, павелічэньні тэрміну адпрацоўкі для бюджэтнікаў да 5 гадоў выклікала шырокі грамадзкі розгалас. Праблему дэфіцыту кадраў рэжым спрабуе вырашыць звыклымі мэтадамі ўзмацненьня «прыгоннай» залежнасьці грамадзян ад дзяржавы. Высновы аглядальніка Свабоды:

📌У рамках працэсу эвалюцыі рэжыму ад аўтарытарнага да таталітарнага чалавек перастае быць грамадзянінам, свабоднай асобай, а ператвараецца ў бяспраўную працоўную сілу, якую ўлада мае права адправіць куды захоча.

📌Дэфіцыт кадраў становіцца эканамічнай і сацыяльнай праблемай Беларусі.

📌Галоўная прычына недахопу кадраў — эміграцыя, у асноўным з палітычных прычын.

📌У існага рэжыму ёсьць толькі адзін спосаб вырашэньня любой праблемы, ён унівэрсальны. Гэта — гвалт.

https://smarturl.click/XYom

4.2k 3 10 35

Радыё Свабода — Беларусь

29 Sep, 23:03

Вярхоўны суд ліквідаваў партыю «Справядлівы сьвет»

На думку чальцоў ліквідаванай арганізацыі, з гэтага моманту ў Беларусі «больш няма партыяў» з «адрозным ад дзейнай улады поглядам на становішча спраў у краіне», якія «прапануюць грамадзтву альтэрнатыўныя варыянты палітычнага і сацыяльна-эканамічнага разьвіцьця дзяржавы».

Паводле інфармацыі BPN, найбліжэйшым часам чальцы «Справядлівага сьвету» зоймуцца «стварэньнем новай палітычнай партыі», якая будзе выступаць за «дэмакратычны і сацыялістычны шлях разьвіцьця дзяржавы і грамадзтва».

https://smarturl.click/yzJm

3.7k 1 4 54

Радыё Свабода — Беларусь

29 Sep, 22:49

Два гады краязнаўца з Баранавіч Уладзімер Гундар адбыў у гарадзенскім СІЗА і ўжо некалькі месяцаў знаходзіцца ў бабруйскай калёніі.

Як стала вядома Свабодзе, сваякі Ўладзімера Гундара дакладна ня ведаюць, дзе яго трымаюць цяпер: у ШЫЗА, ПКТ ці ў атрадзе калёніі.

https://smarturl.click/RMZb

Навіны палітвязьняў: «1000 дзён за кратамі без нагі». Што адбываецца з Уладзімерам Гундарам

Два гады краязнаўца з Баранавіч адбыў у гарадзенскім СІЗА і ўжо некалькі месяцаў знаходзіцца ў бабруйскай калёніі.

3.5k 2 0 64

Радыё Свабода — Беларусь

29 Sep, 21:58

Называў сябе літвінам, натхняў сваімі вершамі на паўстаньне супраць царызму, але не дажыў да яго некалькі месяцаў. 200 гадоў таму нарадзіўся Ўладзіслаў Сыракомля.

Сабралі 6 цікавых і важных фактаў пра паэта.

3.4k 2 24 76

Радыё Свабода — Беларусь

29 Sep, 21:02

Галоўнае за 29 верасьня:

🔸Беларускія і расейскія спартоўцы змогуць удзельнічаць у Паралімпійскіх гульнях-2024 у Францыі

🔸«Гараўскі вінаваты, ня маю ніякіх сумневаў». Алена Захаранка пра 24 гады бяз бацькі і апраўдальны вырак швайцарскага суду

🔸Вольга Гарбунова заявіла, што каля 18% сабраных на маратоне салідарнасьці сродкаў разьмеркаваныя паміж профільнымі арганізацыямі

🔸Жыхара Рагачоўскага раёна аштрафавалі за бел-чырвона-белы сьцяг, намаляваны на плоце 30 год таму

🔸«Дзейнасьць Бондаравай для Лукашэнкі — гэта як кантраляваная хімічная рэакцыя ў колбе», — палітоляг Казак

🔸«Нас чакае вялікая хваля вызваленых». Узьнікла новая ініцыятыва дапамогі былым палітвязьням

🔸Фільм, зьняты з удзелам беларусаў, выклікаў скандал у Польшчы. Паразмаўлялі з акторамі і крытыкам

Беларускія і расейскія спартоўцы змогуць удзельнічаць у Паралімпійскіх гульнях-2024 у Францыі

Пасьля ваеннага ўварваньня Расеі ва Ўкраіну ў лютым 2022 года, паралімпійцаў Беларусі і Расеі адхілілі ад удзелу ў зімовых Паралімпійскіх гульнях у Пекіне ў сакавіку 2022 году.

3.7k 3 3 19

Радыё Свабода — Беларусь

29 Sep, 20:14

Чаму апраўдалі Гараўскага, разьмеркаваньне платнікаў, крызіс у Карабаху. Пра падзеі тыдня разважае палітычны аглядальнік Свабоды Валер Карбалевіч.

https://www.youtube.com/watch?v=M1WtXgTs0OY

Чаму апраўдалі Гараўскага. Разьмеркаваньне платнікаў. Крызіс у Карабаху

Швайцарскі суд не прызнаў вінаватым экс-байца беларускага САХР Юрыя Гараўскага ў справе аб выкраданьнях апанэнтаў Лукашэнкі. Армэнія, сябра АДКБ, пацярпела жорсткую паразу ў карабаскім канфлікце. У Беларусі хочуць увесьці разьмеркаваньне для платнікаў і павялічыць тэрмін адпрацоўкі. Пра падзеі тыд...

3.7k 1 10 28

Радыё Свабода — Беларусь

29 Sep, 19:03

СК мае намер асудзіць усіх палітычных эмігрантаў

Крымінальныя справы «зьбеглай апазыцыі» ня трапіць у катэгорыю «злачынстваў мінулых гадоў». Пра гэта заявіў намесьнік старшыні Сьледчага камітэту Сяргей Аземша ў апублікаваным сёньня інтэрвію беларускаму аддзяленьню расейскага мэдыя Sputnik (заснаванае дзяржаўным інфармагенцтвам Russia today).

«Як паказвае практыка, і сусьветная ў тым ліку, можна знайсьці злачынцаў, якім удавалася хавацца ад крымінальнага перасьледу ледзь не ўсё жыцьцё, — сказаў ён. — Прынцып няўхільнасьці пакараньня павінен працаваць бесьперабойна, а наша задача — гэта забясьпечыць. Але, адзначу, што „зьбеглыя“ не папоўняць сьпіс злачынстваў мінулых гадоў, бо мы актыўна выкарыстоўваем працэдуру спэцыяльнай вытворчасьці, каб рашэньне па гэтых крымінальных справах было прынятае да іх затрыманьня».

https://smarturl.click/Ep9J

4.1k 2 24 90

Радыё Свабода — Беларусь

29 Sep, 18:01

Дачка зьніклага міністра Захаранкі пра 24 гады бяз бацькі і апраўдальны прысуд Гараўскаму

Дачка зьніклага былога кіраўніка МУС Юрыя Захаранкі Алена Захаранка ў інтэрвію Свабодзе Premium тлумачыць, чаму ня лічыць рашэньне швайцарскага суду справядлівым, як зьмяніўся Гараўскі пасьля размовы зь ёй у 2019 годзе, а таксама якімі былі для яе сям’і 24 гады бяз Юрыя Захаранкі і чаму немагчыма распарадзіцца сямейнай кватэрай у Менску.

🎥 https://youtu.be/xGrDIB-NdqA?si=-kNqRnU6UYwOOFTw

3.8k 1 8 44

Радыё Свабода — Беларусь

29 Sep, 17:24

Вольга Гарбунова: Каля 18% сабраных на маратоне салідарнасьці сродкаў разьмеркаваныя паміж профільнымі арганізацыямі

Паміж профільнымі арганізацыямі разьмеркавана 104 тысячы эўра з сабраных падчас маратону салідарнасьці 574406 тысячаў (18,1%).

Пра гэта паведаміла прадстаўніца па сацыяльнай палітыцы Абʼяднанага пераходнага кабінэта (АПК) Вольга Гарбунова.

Паводле яе слоў, частка сродкаў ужо атрыманая семʼямі палітвязьняў згодна з крытэрыямі, якія выпрацавала назіральная рада: яны павінныя выдаткоўвацца на аплату паслугаў адваката, перадачы ў калёніі і СІЗА, падтрымку сямʼі.

https://smarturl.click/wEev