Радыё Свабода — Беларусь


Channel's geo and language: Belarus, Belarusian
Category: Politics


Дасылайце нам інфармацыю ў наш тэлеграм-бот @SvabodaBelarus_bot
Сувязь з рэдакцыяй — @SvabodaBelarus
Даслаць навіну ў Signal можна па нумары +380502605369


Channel's geo and language
Belarus, Belarusian
Category
Politics
Statistics
Posts filter


У новым навучальным годзе ў старэйшых клясах скароцяць гадзіны на замежныя мовы

Урокаў замежнай мовы стане менш на 1 акадэмічную гадзіну. Таксама скароцяць аб’ём актыўнага і пасіўнага лексычнага мінімуму пры вывучэньні замежных моваў. Затое павялічыцца вывучэньне расейскай і беларускай моваў — на паўгадзіны на тыдзень:

https://d2r0s1pmhg5xrd.cloudfront.net/a/31982481.html


Зь вязьняў беларускіх калёній патрабуюць выплаты падатку на першую кватэру, які ўвялі сёлета

Як высьветлілася, вязьні ў калёніях ад выплаты падатку ня вызваленыя (у адрозьненьне ад вайскоўцаў). Праблема ў тым, што ў банках патрабуюць зьвесткі менавіта ўладальніка кватэры і просяць прад'явіць пашпарт.

Да таго ж, вязьні зарабляюць у сярэднім ад 4 да 6 рублёў у месяц, і хоць яны могуць мець дадатковыя грошы на рахунках для пакупак у турэмных крамах, ці можна будзе з рахунку аплаціць падатак — невядома, піша @MAYDAYMog.


Пра каго і чаму мала пішуць СМІ? Ацэнка мэдыяэкспэрта

Як камэнтуюць хаду і вынікі канфэрэнцыі «Новая Беларусь» праўладныя крыніцы інфармацыі? Ці задаволенае вынікамі канфэрэнцыі незалежнае грамадзтва? Ці мела рацыю Вераніка Цапкала ў сваёй крытыцы мэдыя? — На пытаньні Свабоды адказвае мэдыяэкспэрт Паўлюк Быкоўскі:

🎥 Гутарка на відэа: https://youtu.be/n5NWEIGBYBQ
✍🏻 Тэкст:
https://d2r0s1pmhg5xrd.cloudfront.net/a/31982418.html


Галоўнае за 10 жніўня

👨🏻‍⚖️ Да 16 гадоў турмы. Вынесьлі прысуды бабруйскім «рэйкавым партызанам»

🙍🏻‍♂️ Аўтуховіч пасьля галадоўкі прысутнічае на судзе, але настолькі слабы, што адмаўляецца ўставаць

👨🏻‍🎨 Камунальнікаў абавязалі зафарбоўваць «несанкцыянаваныя надпісы»

🗣 У Мінабароны Беларусі сказалі, чаму падтрымалі Расею ў вайне з Украінай

🇩🇪 Беларускаму ўцекачу пагражае прымусовая дэпартацыя зь Нямеччыны

💰 Без крэдытаў ад дзяржавы 53,4% арганізацыяў стратныя. Што ня так зь беларускай сельскай гаспадаркай

👫 «Шнары пратэсту». Шэсьць фотагісторыяў пацярпелых на пратэстах у жніўні 2020-га


«Камунарка» зьмяніла чырвона-белы дызайн «патрыятычных» цукерак на бела-васільковы

Набор цукерак «Жадаю вам» вытворчасьці беларускай «Камунаркі», які раней быў выкананы ў чырвона-белых колерах, зьмяніў афарбоўку, заўважыў тэлеграм-канал «Беларусь головного мозга».

Афармленьне цукерак фабрыка памяняла яшчэ ў чэрвені, патлумачыўшы выбар колеру тым, што «адценьне лугавога васілька часта выкарыстоўваецца ў беларускай сымболіцы».

Які дызайн вам падабаецца больш: 1️⃣ бела-чырвоны ці 2️⃣ бела-васільковы?


Мастачка Караліна Палякава разам з ініцыятывай politzek.me да 9 жніўня стварыла мазаіку ў гонар беларускіх палітвязьняў

У рабоце адлюстраваныя сюжэты сучаснай Беларусі: людзі ў камэрах, сваякі, якія нясуць перадачы, бусел, які ляціць зь лістом, жанчыны з кветкамі, беларусы на маршах.

Крыніцай натхненьня сталі вядомыя мазаікі «Менск — горад мастацтва» і «Менск — горад навукі».


«Азаронак „топіць“ па БТ, Бондарава прыходзіць на экскурсіі асабіста». Як рэжым цісьне на экскурсаводаў

У
Беларусі ў першы тыдзень жніўня затрымалі сама меней 2 экскурсаводаў, дырэктарку і супрацоўніцу турагенцтва. Паводле суразмоўцаў Свабоды, дачыненьне да «аблавы» могуць мець прапагандыст Рыгор Азаронак і праўладная актывістка з Горадні Вольга Бондарава. Як кажуць экскурсаводы, сытуацыя ў сфэры ўнутранага турызму стала асабліва напружанай пасьля пачатку вайны ва Ўкраіне:

«Ты ня можаш расказваць падчас экскурсій, што думаеш і як было насамрэч, бо ніколі не вядома, хто цябе слухае»:

https://d2r0s1pmhg5xrd.cloudfront.net/a/31982222.html

З VPN або з-за мяжы


Аўтуховіч пасьля галадоўкі прысутнічае на судзе, але настолькі слабы, што адмаўляецца ўставаць

Аўтуховіча працягваюць трымаць у маленькай адзіночнай клетцы, піша @nashaniva. На судзе ён паскардзіўся на праблемы з ціскам, сказаў, што яму цяжка ўставаць і гаварыць, папрасіў мэдычнай дапамогі. Турэмны мэдык пасьля агляду заявіў, што Аўтуховіч можа адказваць на пытаньні стоячы, як гэтага патрабуе суд:

https://d2r0s1pmhg5xrd.cloudfront.net/a/31982382.html


$400 мільёнаў даўгоў, завод будавалі інвэстары з Аўстрыі: што вядома пра Miory Steel, які нацыяналізаваў Лукашэнка

Прыватны завод Miory Steel меўся выпускаць белую бляху, інвэстар уклаў у яго 400 мільёнаў эўра. Кіраўнікоў заводу сьпярша арыштавалі, а пасьля завод адышоў да дзяржавы рашэньнем Лукашэнкі. Прыгадваем гісторыю прадпрыемства:

https://d2r0s1pmhg5xrd.cloudfront.net/a/31982269.html

З VPN або з-за мяжы


Камунальнікаў абавязалі зафарбоўваць «несанкцыянаваныя надпісы»

Цяпер камунальнікі павінны ліквідаваць «несанкцыянаваныя надпісы» ў пераходах і на мастах. Таксама сярод новых абавязкаў работнікаў ЖКГ — мыць вуліцы і масты, здымаць гнёзды птушак і восаў, адлоўліваць шалёных і безнаглядных жывёл, рамантаваць велапаркоўкі і інш.:

https://d2r0s1pmhg5xrd.cloudfront.net/a/31982285.html


«Зьнік корм для хворага старога ката. Ён прымае антыдэпрэсанты». Як жывёлы пакутуюць праз вайну і палітычны крызіс

«Няма кармоў Royal Canin заходняй вытворчасьці, ёсьць расейскай, і сабака іх есьць горш», — скардзіцца гаспадыня сабакі.

Беларусы скардзяцца на дэфіцыт ці нават брак пэўных тавараў для сваіх хатніх гадаванцаў. Сабралі іхныя гісторыі:

https://d2r0s1pmhg5xrd.cloudfront.net/a/31982123.html

З VPN або з-за мяжы


У Мінабароны Беларусі расказалі, чаму падтрымалі Расею ў вайне з Украінай

«Яны нас да гэтага прывялі! За руку! Якія прэтэнзіі сёньня? Натуральна, Рэспубліка Беларусь падтрымала дзеяньні Расейскай Фэдэрацыі» — у Мінабароны заявілі, што Ўкраіна пад уплывам зьнешніх сіл стварала напружанасьць у дачыненьнях зь Беларусьсю, пачынаючы з 2016 году:

https://d2r0s1pmhg5xrd.cloudfront.net/a/31982097.html


Беларусь на 2-м месцы па тэмпах росту цэнаў на гародніну і садавіну сярод 94 краін, — сьцьвярджаюць аналітыкі Picodi

Аналітыкі Picodi.com прааналізавалі рост цэнаў са студзеня па ліпень 2022 году на папулярную садавіну і гародніну ў 94 краінах сьвету. На другім месцы рэйтынгу пасьля Турэччыны апынулася Беларусь, дзе сярэдні рост склаў 33,4%. На трэцім месцы — Расея.

Больш за ўсё ў Беларусі падаражэлі памідоры — з 4,76 да 7,23 руб., або на 51,9%, бананы — на 47,7%. Менш за ўсё падаражэлі апэльсіны — на 14,5%. Агульная цана ўмоўнага кошыка прадуктаў, куды ўвайшлі апэльсіны, бананы, бульба, цыбуля, таматы, яблыкі і салата, з студзеня па ліпень вырасла на 33,4%.


«Ахоўнік лягеру сказаў: падзякуйце свайму вусатаму „бацьку“». Беларускаму ўцекачу пагражае прымусовая дэпартацыя зь Нямеччыны

Станіслаў Цыбінскі выехаў ва Ўкраіну, ратуючыся ад перасьледу ў Беларусі. Калі пачалася вайна, стаў шукаць прытулку ў Нямеччыне, але цяпер яму загадалі пакінуць гэтую краіну. Станіслаў кажа, што прымусовая дэпартацыя пагражае яшчэ 16 яго суайчыньнікам.

Пачытайце, з чым сутыкнуўся беларус у пошуках абароны:

https://d2r0s1pmhg5xrd.cloudfront.net/a/31981931.html

З VPN або з-за мяжы


Прапанову аб забароне выдачы шэнгенскіх візаў расейцам унесьлі на абмеркаваньне ў Эўразьвяз

Пра гэта сёньня паведаміў афіцыйны прадстаўнік кабінэту міністраў ФРГ Штэфэн Хебэштрайт, піша ТАСС. 8 жніўня прэзыдэнт Украіны Ўладзімір Зяленскі заклікаў забараніць усім расейцам уезд у краіны Захаду. Прапанову падтрымала прэм'ер-міністарка Эстоніі Кая Калас.


«Боцман» сьцьвярджае, што затрыманыя ва Ўкраіне «кілеры» плянавалі яго забіць.

Сяргей Кароткіх, ён жа «Боцман» — неадназначная фігура. Вучыўся ў беларускай школе КДБ, атрымаў украінскае грамадзянства, спрычыніўся да стварэньня «Беларускага дома ва Ўкраіне», кіраўніка якога знайшлі павешаным.

https://d2r0s1pmhg5xrd.cloudfront.net/a/31981937.html

З VPN або з-за мяжы


Video is unavailable for watching
Show in Telegram
Прэзэнтуем фотапраект «Шнары пратэсту», які праймае да дрыжыкаў. Паглядзіце.

У праекце фатографа Віялеты Саўчыц героі расказваюць, які сьлед на іхных целах пакінулі падзеі 9–11 жніўня і што значаць для іх гэтыя шнары.

«Шчыты рассоўваюцца — бабах! Разумею, што па мне ўжо прыляцела. Паварочваюся — мне страляюць наўздагон у сьпіну. Калі б мяне схапілі зь дзьвюма дзіркамі, хто б выклікаў лекара? Скапыціўся б. Таму я так пёр, абганяў людзей, мэтраў 100–150 бег. Спыніўся — стаю ў крывішчы».

https://d2r0s1pmhg5xrd.cloudfront.net/a/31977638.html

З VPN або з-за мяжы


На працэсе ў «справе аб змове» агучылі, што Зянковіч хацеў стаць прэзыдэнтам Беларусі.

На суд прывезьлі фігурантаў зь іншай справы – «прафсаюзаў» — і дапыталі іх у якасьці сьведак. Таксама стала вядома, што Фядута за кратамі двойчы перанёс пнэўманію.

Падрабязьней пра паседжаньне:

https://d2r0s1pmhg5xrd.cloudfront.net/a/31981868.html

З VPN або з-за мяжы

Фота БелТА


❗️ Да 16 гадоў турмы. Вынесьлі прысуды бабруйскім «рэйкавым партызанам», паведамілі крыніцы Свабоды.

Канстанцін Ермаловіч асуджаны на 16 гадоў калёніі ўзмоцненага рэжыму і штраф 9600 рублёў;
Віталь Мінкевіч — на 15 гадоў калёніі ўзмоцненага рэжыму;
Ігар Казлоў — на 14 гадоў калёніі ўзмоцненага рэжыму;
Надзея Полькіна — на 2 гады калёніі агульнага рэжыму;
Натальля Кед — на 2 гады «хатняй хіміі».

Некаторых зь іх прызналі вінаватымі ў тым, што спалілі пудзіла Лукашэнкі, а таксама нібыта пакінулі «выбуховыя прыстасаваньні» каля чыгуначных рэек і побач зь яткай «Табакерка».

Справу разглядала Натальля Агладкава.

https://d2r0s1pmhg5xrd.cloudfront.net/a/31969991.html

З VPN або з-за мяжы

Ілюстрацыя Dissidentby.


Прадстаўніцу турфірмы зь Менску адправілі ў турму на 7,5 года.

Яна слала кліентам фіктыўныя дакумэнты, быццам тыя захварэлі на COVID-19 і ня могуць ехаць у тур, а грошы прысвойвала.

https://d2r0s1pmhg5xrd.cloudfront.net/a/31981655.html

З VPN або з-за мяжы

20 last posts shown.