🔥🔥🔥 Юныя выратавальнікі чацвёртай гарадской школы сумесна з інспектарам сектара прапаганды і ўзаемадзеяння з грамадскасцю раённага аддзела па НС Юліяй Новікавай-Сакалоўскай і намеснікам начальніка Чэрвеньскага РАУС па ідэалагічнай рабоце і кадравым забеспячэнні Аляксандрам Семчанкам павіншавалі выхаванцаў Чэрвеньскага сацыяльна-педагагічнага цэнтра з надыходзячымі святамі.

Яны пажадалі дзецям здароўя, добрай вучобы і прыкладных паводзінаў.

Хлопчыкі і дзяўчынкі розных узростаў распавялі гасцям пра тое, што ўжо напісалі і перадалі лісты праз выхавальнікаў Дзеду Марозу, што ў іх добры настрой і што яны вельмі чакаюць свята, каб загадаць свае самыя запаветныя жаданні.

Дзеці разам з юнымі выратавальнікамі паўтарылі нумары тэлефонаў службы выратавання.

Яны паразмаўлялі пра тое, для чаго патрэбны вогнетушыцель, чаму нельга выходзіць на лёд зімовага вадаёма.

Выхаванцы былі асабліва рады мультфільму “Чароўная кніга".

Доўгачаканых падарункаў было так шмат, што дзеці не ўсе адразу змаглі і забраць!