🎄 Joriy yilning 21-dekabr kuni Toshkent shahridagi Belarus-O‘zbekiston qo‘shma tarmoqlararo amaliy texnik kvalifikatsiyalar institutida “Yangi yil shukuhi hammamizni yangi orzular, maqsad va umidlar sari boshlaydi” mavzusida bayram tadbiri bo‘lib o‘tdi. Tadbir institut jamoasi, professor-o‘qituvchilar hamda talaba-yoshlarni Yangi yilni kutib olishga tayyorlash va ularga bayramona ruh bag‘ishlash maqsadida tashkil etildi.

📜 Tadbirni institut ijrochi direktori, texnika fanlari doktori, professor Baxodirov Azizbek Abdulazizovich ochib berdi. U o‘z tabrik nutqida barcha ishtirokchilarni samimiy qutlab, kirib kelayotgan Yangi yilga ulkan rejalar, maqsadlar va yorqin umidlar bilan kirib kelishini tiladi. So‘ngra A. Baxodirov 2024-yil davomida institutimizning o‘quv jarayonlari va barcha turdagi tadbirlari, jamoat ishlarida faol ishtirok etgan, na’munali xulqi, tashabbuskorligi bilan o‘z tengdoshlariga o‘rnak ko‘rsatib kelayotgan bir guruh talabalarimizni Tashakkurnomalar bila taqdirladi.

❄️ Bayram tadbiri doirasida talabalar tomonidan tayyorlangan badiiy dasturlar, musiqiy chiqishlar va sahna ko‘rinishlari ishtirokchilarni xushnud etdi. Talabalar tomonidan ijro etilgan milliy va zamonaviy raqslar, yangi yilga bag‘ishlangan qo‘shiqlar va teatrlashtirilgan sahnalar tadbirga yanada o‘zgacha ko‘tarinki kayfiyat bag‘ishladi.

🎉 Ushbu tadbir institut jamoasi uchun nafaqat quvonch, balki birlashish va yangi marralar sari intilishni ramziga aylandi.

Institutning rasmiy sahifalari

🌐Web-sayt 📱Telegram 📱Facebook 📱Instagram 📱You tube