Пра IT і не толькі.

Думкі пра надзейнасць кампьютараў

Сутыкнуўся яшчэ з аднім выпадкам, калі завісанне кампьютара каштавала даволі дорага.

Турагент спрабуе забраніраваць для кліентаў тур за вельмі добры кошт, і ў самы адказны момант кампьютар завісае, пакуль атрымалася яго ажывіць - тур вельмі адчувальна падаражэў, і кліенты адмовіліся... У выніку - і турагент, і кліент з благім настроем, і зарабіць не атрымалася.

Такія выпадкі вельмі ярка паказваюць, што на працоўных кампютарах эканоміць нельга - яны павінны працаваць налзейна і без завісанняў, але пастаянна сутыкаюся з думкамі "яшчэ папрацуе", "здаецца ж яшчэ ўсй добра" - не, так не працуе, час ад часу працоўны інструмент трэба абнаўляць І пры правільным падыходзе гэта можна зрабіць літаральна за гадзіну-дзве, без асаблівых намаганняў, як - тэма для асобнай размовы.

Вынік гісторыі пра турагента - быў набыты новы выдатны працоўны ноўтбук, і зараз такія выпадкі паўтарацца не павінны. Дарэчы, памера згубленага заробку хапала на набыццё ноўтбука - і гэта толькі з аднаго кліента...

Спецыяльна не называю што за ноўтбук адказаў, і які набылі - гэта не мае сэнсу, зламацца можа любы.

Назіраце, як працуюць вашыя кампьютары, і не забывайце іх абслугоўваць і час ад часу абнаўляць.

Антывірусаў шмат не бывае! Ці не?

Ізноў стандартны выпадак - у кліента ўсталявана два антывірусы - Total Security і Avast.
Зразумела, што абодва прыехалі паравозікам разам з нейкім софтам, але - маем што маем. Яны старанна змагаюцца з пагрозамі, нейтралізуючы пры гэтым самую галоўную пагрозу - карыстальніка, які жадае працаваць.
У выніку карыстальнік злуецца і крые нядобрым словамі... А ўсяго толькі трэба быць уважлівым пры ўсталёўцы праграм...

Не губляйце ўвагу, і хутка працуючых кампьютараў усім!

Ці патрэбна пераўсталёвуаць Windows?

Зноў пра старое як сусвет пытанне - ці трэба час ад часу пераўсталёуваць Windows?

Рознага кшталту кампьютарныя “майстры” адкажуць - так, абавязкова тржба час ад часу гэта рабіць - гэта дазваляе выдаліць смецце і паскорыць сістэму. Вядома ж, яны цікавяцца пра свой заробак.

А зараз уявіце - у карыстальніка наладжанае гадамі асяроддзе для яго працы? Праграмы. налады, сэрвісы? І гэта ўсё зламаць для нейкага “паскарэння і выдалення смецця” і потым аднаўляцйь назад?

Мой адказ, з асабістага вопыту: калі хоць неяк, доўга, праз сілу сістэма загрузілася і атрымалася пабацыць працоўны стол - пераўсталёўка не патрэбна. Нават калі і не атрымалася - прасцей аднавіць загрузку, гэта не складана, але пра гэта - у іншы раз.

Перша за ўсё трэба зрабіць стандартны набор : праверыць на вірусы, выправіць памылкі сістэмы, паглядзець што запускаецца, праверыць стан дыску (дыскаў), паглядзець налады файла падпамоўкі і ўвогуле - што с выкарыстаннем памяці пры працы? Ужо гэта можа добра дапамагчы.

Для выпраўлення болей складаных выпадкаў вельмі добра дапамагае “абнаўленне па месцы” - upgrade in-place - калі сістэма абнаўляецца з працуючай сістэмы. Плюсы - усё асяроддзе будзе захавана, і калі нешта не атрымалася - усё проста вернецца да пачатковага стану.

Вельмі часта добра паскорыць працу дапамагае замена дыска на SSD, болей тагао - не толькі са старога HDD (а такое яшчэ засталося?), але і замена SSD на лепшы - танныя дыскі танныя не проста так.

Выснова - не спяшайцеся “усё зламаць і зрабіць новае” - звычайна гэта доўга, марудна, і не так добра аплачваецца.

Беражыце свой час і спакой, і канешне - не забывайце пра рэзервовае капіраванне.

#windows

Пра Яндэкс Дыск

Відавочна, што Яндэксу спатрэбіліся грошы - з 3 чэрвеня праграма Яндэкс дыск для кампьютара будзе працаваць толькі пры наяўнасці платнай падпіскі.

Ва ўсіх канкурэнтаэў сінхранізацыя - бясплатная функцыя, так што прыйшоў час сказаць: Яндэкс Дыск - гуд бай! І станцыі свае забяры з сабой, бесяць.

І зноў пра флэшкі.

Зноў тыповы выпадак - захаванне працоўных дакументаў ТОЛЬКІ на флэшцы - гэта ж так зручна, што можа пайсці не так? І не, флэшкі ж не губляюцца...

Адна з папак з працоўнымі файламі за некалькі гадоў (толькі на флэшцы) аказалася запоўнена замест файлаў нейкімі дзіўнымі файламі з нечытаемымі імёнамі. Прапанаваная сістэмай праверка на памылкі прлывяла да ператварэння папкі ў файл памерам 4 кб - не адкрываецца ніяк. Спробы праграмна аднавіць даныя рознымі праграмамі да поспеху не прывялі.

У выніку флэшка была адпраўлена ў сэрвіс аднаўлення даных - і добра, што ў іх атрымалася аднавіць усё патрэбнае. Каштавала аднаўленне 300 бел. руб - прыкладна $100 - вось такая плата за спакой і памылку з захаваннем даных.

Па выніках была праведзена кансультацыя - як рабіць так, каб гэта не паўтарылася - воблака, сінхранізацыя, перыядычнае захаванне ў архіў.

Але ж якая непахісная вера ў надзейнасць таннай флэшкі - з імі ж нічога не можа здарыцца. Так-так, не можа...

Выпадак з практыкі - шыфравальшчык

У аднаго з кліентаў здарыўся нечаканы і даволі непрыемны выпадак - на міні-сэрвер такі змог пранікнуць шыфравальшчык і зашыфраваць усе працоўныя файлы. Я лічыў, што іх час прайшоў, але ж не, сустракаюцца.

Але моцна нашкодзіць у яго не атрымалася - даныя былі на Яндэкс Дыску, рэзервовая копія базы 1С рабілася кожную ноч на Google Drive - без падключэння яго да кампьютара.

Усё аднаўленне - наладзіць працу на другім кампьютары і аднавіць базы 1С.

Для далейшай працы былі прапанаваны некалькі варыянтаў для павышэння надзейнасці працы, калі будуць сагласаваны - такая сітуацыя стане зусім немагчыма.

Сёння сутыкнуўся з нечаканым глюкам AnyDesk - відавочна нешта ў іх зламалася, і атрымаўся адзін нумар на два кампьютары. Мне скідваюць нумар, спрабую падключацца - а мне адмаўляюць у падключэнні - непарадак. Дапамагла звычайная чыстка даных AnyDesk - пасля яе змяняецца нумар, і ўсё запрацавала як мае быць.

Пра реэервовае капіраванне і захоўванне інфармацыі

Сутыкнуўся з тым, што ў карыстальікаў нават на працоўных кампьютарах поўны гармідар з інфармацыяй- усё захоўваецца толькі лакальна, і першы ж збой ці шыфравальшчык знішчае ўсю інфармацыю, і аднавіць яе амаль немагчыма.

Калі ў арганізацыі ёсць хоць які сэрвер - гэта ўжо прасцей, можна наладзіць рэзервовае капіраванне, а калі яго няма і ўсё раскідана па ноўтбуках супрацоўнікаў? Бывае, што кажуць "я сам час ад часу пераношу ўсё на знешні дыск - гэтага дастаткова" - не, не дастаткова. Дыскі вельмі лёгка ламаюцца, губляюцца - у выніку надзейнасць нізкая. Да таго ж усё зламаецца ў самы нязручны момант.

Не варта забываць, што амаль што ва ўсіх сучасных ноўтбуках стаяць SSD, зваротны бок хуткасці якіх - значна ніжэйшая надзейнасць і высокі кошт аднаўлення інфармацыі пры нізкай верагоднасці поспеху.

Застаецца толькі захоўваць даныя ў воблаке, пры неабходнасці аплочыаючы яго - хутчэй за ўсё, бо бясплатнага памера дыска не хопіць. Пры працы ў невялікай арганізацыі можна зрабіць кожнаму супрацоўніку асобны уліковы запіс, і адзін з павялічаным памерам на арганізацыю, пры неабходнасці кіруючы правамі супрацоўнікаў на даныя.

Застаецца адкрытым пытанне што рабіць з базамі даных - захоўваць іх у воблаке не атрымаецца, і, актуальнае апошнім часам - што рабіць у выпадку санкцый і блакіроўкі сэрвісаў - але гэта асобная прастора для разважання.

Агульная выснова - захоўванне інфармацыі, і падтрымка яе актуальнасці - вельмі цікавая вобласць, і менавіта гэтым я планую паглыблена займацца ў бліжэйшы час.

Нечаканае пра мабільную сувязь.

Заўважыў, што на мінулым тэлефоне Samsung A52 на некаторых абанентах у час рзамовы мяне перастаюць чуць - як быццам на маім тэлефоне адключаецца мікрафон. Вельмі раздражняючая рэч, замінае карыстацца тэлефонам.

Неўзабаве я замяніў тэлефон на Samsung A56 - вельмі добры тэлефон, але, на дзіва - тая ж самая праблема засталася - час ад часу быццам адключаецца мікрафон, і што цікава - не на ўсіх суразмоўцах.

Кансультант у салоне МТС справбаваў пераканаць мяне, што зараз тэлефоны едуць "паралельным імпартам" (і да на гэтыя агідныя словы дабраліся), яны для каўказскага рэгіёна, і не падтрымліваюць усе нашы частоты сувязі, і калі б набылі кітайскі тэлефон ці iPhone - то ўсё было б добра.

На мой погляд - лухта поўная, навошта Samsung рабіць розныя тэлефоны, калі прасцей зрабіць усе аднолькавыя і задаваць рэгіён у прашыўке. Акрамя таго - Samsung A52 быў з правільным рэгіёнам, афіцыяльны, а праблема ж была.

Дзякуй дзяўчыне з таго ж салона - падказала, як вырашыць - дастаткова адключыць выклікі праз VoLTE у наладах сувязі на тэлефоне, што і было зроблена. Па назіраннях - так, праблема вырашана, "аніводнага разрыва" сувязі.

Вось так, зноў непатрэбныя тэхналогіі для тэхналогій - лепей пакуль што адключыць, каб добра працавала базавая функцыя тэлефона - сувязь праз мабільныя сеткі.

Як не згубіць файлы - працяг

Падказалі яшчэ адзін часты выпадак з файламі - а што калі файл не згубілі, а змянілі, і спатрэбілася мінулая версія файла? Такіх выпадкаў можа быць шмат, асабліва калі файлы падобныя - напрыклад, справаздачы за розныя перыяды.

Зараз, бадай адзіны надзейны варыянт - захоўваць усе працоўныя файлы ў воблачным сховішчы, напрыклад ва ўбудаваным OneDrive, ці Google Drive, Яндэкс Дыск, Dropbox, з усталёўкай кліента. Усе воблачныя сховішчы падтрымліваюць версіі файлаў, і змены сінхранізуюцца пры кожным захоўванні файла (не забываем пра перыядычнае націсканне Ctrl-S ці Command-S). Пры неабходнасці аднавіць папярэднюю версію файла не ўзнікае пытанняў - той жа Dropbox падтрымлівае гісторыю файлаў на 30 дзён у бясплатнай версіі. Акрамя аднаўлення папярэдніх версій воблачныя сховішчы дазваляюць адвязаць файлы ад кампьютара, але гэта тэма ўжо іншай заметкі.

Яшчэ варыянт - наладзіць Гісторыю файлаў - але звычайна на гэта няма месца на дыске, але можна вельмі тонка наладзіць і будзе працаваць.

У болей старых версіях Windows працавалі Папярэднія версіі з кропак аднаўлення Windows, але зараз гэта вельмі ненадзейны варыянт.