👋 10 ліпеня праект «Хуткая Узаемадапамога» спыняе сваю працу.

Хочам падзякаваць усім, хто з лета 2020 года даказваў, што салідарнасць і ўзаемадапамога — нацыянальныя рысы беларусаў і беларусак:

🤍 Па-першае, 9400 людзям, якія наўпрост пераводзілі грошы тым, каго звольнілі, адлічылі ці пасадзілі ў турму з-за грамадзянскай пазіцыі. Вашыя настойлівасць, смеласць і дабрыня натхняюць і ўсяляюць надзею, што светлая будучыня існуе;

❤️ Па-другое, усім валанцёрам, якія верыфікавалі гісторыі, рабілі сайт, вялі сацыяльныя сеткі, а таксама здымалі відэа, арганізоўвалі афлайн-імпрэзы ды словам і справай дапамагалі пацярпелым ад рэпрэсій. Мы ганарымся, што працавалі з вамі!

🤍 Па-трэцяе, 1326 беларусам і беларускам, якія звярнуліся па дапамогу да hutka.help. Кожны з вас не проста хацеў жыць у сумленнай і справядлівай Беларусі, але і змагаўся за такую будучыню.

Разам мы зрабілі велізарную працу, але зараз час пачынаць нешта новае.

Працягвайце любіць Беларусь і дапамагаць тым, каму цяжка.

☀️ Дзякуй за вашую салідарнасць!

@hutka_help
#скорая_взаимопомощь #узаемадапамога #беларус_беларусу