Type to search
Advanced channel search

Продаётся канал | Foot Day Футбол

4400 пдп, доход 22 700 в месяц, цена 41 000
img
ad

TGStat Bot

Bot to get channel statistics without leaving Telegram
img
ad

SearcheeBot

Your guide in the world of telegram channels
img
ad

Зялёны свет | Медыя пра экалогію ў Беларусі і свеце

@greenbel
Channel's geo and language: Belarus, Russian

Распавядаем аб тым, што важна, і тлумачым тое, што не зразумела.
Нашыя сцікеры тут: t.me/addstickers/GreenBelarus
Чытайце і глядзіце нас у Instagram: instagram.com/greenbelarus

Related channels
Channel's geo and language
Belarus, Russian
Category
News and media
Statistics
Is this your channel? Confirm Channel history
22
20
29
18
20
22
Posts filter

Зялёны свет | Медыя пра экалогію ў Беларусі і свеце

22 Apr, 17:34

Open in Telegram Share Report
Video is unavailable for watching
Show in Telegram
🌏 Сёння адзначаем Дзень Зямлі.

І нагадваем пра важнае ў нашым новым эксплэйнеры.

🌱 Падзяліцеся гэтым відэа з сябрамі і калегам, калі і вы, і яны знаходзяцца ў бяспецы.
44 0 1 7
Зялёны свет | Медыя пра экалогію ў Беларусі і свеце

22 Apr, 15:34

Open in Telegram Share Report
Forward from: Светлана Тихановская
Спіс беларускіх арганізацыяў, якія распавядуць вам пра экалогію

Сёння – Міжнародны дзень Зямлі, які прызваны прыцягнуць увагу да экалагічных праблемаў і абароны навакольнага асяроддзя. На жаль, рэжым не моцна хвалююць пытанні экалогіі. Але беларусы і беларускі самі клапоцяцца пра тое, што пакінуць сваім нашчадкам. А разабрацца ў гэтым пытанні больш дасканала нам дапамагаюць беларускія экалагічныя арганізацыі.

🌱 «Экадом» – старэйшая беларуская прыродаахоўная арганізацыя. Проста і зразумела яны ўжо амаль 20 год расказваюць, што адбываецца ў Беларусі з экалогіяй і як мы можам гэта палепшыць. А яшчэ «Экадом» можа даць вам бясплатную кансультацыю па рашэнню экапраблемаў!

🌱 «Зялёны партал» – аб’яднанне экалагічных арганізацыяў, экспертаў і актывістаў, а таксама і інфармацыйны рэсурс, які акумулюе эканавіны з усяго свету. Вельмі цікава, а часам і смешна, у мемах, расказваюць пра стан прыроды і тое, што мы можам зрабіць для яе.

🌱 «Экаспэйс» – партал пра экалогію, урбаністыку, валанцёрства і спрыяльнае навакольнае асяроддзе. Праект расказвае, як важна надаваць увагу экалагічнасці ў кожнай сферы жыцця.

Давайце разам клапаціцца пра будучыню нашай планеты!
19 0 1 5
Зялёны свет | Медыя пра экалогію ў Беларусі і свеце

22 Apr, 14:08

Open in Telegram Share Report
🐜 А вы чулі пра тое, што казуркі могуць мець свядомасць?

На мінулым тыдні група навукоўцаў - біёлагаў і філосафаў - з розных краін падпісала Нью-Йоркскую дэкларацыю аб свядомасці жывёл.

Згодна з ёй, існуе "пераканаўчая навуковая падтрымка" таго, што ня толькі птушкі і сысуны валодаюць свядомым досведам, а і існуе "рэальная магчымасць" свядомасці ва ўсіх пазваночных, уключаючы рэптылій, амфібій і рыб.

Не адмаўляюць навукоўцы ў існаванні свядомасці і казуркам, ракападобным, крабам, амарам ды іншым.

“Калі існуе рэальная магчымасць усвядомленага досведу ў жывёлы, безадказна ігнараваць гэтую магчымасць пры прыняцці рашэнняў, якія закранаюць гэтую жывёлу”, – падкрэсліваюць навукоўцы.
25 0 2 6
Зялёны свет | Медыя пра экалогію ў Беларусі і свеце

22 Apr, 12:05

Open in Telegram Share Report
☢️ Пачаўся Чарнобыльскі тыдзень. Куды яшчэ можна паспець завітаць?

Кожны год 19-26 красавіка Экадом праводзіць Чарнобыльскі тыдзень, мэта якога — расказаць пра наступствы аварыі на ЧАЭС, якія нікуды не падзеліся, і прапанаваць альтэрнатыву ядзернаму шляху. У гэтыя дні Экадом традыцыйна ініцыіруе адукацыйныя, культурніцкія і палітычныя мерапрыемствы, інфакампанію разам з партнёрамі і СМІ.

На гэтым тыдні грамадская арганізацыя “Экадом” (у Беларусі прызнаная экстрэмісцкай) разам з партнёрамі правядзе некалькі бясплатных мерапрыемстваў у чатырох гарадах Еўропы.

🇵🇱 Варшава

24 красавіка, 19:00 — Кінапрагляд фільма «Чарнобыльскія бабулі» (падрабязнасці пра месца прагляду прыйдуць на пошту пасля рэгістрацыі)

🇵🇱 Познань

23 красавіка, 20:00 — Кінапрагляд выбраных момантаў серыяла “Чарнобыль” з каментаваннем ад Андрэя Ажароўскага — фізіка-ядзершчыка, эксперта праграмы «Бяспека радыяактыўных адкідаў», які шмат год выказваецца не толькі пра наступствы Чарнобыля, але і пра працу БелАЭС.

Уваход вольны. Адрас сустрэчы: @pakoj_202 (DKS, Pakoj 202, Poznań, Feliksa Nowowiejskiego 46, трэці паверх)

🇱🇹 Вільнюс

24 красавіка, 19:00 — Кінапрагляд фільма «Чарнобыльскія бабулі» (падрабязнасці пра месца прагляду прыйдуць на пошту пасля рэгістрацыі)


🇩🇪 Берлін

23 красавіка, 19:00 — Кінапрагляд фільма «Чарнобыльскія бабулі» (падрабязнасці пра месца прагляду прыйдуць на пошту пасля рэгістрацыі)

#чарнобыльскітыдзень #чернобыльскаянеделя

Падпішыся на Экадом, калі ты ў бяспецы!
25 0 0 1
Зялёны свет | Медыя пра экалогію ў Беларусі і свеце

22 Apr, 09:14

Open in Telegram Share Report
🗓 Бадзёрага вам ранку панядзелка. А мы пачынаем яго з традыцыйнага дайджэсту навінаў.

🌳 Зялёная сетка разам з вядомым блогерам і музыкам Андрэем Павуком пасадзілі некалькі соцен дрэваў у літоўскім лесе. Такім чынам экаактывісты вырашылі ўзгадаць беларускіх “зялёных” палітвязняў і нагадаць свету пра тэрор у адносінах да грамадскіх актывістаў у Беларусі.

🌼 Актывісты “Экадому” правялі ў Вільнюсе майстар-клас па партызанскаму садаводству. На ім усе задаючыя пазнаёміліся з тым, як сваімі рукамі стварыць “зялёныя бомбы” і даведаліся, дзеля чаго і дзе іх выкарыстоўваюць.

🔆 Самую вялікую прыватную сонечную электрастанцыю ў Беларусі ня проста адабралі ў брытанскага бізнэсмена, але і прадалі не абы каму, а сябру Лукашэнкаў – Дзмітрыю Баскаву.

🐹 Ну і, нарэшце, традыцыйна раім вам пачытаць наш аўтарскі тэкст суцэльнай мілаты, ад якога вы (гарантуем) не меней за пяць разоў усміхнецеся. Калі меней, вы вернем вам грошы )))

Карацей, тут➡️ наш тэкст пра сведкаў ледніковага перыяду… хамякоў.
28 0 0 2
Зялёны свет | Медыя пра экалогію ў Беларусі і свеце

19 Apr, 15:26

Open in Telegram Share Report
Video is unavailable for watching
Show in Telegram
🐹 Хамяк: герой з мінулага, які знікае ў сучаснасці

Хамяк звычайны, ці еўрапейскі, - гэта не проста мілы пушысцік з зоамагазіна. Гэта ўнікальны від, захавальнік гісторыі з ледніковага перыяду, які знікае на вачах.

Чаму важна яго захаваць?
📌яго знікненне нанясе вялізную шкоду біяразнастайнасці.
📌 у Еўропе за 40 гадоў папуляцыя еўрапейскіх хамякоў скарацілася на 75%.
📌 яго прысутнасць/адсутнасць гаворыць аб здароўі экасістэмы.

У Беларусі за апошнія дзесяцігоддзі колькасць хамякоў рэзка ўпала. Ён афіцыйна прызнаны ўразлівым відам і ўнесены ў Чырвоную кнігу.

Чаму ён знікае?
📌 з-за разбурэння асяроддзя: сельская гаспадарка, узворванне палёў, забудова.
📌 з-за выкарыстання ядахімікатаў: атручваюць хамякоў і іх ежу.
📌 бо змяняецца клімат: непрадказальныя зімы, скарачэнне ўраджаяў.
📌 з-за светлавога забруджвання, бо яно замінае размнажацца.
📌 з-за драпежнікаў: сабакі, коткі, лісы.

Што мы можам зрабіць?
▶️ Падтрымліваць праекты па захаванні
▶️Не выкарыстоўваць ядахімікаты
▶️ Захоўваць натуральныя месцапражыванні.

Хамяк - гэта не проста цацка. Гэта частка нашага свету, якую мы абавязаны захаваць. Падрабязней пра стан хамякоў у Беларусі і рэгіёне распавядаем тут
39 0 0 6
Зялёны свет | Медыя пра экалогію ў Беларусі і свеце

19 Apr, 12:04

Open in Telegram Share Report
💦 Тым часам, падрыхтоўка да летняга сезона ідзе поўным ходам.

У суседняй Літве, куды таксама абяцаюць наляцець снягі і маразы, плануюць у найбліжэйшыя дні запусціць пітныя фантанчыкі.

У летнія дні яны ўжо паказалі сябе з самага лепшага боку.

Па падліках спецыялістаў, толькі летась жыхары Вільнюса і яго госці выпілі ў вулічных пітных фантанчыках больш за 3,8 млн шклянак вады.
43 0 0
Зялёны свет | Медыя пра экалогію ў Беларусі і свеце

19 Apr, 11:17

Open in Telegram Share Report
⚠️ "Ні ў якім разе не набліжацца да жывёлы, не кантактаваць з ім, не пакідаць без нагляду дзяцей на гульнявых пляцоўках, забяспечыць іх кантроль пры перамяшчэнні па вуліцах горада", – просяць гарадскія ўлады.

У выпадку выяўлення дзікай жывёлы гараджан раюць неадкладна паведаміць у міліцыю па нумары 102
41 0 0
Зялёны свет | Медыя пра экалогію ў Беларусі і свеце

19 Apr, 10:27

Open in Telegram Share Report
А якое надвор'е зараз у вас?
Poll
  •   Сонейка свеціць
  •   Дождж лупіць
  •   Снег ідзе
  •   Проста хмура і безнадзейна
  •   Хачу паглядзець адказы
8 votes
40 0 0 1
Зялёны свет | Медыя пра экалогію ў Беларусі і свеце

19 Apr, 10:15

Open in Telegram Share Report
Video is unavailable for watching
Show in Telegram
❄️ Пачынаем дзень з навінаў надвор’я.

Проста зараз на ўсходзе Беларусі вось так.
35 0 0 2
Зялёны свет | Медыя пра экалогію ў Беларусі і свеце

18 Apr, 14:47

Open in Telegram Share Report
🗑 Вось ➡️ спасылачка на размову пра сартаванне смецця і пра тое, як можна паменьшыць яго колькасць на Зямлі.
41 0 1 2
Зялёны свет | Медыя пра экалогію ў Беларусі і свеце

18 Apr, 14:44

Open in Telegram Share Report
♻️ Гэтыя карткі-інструкцыі можна захаваць сябе. А яшчэ можна даслаць сябрам і знаёмым, якія жывуць у Польшчы і хочуць весці экапрыязны лад жыцця.

Калі ласка, карыстайцеся! І памятайце, што нават невялічкія крокі могуць зрабіць нашае жыццё больш чыстым і экалагічным.
31 0 1 10
Зялёны свет | Медыя пра экалогію ў Беларусі і свеце

17 Apr, 18:45

Open in Telegram Share Report
🗑А ведаеце, што тое, што мы прызвычаіліся называць «раздзельным зборам смецця», у Польшчы называюць «сегрэгацыяй» (ад лац. segregatio – аддзяленне, адасабленне, падзел).

♻️ Сегрэгацыя смецця прыйшла ў Польшчу адносна нядаўна, у 2016 годзе, але мясцовыя жыхары гутка прызвычаіліся раздзяляць смецце па розных каляровых кантэйнерах.

Калі вы зараз жывяце ў Польшчы, то раім уважліва пачытаць наш новы гайд. Бо варта ня толькі адрозніваць колеры, але і ведаць пра нюансы польскай сартыроўкі.

⚠️ Але звярніце ўвагу: у кожнай гміне правілы могуць адрознівацца адзін ад аднаго. Напрыклад, у некаторых гмінах ёсць асобныя кантэйнеры для сартавання шкла: для каляровага і некаляровага.

Таму прыглядайцеся да піктаграмаў!
37 0 0 2
Зялёны свет | Медыя пра экалогію ў Беларусі і свеце

16 Apr, 13:19

Open in Telegram Share Report
☢️ Праз 38 гадоў пасля Чарнобыльскай катастрофы дзікая прырода Чарнобыльскай зоны не толькі не знікла, але і квітнее.

Навукоўцы, якія вывучаюць уплыў радыяцыі на жывёл, зрабілі выснову: ваўкі, кабаны, лісіцы і іншыя насельнікі Чарнобыльскай зоны не набылі звышздольнасцяў, але выпрацавалі дзіўную ўстойлівасць да радыяцыі.

Насуперак чуткам, мутантаў у Чарнобылі не знайшлі. Але жывёлы, якія жывуць у зоне з падвышаным радыяцыйным фонам, атрымліваюць дозы радыяцыі, якія для людзей смяротныя.

Геном жывёл зоны не зведаў радыкальных змен. Затое ў іх выпрацаваліся ахоўныя механізмы, якія дапамагаюць ім выжываць ва ўмовах радыяцыі.

🐺 Ваўкі - чэмпіёны па выжыванні: даследаванні паказалі, што ваўкі з Чарнобыльскай зоны маюць змененую імунную сістэму, падобную з імуннай сістэмай людзей, якія праходзяць прамянёвую тэрапію.

⚠️Але не ўсё так радасна: радыяцыя ўсё ж негатыўна ўплывае на здароўе жывёл. У іх назіраецца падвышаны ўзровень акісляльнага стрэсу, што можа прывесці да памяншэння мозгу і іншым праблемам.

Знікненне чалавека з зоны адчужэння стала дабром для дзікай прыроды. Колькасць многіх відаў жывёл, у тым ліку чырвонакніжных, у Чарнобыльскай зоне вырасла.

🌱Даведацца болей аб тым, як жывёлы адаптуюцца да экстрэмальных умоў Чарнобыльскай зоны, зразумець, што радыяцыя не стала прысудам для наваколля і яшчэ раз задумацца аб тым, як чалавек уплывае на прыроду можна з тэкста на Зялёным партале вось па гэтай ➡️ спасылцы
44 0 1 3
Зялёны свет | Медыя пра экалогію ў Беларусі і свеце

15 Apr, 19:32

Open in Telegram Share Report
🎬 Увага! Бясплатныя кінапаказы фільма «Чарнобыльскія бабулі» — 23 і 24 красавіка ў Вільнюсе, Варшаве і Берліне

Дакументальная стужка 2015 года расказвае неверагодную і кранальную гісторыю прыкладна ста жанчын, якія жывуць у радыёактыўнай чарнобыльскай зоне адчужэння і нягледзячы ні на што не хочуць з’язджаць з небяспечнай, але сваёй зямлі.
49 0 1 3
Зялёны свет | Медыя пра экалогію ў Беларусі і свеце

15 Apr, 14:59

Open in Telegram Share Report
Video is unavailable for watching
Show in Telegram
🗓 І зноўку пачынаем тыдзень з традыцыйнага дайджэста навінаў, на якія варта было звярнуць увагу на мінулым тыдні.

⚛️ Усе рэактары захопленай расіянамі Запарожскай АЭС пераведзеныя ў рэжым “халодны астаноў”. Гэта такі рэжым, які дазваляе падтрымліваць у рэактарах “жыццё”, але не выкарыстоўваць для гэтага шмат энергіі і вады.

🛴 Шэрінгавыя самакаты ў Мінску будуць сачыць за сваімі карыстальнікамі, каб яны каталіся на самакатах выключна ў адзіноце. Штучны інтэлект будзе блакаваць паездкі, калі на адным самакаце будуць ехаць дзве і болей асобы.

🐺 У Чарнобыльскай зоне з’явіўся новы від жывёлаў. І гэта – шакалы. Адкуль – вучоныя пакуль ня ведаюць.

🚀 Ну і традыцыйна раім вам пачытаць наш аўтарскі тэкст пра касмічнае смецце. Дарэчы, а ці ведаеце вы, што вакол Зямлі выяўлена каля 130 млн аб'ектаў касмічнага смецця? А людзі паспелі насмеціць нават на Марсе. Там ужо засталося 7 тон адходаў, хаця на ім яшчэ не было ніводнага чалавека! Цікава? Тады вось ➡️ спасылка на тэкст на Зялёным партале
47 0 2 3
Зялёны свет | Медыя пра экалогію ў Беларусі і свеце

12 Apr, 14:35

Open in Telegram Share Report
👽 Дарэчы, а ці ведаеце вы, што вакол Зямлі выяўлена каля 130 млн аб'ектаў касмічнага смецця.

👽 Людзі паспелі насмеціць нават на Марсе. Там ужо засталося 7 тон адходаў, хаця на ім яшчэ не было ніводнага чалавека.

👽 На Зямлі ўжо існуе спецыяльная міжнародная камісія па прадухіленні міжпланетнага забруджвання.
60 0 0 2
Зялёны свет | Медыя пра экалогію ў Беларусі і свеце

12 Apr, 14:12

Open in Telegram Share Report
🚀 Сёння, 12 красавіка, у нашай частцы свету прынята адзначаць Дзень касманаўтыкі.

Гісторыю гэтага свята ўсе мы ведаем з дзяцінства, але вось аб тым, што зараз адбываецца ў космасе, задумваемся вельмі рэдка.

👽 Між тым, навукоўцы з універсітэта Брытанскай Калумбіі ў Канадзе ў сваім дакладзе яшчэ два гады таму расказалі, што ў наступныя 10 гадоў рызыка гібелі аднаго або некалькіх чалавек з-за падзення частак касмічных апаратаў ва ўсім свеце вырасце да 10%.

🗑 Даследнікі вывучылі бягучую колькасць пускаў ракет і спрагназавалі рост паказчыка на працягу наступнага дзесяцігоддзя. Таксама яны прааналізавалі, куды менавіта падае касмічнае смецце.

Статыстыка паказала, што ў папярэднія гады большая частка фрагментаў запушчаных апаратаў прызямлілася ў акіян. Аднак развіццё касмічнай галіны прывядзе да таго, што часткі ракет пачнуць абвальвацца і ў населеных пунктах.

Дарэчы, адзін такі "кавалак смецця" зусім нядаўна прыляцеў на дах прыватнага дома ў Фларыдзе (ЗША).

🌏 Вось так паступова мы забрудзілі не толькі Зямлю, але і калязямную прастору.
56 0 0 3
Зялёны свет | Медыя пра экалогію ў Беларусі і свеце

11 Apr, 19:46

Open in Telegram Share Report
Video is unavailable for watching
Show in Telegram
😨 Сумныя навіны з беларускай Сусляндыі. Там практычна знішчана адна з дзвюх астатніх у краіне калоній крапчатых байбакоў.

Першым трывогу забіў мясцовы арнітолаг і абаронца прыроды Сяргей Шакала, які даўно назірае за становішчам байбакоў у Нясвіжскім раёне.

"Мала таго знішчаюць свядома - калі раней байбака знішчалі і абгрунтоўвалі тым, што ён галоўны пажыральнік пасеваў, то цяпер ён з'ядае так шмат травы што яе не хапае каровам. І гэта зусім не смешна, - напісаў Сяргей у сваім Фэйсбук. - Сёння перад маім поглядам паўстала поўнае знішчэнне другой па колькасці ў Беларусі калоніі байбакоў у наваколлях вёскі Сейлавічы.І няма тут ніякіх апраўданняў старшыні ААТ «Сейлавічы» Касперу Аляксандру Сяргеевічу, які выдатна быў дасведчаны аб прысутнасці на яго землях ахоўнай тэрыторыі".

😱 На думку Сяргея, старшыня Каспер "наўмысна даў указанне пераараць поле, на якім жылі суслікі". А пасля яшчэ і апрацаваць яго пестыцыдамі і гербіцыдамі.

"Матывацыя простая-няма сусліка, няма праблем. Зямлі ж зусім не хапае для вырошчвання травы для гаспадаркі. У маёй галаве проста не ўкладваецца - чаму і навошта. Бо калі гаспадарцы так важны быў гэты кавалак зямлі - паведамілі б - сусліка можна было адлавіць і перасяліць у побач змешчаную калонію. Але ж не- знішчылі".

Сяргей Шакала ўжо звярнуўся ў інспекцыю па ахове прыроды. Але суслікам патрэбны і нашыя з вамі галасы.

⚠️ Экалагічная служба "Зялёны тэлефон" падрыхтавала ўзор скаргі на наўмыснае знішчэнне суслікаў, якія знаходзяцца пад аховай.

Яе можа накіраваць у інспекцыю любы грамадзянін краіны, як той, хто жыве ўнутры, так і за мяжой.

А мы нагадваем, што гэта не першая знішчаная калонія, з васьмі раней знойдзеных у краіне буйных калоній крапчатага байбака да нядаўняга часу заставаліся жывымі толькі дзве.

😱 За знішчэнне байбакоў, якія маюць прыродаахоўны статус у Беларусі, так ніхто і не пакараны.
62 0 1 9
Зялёны свет | Медыя пра экалогію ў Беларусі і свеце

11 Apr, 11:12

Open in Telegram Share Report
📸 🐦 Да ўвагі фанатаў птушак! Вясновы чэмпіянат па фотабёрдыгу ў Беларусі пройдзе ў наступную суботу 27 красавіка.

Галоўная ўмова конкурсу – за шэсць гадзін сфатаграфаваць як мага больш відаў птушак у натуральных умовах.

Кошт удзелу для аднаго чалавека – 20 рублёў. Для ўладальнікаў абанемента “Дзікі клуб” і дзяцей да 18 год – бясплатна.

🐥 Увесь прыбытак ад чэмпіянату арганізатары "Дзікая прырода побач" абяцае накіраваць на прыродаахоўныя мэты.

Рэгістрацыя на чэмпіянат ужо адкрыта!
58 0 0 3
20 last posts shown.