Студыя Гаварун

✨ Як мы выбіраем мульты на агучку?

📌 Выбар мульта — асобная карпатлівая праца, якая звычайна застаецца за кадрам.

Мы рэдка звяртаем увагу на звышпапулярныя мультфільмы. Не таму, што не шануем жаданні маленькіх гледачоў. А таму, што наш 8-гадовы досвед паказаў: такія мультфільмы ў 95% выпадкаў забароненыя праваўладальнікам для агучвання.

У нас няма магчымасці афіцыйна купіць правы на лічбавую анлайн-публікацыю, бо гэта ў разы перавышае наш бюджэт на пераклад і агучванне. Таму на ютубе мы публікуем толькі тыя матэрыялы, якія дазваляе праваўладальнік. Але і такі дазвол могуць змяніць ў любы момант. Як адбылося з заблакаваным «Мікі Маўсам».

Таму, часцей за ўсё, мы працуем з менш папулярнымі мультсерыяламі. Але, як бы дзіўна гэта ні гучала, яны раскрываюцца і аказваюцца вельмі крутымі. Нават круцейшымі за сіні трактар, прыкіньце?!

Некаторыя выбраныя мультфільмы гадамі чакаюць, калі з'явіцца магчымасць над імі папрацаваць. Свежы прыклад — «Эрнэст і Селестына». Мы 3 гады адсочвалі, калі на ютубе з'явіўся дазвол на яго публікацыю.


Нашы крокі па выбары мультфільма:

1️⃣ Тыдні і тыдні Адам Трыпутнік праводзіць за пошукам матэрыялу, правяраючы процьму розных мультсерыялаў і поўнаметражак! Ён пералапаціў сотню ютуб-каналаў з розных краін і на розных мовах. І менавіта так мы знайшлі «Клыпу», «Узгорак», «Хамфа» і дзясяткі мультоў, якія цяпер у тэчцы «Мульты ў працу».

2️⃣ Асобная гісторыя — знайсці відэа і аўдыя ў максімальнай якасці. Часам даводзіцца падключаць іншых людзей з розных краін.

3️⃣ Усе мульты мы абавязкова правяраем на рэйтынг, сюжэт, ідэю. Глядзім, што яны нясуць і чаму вучаць маленькіх гледачоў.

👌🏻У канцы такога фільтра і аказваецца выбраны мультфільм :)

Сітуацыя на сёння: гледачоў трэба зацікавіць папулярным і якасным матэрыялам (а большасць з такіх заблакаваны ў ютубе) і адначасова выбраць перліну сярод даступнага, бо рэсурсаў хапае агучыць 1 з 10.

⛔️ Карацей, выбар мульта для агучвання — гэта складаная праца, сябры!
А каб глядзець заблакаваныя мульты — афармляйце падпіску на нашым сайце і далучайцеся да закрытага ТГ-канала “Гаварун Прэміум”.

«У арыгінале не так!!!🤬»

Такія каменты можна пачуць ад гледачоў, якіх раздражняе, што пераклад фільма ці мультфільма моцна адрозніваецца ад арыгінальнай аўдыядарожкі.

Што гледачам перадаюць толькі агульны сэнс, а пра дэталі забываюць!

Але ніхто нават і не задумваецца, што:
1️⃣ Працягласць слоў у мовах розная.
2️⃣ Ёсць такія паняцці, як таймінг і вуснаўкладка. Яны значаць, што працягласць рэплік героя павінна супадаць з рэплікамі акцёра дубляжу. Вы ж не хочаце, каб персанаж ужо закрыў рот, а акцёр дубляжу яшчэ балбытаў, так? Але нават пасля ўсіх намаганняў часам адбываецца і такое.

Давайце разбяром гэтае пытанне на фільме «Санта», які мы агучылі ў снежні.

❗️Чаго толькі вартая фраза «Big bees»! У фільме яна перакладзена як: «велізарныя пчолы» і скараціць яе проста немагчыма. Нават калі б гэта былі «вялікія пчолы», усё адно беларускі варыянт гучыць даўжэй, чым англійскі.

Перакладаць кнігу і фільм — гэта розныя рэчы. У кнізе перакладчык можа не стрымліваць сябе, але для фільма рэплікі прыйдзецца рэзаць і рэзаць, сціскаючы іх да самай сутнасці. І гэта, безумоўна, вельмі балюча для перакладчыкаў. Гэта, як быццам, губляць глыбіню і мастацкасць.

Больш прыкладаў «было — стала» глядзіце ў каруселі👇🏻.

Дарэчы, калі хочаце паглядзець таго ж «Санту», «Вэрхал у галаве 2» або «Мікі Маўса» ў нашай агучцы, далучайцеся да закрытага Тэлеграм-канала «Гаварун Прэміум».

Для гэтага перайдзіце на сайт gavarun.by, выберыце раздзел «Падпіска» і аформіце яе на зручную суму. У асабістым кабінеце ў раздзеле «Маё кіно» будзе сакрэтная спасылка ;)