🥦 Збор данатаў на TikTok-канал «Мікразеляніна» ужо пачаўся!

Згадзіся, яшчэ некалькі год таму кантэнту па-беларуску ў TikTok было кот наплакаў. Сёння па некаторых тэмах у аўдыторыі нават ёсць выбар, на каго падпісацца.

Экалагічная ніша дачакалася сваіх герояў і гераінь: нашыя сябры і сяброўкі з бясплатнай інфалініі па вырашэнні экапраблем Зялёны тэлефон зрабілі тыкток-акаўнт «Мікразеляніна». Ён набраў больш за 5000 чалавек аўдыторыі, і ўсе іх відосы зробленыя на беларускай мове ❤️

Мы вырашылі, што варта падтрымаць іх збор данатаў на платформе Gronka, бо даўно не бачылі гэткага душэўнага і забаўляльнага фармата на экалагічную тэму — і не гатовыя яго згубіць.

Рабяты плануюць узнагароджваць за данат у тую ці іншую суму грошай. Даведайся пра падрабязнасці і падтрымай збор па спасылцы!