Ідзе зімовай сцежкай Новы год,
Усмешкамі адорвае прахожых.
Будуе падарункавы сумёт
Са слоў вясёлых, добрых і харошых.

З жаданняў ён будуе моцны мост
І думкі надзяляе нейкай сілай,
Каб зноў падняць і за здароўе тост
Ды госцем стаць любімым, самым мілым.

Не! Не ідзе.Бяжыць ужо да нас!
Нясе цяпло, настрой цудоўны ў хаты
І набліжае светлай мары час,
І дорыць цуд усім зімовым святам.

#ДоўскаяСШ
#Роднае_слова