Божа мой, калі яны насмокчуцца нашай крыві?.. Тата Нябёсны, у імя ахвяры Сына Твайго, выратуй Сьцяпана і аднаві яго! Але няхай не застануцца без пакараньня ліхадзеі, якія зараз катуюць яго і ўсю Беларусь. Ісус Хрыстос, Ты Сам быў вязьнем, Ты Сам быў нявінна пакараны, Ты Сам зьведаў катаваньні, дык наведай сёньня ў камеры кожнага палітвязьня - суцеш іх любоўю Сваёй і ахіні Сваім мірам! І напоўні надзеяй на выратаваньне Тваё кожнае сэрца, якое прагне справядлівасьці і праўды. І няхай сыдзе Дух Твой і адновіць аблічча гэтай зямлі.