Дзікая прырода побач

Чаму ў Еўропе загінулі тысячы ластавак?

На мінулым тыдні партнёрам BirdLife у Аўстрыі і Германіі паступіла шмат паведамленняў аб гібелі ластавак. Тысячы ластавак, у асноўным гарадскіх, шукалі месцы, каб схавацца ад дажджу і адпачыць. Галодныя, знясіленыя птушкі чародамі садзіліся на падаконнікі, балконы будынкаў, хаваліся пад дахамі. Мёртвымі птушкамі была ўслана зямля.

Прыродаахоўныя арганізацыі, прытулкі і валанцёры правялі вялікую працу, каб выратаваць частку ластавак, аднак шмат птушак не выжыла.

🌧️ Усё праз тое, што на мінулым тыдні ў Чэхіі, Славакіі, Венгрыі, Румыніі, Паўднёвых Германіі з Польшчай прайшлі працяглыя дажджы, якія прывялі нават да паводак. Па паведамленні нашай падпісчыцы з Чэхіі, арнітолага Святланы Вранавай, у горадзе Пардубіцы вялы дожджык пачаўся вечарам у сераду і ішоў без перапынку 66 гадзін да суботы, потым ішоў з невялікімі перапынкамі, а ў нядзелю 12 гадзін пайшоў моцны дождж. На поўначы краіны на 80% быў затоплены горад Крноў, больш за 10 тыс. чалавек былі эвакуіраваны.

🐦 Ластаўкі – пералётныя птушкі, якія ляцяць на зімоўку ў Афрыку. Яны ядуць выключна насякомых. У іх практычна няма тлушчавых запасаў, так як па дарозе яны амаль заўсёды могуць падхарчавацца. Такая стратэгія. Але праз незвычайна доўгія бесперапынныя дажджы птушкі нават страцілі магчымасць лятаць, так як не маглі знайсці насякомых.

Экстрэмальныя пагодныя ўмовы магчыма паўплывалі на многія віды насякомаедных птушак. Але людзі ўбачылі праблему толькі ў птушак, якія мігруюць чародамі і больш заўважныя.

За апошнія 20 гадоў папуляцыя гарадской ластаўкі ў Аўстрыі скарацілася ўдвая. Скарачаецца і колькасць вясковай ластаўкі. А як паўплывала цяперашняя катастрофа на папуляцыі ластавак, стане вядома на наступны год.

🌊🏚️У рэгіёне не абышлося без маштабных разбурэнняў і чалавечых ахвяр. Рэкі выйшлі з берагоў, вада пазатапляла склепы і першыя паверхі ў гарадах і вёсках, разбурыла дарогі і электрычныя лініі.

Вядома, паводкі былі і раней, але пацяпленне клімату прыводзіць да пачашчэння экстрэмальных пагодных з’яў. А што могуць зрабіць грамадзяне?

Вось некаторыя простыя крокі, якія можа зрабіць кожны з нас у абарону клімату:

🔹Адмовіцца ад аўтамабіля там, дзе гэта магчыма - хадзіць пешшу, ездзіць на веласіпедзе, грамадскім транспарце.
🔹Замест самалёту выбіраць цягнік.
🔹Скараціць колькасць харчовых адходаў.
🔹Есці менш мяса.
🔹Купляць толькі неабходныя рэчы і адзенне.
🔹Не выкідваць, а рамантаваць сапсаваныя ці зламаныя рэчы.
🔹Сартаваць смецце.

Фота ластавак з сайта BirdLife Österreich; відэа з паводкай у Пуркерсдорфе (Аўстрыя) карыстальніка first world news, TikTok.

#зменыклімату

Збіраем заказы на мерч з белым буслом у падтрымку дзікай прыроды! Паспявай заказаць да канца тыдня.

🤩 Крутыя абноўкі для сябе ці ў падарунак, якія будуць радаваць вельмі доўга. Бо якасць і тканіны, і пашыву, і самога прынту - проста топ!

Мы ўжо надрукавалі першую партыю – глядзі, як класна атрымалася! Так класна, што мы вырашылі працягнуць збор заказаў яшчэ на тыдзень – такую прыгажосць трэба ў масы!

Выбірай патрэбную табе рэч з прыгожым бусліным прынтом. Твая пакупка – гэта ўклад у захаванне дзікай прыроды. Увесь прыбытак ідзе менавіта на гэта.

👕 Глядзі, што ў нас ёсць: белыя футболкі (дзіцячыя і дарослыя) са 100% бавоўны (хлопка), не прасвечваюць. Худзі і світшоты ў колеры шэры меланж, таксама з бавоўны, але з дадаткам паліэстэру, каб насіліся доўга.

🛍️ А яшчэ цалкам баваўняныя шоперы – лёгкі і шчыльны. Лёгкі шопер вытрымае 5 кг нагрузкі, а шчыльны – 10 кг.

На выбар ёсць тры варыянты прынтоў з буслікамі. Яны выглядаюць так, быццам былі на тканіне першапачаткова, без эфекту налепкі.
Цэны на мерч з буслом:

Футболка унісекс S-XXL – 75 рублёў.
Футболка унісекс 3XL-5XL – 85 рублёў.
Дзіцячая футболка (5XS-S) – 68 рублёў.
Світшот (S-XXL) – 145 рублёў.
Худзі (S-XXL) – 179 рублёў.
Шопер тонкі – 55 рублёў.
Шопер шчыльны – 65 рублёў.

Удзельнікам “Дзікага клуба” зніжкі.

Паглядзець табліцу памераў, выбраць прынт і заказаць мерч можна ў нас на сайце.

✔️ Заказы і аплаты прымаем да 22-га верасня ўключна, а 23-га аддаём у друк. Вырабы будуць гатовыя прыблізна ў канцы наступнага тыдня, і мы адразу разашлем іх заказчыкам.

Увесь прыбытак ад продажу ідзе на ахову дзікай прыроды Беларусі. Дзякуем усім за падтрымку! ❤️

Не толькі крумкачовыя птушкі любяць паласавацца грэцкімі арэхамі 🐦

Але і крумкачовыя не драмалі 😅

Бачыш, як крумкачовыя птушкі праводзяцца з грэцкімі арэхамі? Здымі фота ці відэа і дасылай сваё назіранне ў Тэлеграм-чат, прысвечаны птушцы года @ptushkahoda