Type to search
Advanced channel search

Telegram Analytics

Subscribe to stay informed about TGStat news.
img
#sponsored

TGStat Bot

Bot to get channel statistics without leaving Telegram
img
#sponsored

TGAlertsBot

Monitoring of keywords in channels and chats
img
#sponsored

SearcheeBot

Your guide in the world of telegram channels
img
#sponsored
Statistics

Дзікая прырода побач

@wildlifebelarus
Channel's geo and language: Belarus, Belarusian
Category: Nature

З любоўю да дзікай прыроды Беларусі. 💚
🐦 Назіранне за птушкамі
🦊 Цікавосткі пра дзікую прыроду
🌱 Прыродаахоўныя навіны
🙌🏻 Карысныя парады
Чытай, натхняйся, адкрывай новае разам з намі!

Channel's geo and language
Belarus, Belarusian
Category
Nature
Statistics
Is this your channel? Confirm Channel history
Posts filter

Дзікая прырода побач

31 Jan, 19:00

Open in Telegram Share Report
3 лютага 2023 года ў Беларусі выйдзе новая марка ў серыі “Птушкі Беларусі”! 😍

На ёй - звычайная туркаўка (обыкновенная горлица).

🕊 Гэта самы невялікі з нашых галубоў, прыкладна ў паўтара разы меншы за шызага голуба. Насяляе розныя тыпы лясоў.

За апошнія 30 гадоў колькасць туркаўкі ў Еўропе ўпала амаль на 80%. Цяпер від уключаны ў Міжнародны Чырвоны спіс як глабальна пагражальны са статусам уразлівага. Асноўнай прычынай скарачэння колькасці лічыцца паляванне ў час міграцыі ў краінах Міжземнамор’я.

📍 У дзень выпуску маркі на галоўным паштамце Мінска будзе праводзіцца спецыяльнае гашэнне на канверце "Першы дзень". Да выпуску падрыхтавана і картка для картмаксімуму. Прыходзь набыць марку ў калекцыю ці адправіць з ёй ліст сябрам.

💌 Маркі выпусціла Міністэрства сувязі і інфарматызацыі. Над імі працавалі мастак і арнітолаг Аляксандр Міцянін і дызайнерка Марына Віткоўская.
678 1 12 2 85
Дзікая прырода побач

30 Jan, 19:12

Open in Telegram Share Report
⚡ Змены клімату прыводзяць да розных экстрэмальных пагодных з'яў: гэта могуць быць залевы, штормы, хвалі спякоты, а могуць быць надзвычайныя маразы. Такія перапады надвор’я вельмі цяжка адбіваюцца на чалавеку і на дзікай прыродзе: часам масава гінуць птушкі і дзікія звяры.

Вось нядаўні прыклад. З 19 студзеня ў Іркуцку (Расія) ударылі анамальныя маразы, якіх тут не было з 2001 года. Фіксавалася тэмпература -49 °C! 🥶

🐦 Для птушак такія ўмовы – вельмі сур’ёзнае выпрабаванне. Цяжка не толькі знайсці корм, але і засвоіць яго. Каб толькі пачаць працэс стрававання, наземнай птушцы трэба “разагрэць” унутры сябе ежу ад -40 да +40 °C! Тэмпература вады заўсёды вышэй за 0 – калі адкрытая вада, вядома, недзе засталася.

На працэс харчавання затрачваецца шмат энергіі, якую цяжка папаўняць. Таму часта птушкі замярзаюць. 😔

Працяг 👇
833 0 2 105
Дзікая прырода побач

30 Jan, 19:12

Open in Telegram Share Report
Замёрзлых птушак – амялушку (свиристель) і звычайнага гогаля – знайшлі ў гэтыя марозныя дні ў Іркуцку.

Яшчэ двум знясіленым ад нізкай тэмпературы гогалям, знойдзеным у лесе, пашанцавала болей. Іх знайшлі і адагрэлі людзі.

☝️ Гэтыя сітуацыі – толькі адзін з прыкладаў, да чаго могуць прывесці экстрэмальныя з'явы. І чым далей, тым часцей яны будуць адбывацца ва ўсім свеце. Таму вельмі важна запаволіць змены клімату.

📷 Фота: Алёна Гонт.

Крыніца: irk.ru.

#зменыклімату
820 0 1 56
Дзікая прырода побач

27 Jan, 21:11

Open in Telegram Share Report
Мінулы жнівень стаў адным з самых цёплых за ўсю гісторыю метэаназіранняў і чацвёртым самым засушлівым з 1945 года. Ападкі склалі 37% кліматычнай нормы.

🍁 Восень увайшла ў 20 самых вільготных сезонаў з 1945 года.

Верасень стаў самым халодным за апошнія 20 гадоў. А кастрычнік – наадварот, чацвёртым самым цёплым за ўсю гісторыю метэаназіранняў.

🚩 2022 адзначыўся пагоднымі катаклізмамі ва ўсім свеце:

⚡️ У верасні над ледзяным шчытом Грэнландыі ўпершыню ішоў дождж, а не снег.

⚡️ Траціну Пакістана затапіла, што прывяло да вялізных эканамічных страт і чалавечых ахвяр.

⚡️ Рэкордныя цеплавыя хвалі назіраліся ў Кітаі, Еўропе, Паўночнай і Паўднёвай Амерыцы.

⚡️ Працяглая засуха на паўвостраве Самалі пагражае гуманітарнай катастрофай.

❗ Экстрэмальныя перапады надвор'я будуць усё больш частымі. Каб прыстасавацца да гэтай новай рэальнасці, трэба запаволіць змены клімату. Чытай пра гэта больш па хэштэгу #зменыклімату.

Крыніца: belgidromet.by.

📷 Фота: белалобая гусь, аўтар - Віталь Некрашэвіч.
1.2k 1 6 72
Дзікая прырода побач

27 Jan, 21:10

Open in Telegram Share Report
☝️ Чым больш змяняецца клімат, тым больш экстрэмальных пагодных з’яў. Вось чым быў адметны 2022 год для Беларусі.

❄️ Мінулая зіма стала адной з самых цёплых за ўсю гісторыю метэаназіранняў (заняла 11-е месца). Студзень 2022 увайшоў у дваццатку самых цёплых. Але менавіта ў студзені ў Касцюковічах адзначана мінімальная тэмпература паветра за мінулы год, –23,8 °С.

🌱 Кліматычная вясна наступіла на поўдні краіны 4-15 лютага – на 2-4 тыдні раней, чым звычайна.

Сакавік 2022 года стаў самым засушлівым з 1945 года. Ападкаў выпала ўсяго 17% ад кліматычнай нормы.

А красавік, наадварот, стаў самым вільготным за гэты ж перыяд назіранняў – колькасць ападкаў перавысіла дзве месячныя нормы.

☀️ Лета стала трэцім самым цёплым летам за ўсю гісторыю метэаралагічных назіранняў з 1881 года!

У чэрвені былі зарэгістраваны трапічныя ночы, калі мінімальная тэмпература паветра за ноч складала +20 градусаў і больш. А 28 чэрвеня ў Лельчыцах адзначаны тэмпературны максімум па краіне, +34,3 °С.

Працяг👇
1k 1 7 60
Дзікая прырода побач

25 Jan, 19:00

Open in Telegram Share Report
Здымай птушак анлайн і выйграй фотавызначальнік! ⚡️

Арганізатары стрыму з кармушкі каля Белавежскай пушчы абвясцілі конкурс “Скрыншот месяца са сталоўкі для птушак у Вуглянах”.

Умовы:

✅ зарэгіструйся на сайце “Птушкі штодня” і назірай за трансляцыяй па спасылцы www.birdwatch.by/stalouka-2023

✅ размясці скрыншот (колькасць неабмежаваная) або кароткае відэа да 2 хвілін са стрыму ў каментары пад акном трансляцыі

✅ коратка падпішы свой скрыншот/відэа – якая сітуацыя ці міні-гісторыя прыцягнула тваю ўвагу.

☝️ Скрыншоты/відэа павінны адлюстроўваць нешта цікавае са стрыму. Напрыклад, узаемадзеянне птушак аднаго ці розных відаў паміж сабой, новы для трансляцыі від птушак або звяроў, вялікую колькасць птушак у кадры, іх незвычайнае размяшчэнне.

❗️ Падзеі ў стрыме можна адматаць да 12 гадзін назад.

Зычым цікавых назіранняў і поспехаў! 🤗

📷 Фота: Павел Сацута.

Калі ты таксама хочаш дзяліцца з намі птушынымі фотаздымкамі, далучайся да чату "Птушкі з фотастужкі" t.me/ptushkafota.
1.3k 0 2 71
Дзікая прырода побач

24 Jan, 19:05

Open in Telegram Share Report
Звычайная туркаўка, птушка 2023 года - гераіня чарговай лекцыі з цыклу
“ProПтиц на Биофаке” ад біялагічнага факультэта БДУ! 💚

❓ Што агульнага ў туркаўкі і чарапахі?
❓ Якіх замежных "сваякоў" туркаўкі чакаюць беларускія птушкары?
❓ Як і дзе пабачыць птушку года?
❓ Чаму звычайная туркаўка хутка можа стаць незвычайнай?

На гэтыя і шмат іншых пытанняў у суботу 4 лютага адкажа вопытны арнітолаг Сямён Левы. Пачатак а 10:00.

🎟 Лекцыя бясплатная, але рэгістрацыя абавязковая – wildlifebelarus.org/biofac.
1.5k 0 18 3 95
Дзікая прырода побач

20 Jan, 20:01

Open in Telegram Share Report
🪶 Дэлавэрская чайка ўпершыню адзначана 26 сакавіка 2022 года ў Брэсцкай і Гомельскай абласцях дзякуючы спадарожнікаваму перадатчыку. А ўжо 31 сакавіка яе знайшлі птушкары ў Гомелі на Валатоўскім возеры. Птушка гняздуе ў Паўночнай Амерыцы, у апошнія дзесяцігоддзі рэгулярна залятае ў Еўропу, а асобныя птушкі нават застаюцца тут на зімоўку.

🪶 Арол-шуляк (ястребиный орёл) адзначаны 29 і 30 сакавіка ў Смаргонскім раёне дзякуючы спадарожнікаваму перадатчыку. Гэта маладая самка, якая нарадзілася на поўдні Францыі ў 2019 годзе. Від гняздуе ад Маўрытаніі да паўднёва-ўсходняга ўзбярэжжа Кітая.

Цяпер у спісе птушак Беларусі 342 віды! 🐦

👀 Назірай за птушкамі ўважліва, фатаграфуй: магчыма, менавіта табе пашанцуе адкрыць новы для нашай краіны від! 😉

📷 Фота: Дзьмітры Якубовіч, birdwatch.by; (ілюстрацыйнае) Jason Thompson,. commons.wikimedia.org; Максім Косцін, birdwatch.by; Іна Субоціна; (ілюстрацыйнае) T. R. Shankar Raman, commons.wikimedia.org.
1.7k 0 2 1 113
Дзікая прырода побач

20 Jan, 20:00

Open in Telegram Share Report
Спіс птушак Беларусі павялічыўся на 5 відаў! 👏

Беларуская арнітафаўністычная камісія зацвердзіла і ўключыла ў спіс нашых птушак новыя віды:

🪶 Арлан-даўгахвост. Дзіўную птушку ўбачыла група птушкароў на рыбгасе Волма 22 жніўня 2021 года, а дома вызначыў па фота Андрэй Барадзін. Каб апынуцца ў Беларусі, гэты малады арлан-даўгахвост павінен быў здзейсніць вандроўку даўжынёй прынамсі 5 тысяч км!

🪶 Сiняхвостку адлавіў і акальцаваў арнітолаг Дзяніс Кіцель 14 верасня 2021 года на станцыі кальцавання “Сасновы бор” у Расонскім раёне. Гэтая птушка любіць хваёвыя лясы – калі бываеш там, назірай уважліва за птушкамі, магчыма, і табе пашчасціць убачыць гэты скрытны прыгожы від.

🪶 Таўстадзюбую пячураўку (толкстоклювую пеночку) таксама адлавіў і акальцаваў Дзяніс Кіцель на станцыі “Сасновы бор” - усяго праз пару тыдняў пасля сіняхвосткі. Гнездавы арэал гэтай птушкі ад нас далёка: найбліжэйшыя гняздуюць пад Навасібірскам. У Еўропу памылкова ляцяць некаторыя асобіны, таму еўрапейцы радуюцца кожнай такой сустрэчы.

Працяг👇
1k 0 14 111
Дзікая прырода побач

19 Jan, 19:11

Open in Telegram Share Report
🌡️ Праз пацяпленне ў Беларусь пачалі вяртацца птушкі!

Сярод птушак-мігрантаў існуюць дзве вялікія групы - дальнія (пералётныя птушкі) і бліжнія мігранты.

🐦 Пералётныя птушкі звычайна зімуюць у іншай кліматычнай зоне, чым гняздуюць. Яны адлятаюць задоўга да пачатку зімы, таму наўрад ці ведаюць, якая яна ў нас.

🐦 А вось бліжнія мігранты адлятаюць ад нас не далей за краіны Заходняй і Паўднёвай Еўропы. З паляпшэннем надвор'я яны могуць вяртацца, каб паспець заняць найлепшыя месцы для гнездавання.

Ужо ў першай палове студзеня ў Брэсцкай і Гродзенскай абласцях адзначалі чароды шэрых жураўлёў, шэрых гусей, гусей-гуменніц, белалобых гусей, а таксама вялікіх белых чапляў і кнігавак (чибисов).

❓ Ці давялося табе ўжо ўбачыць каго-небудзь з гэтых птушак? А можа, у твае мясціны вярнуліся і іншыя птушкі-мігранты?

📷 Фота: Олексій Карпенко, commons.wikimedia.org.
1.3k 0 8 3 96
Дзікая прырода побач

17 Jan, 19:47

Open in Telegram Share Report
❓ Магчыма, і ў Беларусі гасцюе такая азіяцкая красуня?

Усходняя туркаўка (большая горлица), пра якую мы пісалі зусім нядаўна, адзначана ў Грэцыі 30 снежня 2022 года. Дзвюх птушак бачылі на ўсходняй дамбе вадасховішча Керкіні.

Залёты гэтых птушак у Еўропу рэдкія, але здараюцца. Цалкам магчыма, што ў Беларусі іх можна таксама сустрэць.

🐦 Усходняя туркаўка крыху большая за звычайную туркаўку (обыкновенную горлицу), але ў цэлым вельмі на яе падобная.

❗ Калі ўбачыш птушку, падобную да звычайнай туркаўкі, абавязкова фатаграфуй яе і дасылай фота ў нашыя сацсеткі.

☝️ Гэтая птушка можа аказацца новым для Беларусі відам.

📷 Фота: усходняя туркаўка ў Грэцыі. Аўтар – Kostas Papadopoulos, www.facebook.com/groups/balkansrarebirdsightings.
1.5k 0 1 99
Дзікая прырода побач

15 Jan, 21:13

Open in Telegram Share Report
Калі б птушкі рабілі сэлфі. 😂

Працягваем збіраць найлепшае з рубрыкі #чевосмотреш. Яе запусцілі аматары дзікіх жывёл у чатах "Ціў-ціў" t.me/ptushkachat і "Птушкі з фотастужкі" t.me/ptushkafota.

❤️ Публікуй свае варыянты фота для рубрыкі ў каментарах!

📷 Аўтары фота: Іна Субоціна (качка-мандарынка / мандаринка), Павел Сацута (лясная завірушка / лесная завирушка), Анастасія Скачэк (качка-крыжанка / кряква).
1.5k 0 10 1 161
Дзікая прырода побач

13 Jan, 23:03

Open in Telegram Share Report
Дэлавэрская чайка прызнана самым незвычайным назіраннем 2022 года ў Беларусі паводле галасавання Клуб200.

🌎 Птушка гняздуе ў Паўночнай Амерыцы, аднак некаторыя асобіны рэгулярна наведваюць Еўропу і нават зімуюць там.

Аб візіце дэлавэрскай чайкі ў Беларусь стала вядома дзякуючы паведамленню фірмы Interrex — rings & telemetry, якая сочыць за перамяшчэннямі чайкі праз GPS-перадатчык.

Беларуская арнітафаўністычная камісія зацвердзіла рэгістрацыю на аснове спадарожнікавых дадзеных. Такім чынам дэлавэрская чайка стала 341-м відам у Спісе птушак Беларусі.

🐦 У гэтай птушкі нават ёсць асабістае імя – Кайзерка. Яго яна атрымала ў Польшчы, дзе адзначаецца на працягу ўжо 17 гадоў.

Яе акальцавалі ў польскім горадзе Шчэціне ў 2005 годзе. Тады ўзрост птушкі быў болей за два гады, а зараз ёй ужо каля 20 гадоў.

Цікава, ці наведае Кайзерка Беларусь у гэтым годзе?

📷 Фота: Іна Субоціна.
1.3k 1 13 150
Дзікая прырода побач

12 Jan, 20:43

Open in Telegram Share Report
Прыгажун на фота – звычайны юрок. 🧡

У Беларусі яго часцей за ўсё можна сустрэць падчас восеньскай і вясновай міграцыі, але можна пабачыць і ўзімку.

Знешне ён падобны да берасцянкі (зяблика), але ў юрка грудзі, горла і плечы – ярка-рыжага колеру, а брушка – белае.

🐦 Птушку можна сустрэць у палях, садах, агародах, парках, часта ў змешаных чародках з берасцянкамі і зелянушкамі.

А часам юрка можна ўбачыць на сваёй кармушцы. 😉

❓ Ці бачыў_ла ты такога? А можа, ён прылятаў да цябе на кармушку? 😊

📷 Фота: Alexkonovalov.

Калі ты таксама хочаш дзяліцца з намі птушынымі фотаздымкамі, далучайся да чату "Птушкі з фотастужкі" t.me/ptushkafota.
1.5k 0 11 1 142
Дзікая прырода побач

11 Jan, 21:49

Open in Telegram Share Report
🐦 Вось такіх яркіх птушак можна ўбачыць узімку!

Звычайнага зімародка сустрэў Сяргей Рэзаў на Чыжоўскім вадасховішчы, дзе птушка засталася на зімоўку. ❄️

Цікава, што зімародак трымае рыбу ў дзюбе галавой ад сябе (другое фота) – як падарунак для самкі. Звычайна гэта адбываецца вясной, у шлюбны перыяд або падчас выкормлівання птушанят. Магчыма, пацяпленне паўплывала на паводзіны зімародка.

Калі зімародак корміцца сам, то звычайна трымае злоўленую рыбу хвастом ад сябе.

❓ А ты бачыў_ла зімародка гэтай зімой?

📷 Фота 1 (ілюстрацыйнае): Frank-2.0, commons.wikimedia.org.
Фота 2: Сяргей Рэзаў.
1.4k 0 15 5 183
Дзікая прырода побач

9 Jan, 20:34

Open in Telegram Share Report
Знаёмся: птушкарка, якая зрабіла 2022 год двойчы рэкордным – Алёна Ціхановіч!

🥇 Яна стала чэмпіёнкай адразу ў двух спаборніцтвах – Вялікі год і Фотагод.

🐦 Вялікі год – неафіцыйны марафон сярод аматараў птушак, які зарадзіўся ў ЗША. Цяпер ён праводзіцца ў многіх краінах, і беларускія птушкары таксама ўдзельнічаюць у ім.

Сэнс у тым, каб за каляндарны год вызначыць (пабачыць ці пачуць) як мага больш відаў птушак.

Фотагод – спаборніцтвы, калі на працягу года трэба сфатаграфаваць максімальна магчымую колькасць відаў птушак.

👏 Алёна набрала ў Вялікім годзе 266 відаў, а ў Фотагодзе – 262 віды. Віншуем з перамогай! 🎉

Інтэрв’ю Алёны аб складаным, але настойлівым і цікавым шляху да перамогі чытай па спасылцы https://birdwatch.by/news/17332.

📷 Зялёная жаўна, фота - Алёна Ціхановіч.
1.7k 1 7 4 169
Дзікая прырода побач

7 Jan, 15:31

Open in Telegram Share Report
Video is unavailable for watching
Show in Telegram
🦅 Канюх-мышалоў быццам ведае, што яго здымаюць, пазіруе ў кадры і глядзіць проста ў камеру!

На птушыную сталоўку каля вёскі Вугляны ў Белавежскай пушчы залятаюць не толькі птушкі, але прыходзяць і дзікія звяры – алені, казулі, лісы. 🦌🦊

Падключайся да назіранняў анлайн па спасылцы https://birdwatch.by/stalouka-2023.

А калі заўважыш нешта цікавае і незвычайнае, рабі скрын і дасылай у Тэлеграм-чат @vuhliany. Там ужо ідзе актыўная дыскусія! 😊
1.7k 1 16 1 138
Дзікая прырода побач

7 Jan, 13:11

Open in Telegram Share Report
Са светлым святам Раства Хрыстова! 👼💫

Няхай яно напоўніць тваё жыццё цяплом і ўтульнасцю! ❤️

Зычым міру, дабра, радасці, здароўя і шчасця! ✨

📷 Сіняя сініца. Аўтар - Іна Шкурко, t.me/ptushkafota
1.7k 0 17 183
18 last posts shown.