Type to search
Advanced channel search

Купить живой трафик

2 руб / подписчик
img
ad

Нужны подписчики в Telegram?

От 2₽, с фильтрами и лимитами
img
ad

Продам канал с доходом 138090

Всего за 55 000. Срочно нужны деньги.
img
ad

Вясна: Палітвязні Беларусі

@prisoners_spring96
Channel's geo and language: Belarus, Belarusian
Category: Law

Мы стварылі адмысловы канал, дзе будзем збіраць усю магчымую інфармацыю пра людзей, якія пацярпелі ад рэпрэсій з боку беларускіх уладаў, а таксама важныя і карысныя парады па дапамозе ім і іх родным. Наш бот: @viasna_bot

Related channels  |  Similar channels
Channel's geo and language
Belarus, Belarusian
Category
Law
Statistics
Is this your channel? Confirm Канал в реестре блогеров РКН? Confirm Channel history
Posts filter

Вясна: Палітвязні Беларусі

11 Mar, 09:36

Open in Telegram Share Report
📍Сёння разгледзяць апеляцыйную скаргу палітвязня Елісея Кузняцова

21-гадовага хлопца ўжо тройчы судзілі па палітычных матывах. У 2020 годзе яго асудзілі да 2,5 гадоў "хатняй хіміі" паводле двух артыкулаў Крымінальнага годэкса. Пазней за "парушэнні" яму замянілі пакаранне на пазбаўленне волі. 17 снежня 2022 года Елісей адбыў тэрмін і выйшаў на волю з наваполацкай калоніі № 1.

23 траўня 2023 года стала вядома, што Елісея зноў паказальна заключылі пад варту ў Высокаўскім аграрным каледжы. У жніўні 2023 года яго асудзілі да 2,5 годоў калоніі за тры сарваных дзяржаўных сцяга. Палітвязень адбываў тэрмін у барысаўскай калоніі № 14. 

У снежні ў Барысаве адбыўся ўжо трэці суд. Тады Елісея абвінавачвацілі паводле ч. 1 арт. 411 КК (злоснае непадпарадкаванне патрабаванням адміністрацыі калоніі). Справу вяла суддзя Людміла Зінкевіч, але вынік невядомы.

Сёння Мінскім абласны суд разгледзіць апеляцыйную скаргу Елісея. Рашэнне будзе прымаць судовая калегія пад старшынствам суддзі Алега Лапекі.
1.5k 1 5 8
Вясна: Палітвязні Беларусі

4 Mar, 12:08

Open in Telegram Share Report
📍У Мінску хутка пачнуць судзіць эстонца і вядомага баскетбольнага суддзю

Мінскі гарадскі суд 17 сакавіка пачне разглядаць крымінальную справу супраць эстонца Алана Роя і баскетбольнага суддзі Аляксандра Сырыцы, якога затрымалі летась па вяртанні ў Беларусь. Палітвязняў больш за год утрымліваюць пад вартай. Іх справу будзе разглядаць суддзя Анжэла Касцюкевіч.

У залежнасці ад ролі кожнага іх абвінавачваюць паводле ч. 2 арт. 361-1 КК (стварэнне экстрэмісцкага фармавання альбо ўдзел у ім); ч. 1 арт. 367 КК (паклёп у дачыненні да Лукашэнкі); ч. 1 арт. 368 КК (абраза Лукашэнкі); ч. 3 арт. 130 КК (распальванне іншай сацыяльнай варожасці або варажнечы); ч. 1 арт. 361-1 КК (стварэнне экстрэмісцкага фармавання альбо ўдзел у ім).

Вядома, што 16 студзеня 2024 года КДБ прыняў рашэнне аб прызнанні «экстрэмісцкім фармаваннем» фонду «Fund of Belarus Friend LTD». У рашэнні ведамства былі пазначаныя людзі, якія нібыта маюць дачыненне да фонду: Алег Стэфановіч і Аляксандр Сырыца, а таксама Алан Роя.
2.8k 3 13 10
Вясна: Палітвязні Беларусі

3 Mar, 12:19

Open in Telegram Share Report
📍У Мінску на гэтым тыдні будуць судзіць гаспадыню аграсядзібы з Баранавічаў Тамару Патоцкую

Тамару затрымалі 5 снежня 2024 года ў Баранавічах. Пазней стала вядома, што жанчыну перавялі ў Мінск у СІЗА № 1. Яе абвінавачваюць паводле ч. 1 арт. 342 КК (актыўны ўдзел у дзеяннях, якія груба парушаюць грамадскі парадак). Судзіць Тамару пачнуць 5 сакавіка ў судзе Першамайскага раёна Мінска. Працэс будзе весці суддзя Анастасія Ляйкоўская.

Паводле яе знаёмых, жанчына грамадскай актыўнасці пасля 2020 года не праяўляла. Займалася толькі аграсядзібай. Але ў 2020 годзе яна была ў ініцыятаўнай групе Святланы Ціханоўскай, была арыштавана на 15 сутак. А ў 2022 годзе атрымала штраф за "распаўсюд экстрэмісцкіх матэрыялаў" (арт. 19.11 КаАП).
2.9k 1 14 15
Вясна: Палітвязні Беларусі

27 Feb, 11:35

Open in Telegram Share Report
Палітзняволенага грамадзяніна Арменіі пачынаюць судзіць за «непадпарадкаванне адміністрацыі» ваўкавыскай калоніі

51-гадовага жыхара Віцебска і грамадзяніна Арменіі Ярванда Марцірасяна асудзілі летась да двух гадоў калоніі за «абразу Лукашэнкі».

Паводле версіі абвінавачвання, мужчына нападпітку ў службовым аўтамабілі пры супрацоўніках аддзела Дэпартамента аховы неаднаразова негатыўна выказаўся на адрас Лукашэнкі.

У кастрычніку мінулага году мужчыну адправілі адбываць тэрмін у калонію № 11 у Ваўкавыску.

27 лютага ў судзе Ваўкавыскага раёна адбудзецца разгляд справы Ярванда паводле ч. 1 арт. 411 КК (злоснае непадпарадкаванне патрабаванням адміністрацыі папраўчай установы). Справу будзе разглядаць Ганна Каралевіч.
3.1k 1 7 10
Вясна: Палітвязні Беларусі

27 Feb, 10:14

Open in Telegram Share Report
Аляксандра Францкевіча другі раз за год пачынаюць судзіць за «непадпарадкаванне адміністрацыі калоніі»

У судзе Аршанскага раёна і г. Оршы 27 лютага над анархістам Аляксандрам Францкевічам адбудзецца другі запар суд паводле ч. 2 арт. 411 Крымінальнага кодэкса (злоснае непадпарадкаванне адміністрацыі калоніі). Паўгода таму Аляксандра ўжо асудзілі да года пазбаўлення волі па гэтым артыкуле.

Цяпер яму зноў могуць дадаць тэрмін зняволення. Акрамя гэтага, палітвязня некалькі месяцаў утрымлівалі ў рэжыме інкамунікада. 

Чытаць па спасылцы 👉 https://spring96.org/be/news/117434
3.1k 1 11 15
Вясна: Палітвязні Беларусі

21 Feb, 17:41

Open in Telegram Share Report
Палітзняволеная Вольга Маёрава з-за кратаў пра беларускую мову

У Дзень роднай мовы ўзгадваем ліст асуджанай да 20 гадоў калоніі Вольгі Маёравай, які яна даслала на волю з гарадзенскай турмы ў 2021 годзе.

«Я разумею, як цяжка перайсці ад пісьма па-беларуску да размовы па-беларуску. Я таксама знаходжуся зараз у выключна рускамоўным атачэнні, бо сітуацыя моўная вельмі аптымістычна для мяне змянілася — мова стала сродкам зносін высокаадукаваных слаёў насельніцтва, а да гэтых тутэйшых сацыяльных нізоў яна яшчэ не дабралася. Думаю, што такога становішча не было на Беларусі з часоў Вялікага Княства Літоўскага, калі ўсё справаводства дзяржавы было на беларускай мове, а значыць, гэта была мова інтэлектуальнай эліты».

Нагадаем, Гродзенскі абласны суд у кастрычніку 2022 года асудзіў Вольгу да 20 гадоў калоніі. Пазней яе асудзілі паводле арт. 411 КК да аднаго год і шасці месяцаў калоніі. 

Адрас утрымання: ПК № 24, 247526, вул. Вытворчая, 44, г. п. Зарэчча, Рэчыцкі раён, Гомельская вобласць
3.7k 1 9 27
Вясна: Палітвязні Беларусі

18 Feb, 11:03

Open in Telegram Share Report
💔Палітзняволены Ігар Карней схуднеў на 15 кілаграмаў і мае праблемы з сэрцам

Паводле крыніцы, з магілёўскага СІЗА палітвязня прывозілі на некалькі дзён у СІЗА КДБ у Мінску, адкуль вярнулі ў Магілёў.

«Пісаў, што ў СІЗА КДБ трапіў да лекара і там паслухалі сэрца, пацвердзілі, што не вельмі роўны рытм, выпісалі валяр’янкі. Яшчэ напісаў, што пасля шклоўскай калоніі палягчэў на 15 кг, зараз трохі ад’ядаецца ў Магілёве».


Паводле крыніцы, на ўмовы ў камеры ён не скардзіцца, шмат чытае і размаўляе з сукамернікамі. З ім няма тэлефоннай сувязі, але лісты даходзяць. Адзін з апошніх адрасаваны дочкам, якіх у Ігара чатыры:

«Самае вялікае маё жаданне вельмі простае: каб вас у самастойным жыцці любілі, цанілі і паважалі — гэтак жа, як мы з мамай. Спадзяюся, што так і будзе, бо вы заслужылі толькі ўзнёслага стаўлення — прыгожыя, таленавітыя, спагадлівыя. Я, у сваю чаргу, за сваю „камандзіроўку“ па розных установах шматразова пераканаўся, што такой дружнай вялікай сям’ёй няма каму і пахваліцца».


Крыніца: Радыё Свабода
3.5k 1 9 21
Вясна: Палітвязні Беларусі

18 Feb, 09:10

Open in Telegram Share Report
⁉️58-гадовая палітзняволеная Вольга Маёрава можа страціць зрок у зняволенні

Асуджаная да 20 гадоў калоніі Вольга Маёрава, якая ўтрымліваецца ў гомельскай калоніі № 24, рызыкуе цалкам страціць зрок. Пра гэта паведаміла прадстаўніца па сацыяльнай палітыцы АПК Вольга Зазулінская:

"У яе катаракта, рубцы, пагроза поўнай слепаты. Яна звярталася па дапамогу, але медыцынская частка калоніі адмовіла ў лячэнні. Больш за тое, з-за статусу «тэрарысткі» ёй не перадаюць лекі і медыцынскія бандэролі ад родных".

Нагадаем, Гродзенскі абласны суд 17 кастрычніка 2022 года агучыў прысуд 12 фігурантам "справы Аўтуховіча". Вольгу асудзілі да 20 гадоў калоніі. Віну яна не прызнала віну.

У сакавіку 2024 года палітзняволеную асудзілі паводле арт. 411 КК (непадпарадкаванне патрабаванням адміністрацыі) да аднаго год і шасці месяцаў калоніі. 

Адрас утрымання: ПК № 24, 247526, вул. Вытворчая, 44, г. п. Зарэчча, Рэчыцкі раён, Гомельская вобласць
3.7k 3 15 19
Вясна: Палітвязні Беларусі

17 Feb, 10:56

Open in Telegram Share Report
Палітзняволенага грамадзяніна Арменіі будуць судзіць за "непадпарадкаванне адміністрацыі" ваўкавыскай калоніі

51-гадовага жыхара Віцебска і грамадзяніна Арменіі Ярванда Марцірасяна асудзілі летась да двух гадоў калоніі за "абразу Лукашэнкі".

Паводле версіі абвінавачвання, мужчына ў падпітку ў службовым аўтамабілі ў прысутнасці супрацоўнікаў аддзела Дэпартамента аховы неаднаразова негатыўна выказаўся на адрас Аляксандра Лукашэнкі.

У кастрычніку мінулага году тэрмін мужчыну адправілі адбываць у калонію № 11 у Ваўкавыску.

27 лютага ў судзе Ваўкавыскага раёна адбудзецца разгляд справы Ярванда паводле ч. 1 арт. 411 КК (злоснае непадпарадкаванне патрабаванням адміністрацыі папраўчай установы). Справу будзе разглядаць Ганна Каралевіч.
3.4k 4 9 11
Вясна: Палітвязні Беларусі

14 Feb, 12:03

Open in Telegram Share Report
❗️Аляксандра Францкевіча другі раз за год будуць судзіць за "непадпарадкаванне адміністрацыі калоніі"

У судзе Аршанскага раёна і г. Оршы 27 лютага над анархістам Аляксандрам Францкевічам адбудзецца другі запар суд паводле ч. 2 арт. 411 Крымінальнага кодэкса (злоснае непадпарадкаванне адміністрацыі калоніі). Паўгода таму Аляксандра ўжо асудзілі да года пазбаўлення волі па гэтым артыкуле. Цяпер яму зноў могуць дадаць тэрмін зняволення. Акрамя гэтага, палітвязня некалькі месяцаў утрымлівалі ў рэжыме інкамунікада. 

Падрабязнасці 👉 https://spring96.org/be/news/117434
3.4k 5 10 16
Вясна: Палітвязні Беларусі

13 Feb, 11:49

Open in Telegram Share Report
❗️72-гадовага Васіля Дземідовіча напрыканцы лютага будуць судзіць дзявяты раз

У судзе Смалявіцкага раёна 20 лютага будуць разглядаць ужо дзявятую крымінальную справу супраць пенсіянера. Гэтым разам яго абвінавачваюць паводле арт. 369 КК (абраза прадстаўніка ўлады). Справу будзе весці суддзя Аляксандр Казлоўскі.

Агулам Васіля асудзілі да сямі гадоў пазбаўлення волі, пры гэтым вынік апошніх трох судоў пакуль невядомы. У зняволенні Васіля Іванавіча ўтрымліваюць амаль тры гады.

Цяпер Дземідовіч адбывае тэрмін у івацэвіцкай калоніі № 22. У сувязі з тым, што палітзняволенага ўнеслі ў «спіс тэрарыстаў», яму нельга рабіць грашовыя пераводы. Адзначым, што за апошнія гады пенсіянер перажыў дзясяткі этапаў. Этапуюць палітвязняў у цяжкіх умовах — таму гэта пакідае вельмі дрэнны адбітак на здароўі Васіля.

(Не) апошняе слова Васіля Іванавіча на адным з судоў
3.7k 4 19 20
Вясна: Палітвязні Беларусі

10 Feb, 15:13

Open in Telegram Share Report
💔Палітзняволеных Алену Гнаук і Вікторыю Кульшу змясцілі ў ПКТ

Былая палітзняволеная Паліна Шарэнда-Панасюк распавяла апошнія навіны пра жанчын:

"Пасля некалькіх тыдняў у ШІЗА яны былі пераведзеныя ў ПКТ. Гэта 99%, што супраць іх зноў будуць фабрыкаваць 411-ы артыкул".

Таксама Паліна дадала:

«У Вікторыі Кульшы ўжо, напэўна, адмовілі ныркі. Яна трымала галадоўкі проста месяцамі, яна адмаўлялася ад вады і піцця. Яна ўскрывала сабе вены. Яе кідалі з гэтым у ШІЗА – яна ў ШІЗА ўскрывала сабе вены. Яна ў ПКТ трымала галадоўкі. Яна адмаўлялася ад дапамогі лекараў».

Нагадаем, Алена і Вікторыя адбываюць тэрміны ў жаночай калоніі № 24 у Зарэччы, адкуль днямі выйшла Шарэнда-Панасюк. Жанчын раней асудзілі за "злоснае непадпарадкаванне адміністрацыі калоніі". Увесь час адміністрацыя ўстановы жорстка цісне на палітзняволеных.
4k 2 15 27
Вясна: Палітвязні Беларусі

8 Feb, 11:10

Open in Telegram Share Report
📍Палітвязня Эдуарда Бабарыку зноў будуць судзіць за "непадпарадкаванне адміністрацыі калоніі"

Эдуарда ўтрымліваюць у зняволенні ўжо больш за чатыры з паловай гады. У ліпені 2024 года яму дадалі да васьмі гадоў пазбаўлення волі яшчэ два гады паводле ч. 2 арт. 411 КК (злоснае непадпарадкаванне адміністрацыі калоніі).

Для адбыцця тэрміна палітвязня перавялі ў ваўкавыскую калонію № 11, дзе менш чым за паўгода па ініцыятыве адміністрацыі супраць яго ўзбудзілі другую запар справу па ч. 2 арт. 411 КК. Суд над ім распачнецца ўжо 20 лютага.

Падрабязнасці 👉 https://spring96.org/be/news/117389
4.4k 1 16 19
Вясна: Палітвязні Беларусі

7 Feb, 22:01

Open in Telegram Share Report
❗️Журналіста Ігара Ільяша абвінавачваюць паводле двух крымінальных артыкулаў

Нагадаем, пра затрыманне Ігара Ільяша стала вядома 22 кастрычніка. Праўладныя тэлеграм-каналы пісалі, што Ільяш займаўся «садзейнічаннем экстрэмісцкім фармаванням» — даваў інтэрв'ю незалежным СМІ, а таксама нібыта «займаўся зборам звестак для замежных разведак» — даваў каментары ўкраінскім выданням.

Жонка Ігара — палітзняволеная журналістка Кацярына Бахвалава.

Стала вядома, што Ігара абвінавачваюць у «дыскрэдытацыі Беларусі» (арт. 369-1 КК) і «садзейнічанні экстрэмісцкай дзейнасці» (ч. 2 арт. 361-4 КК). Яго справу пачнуць разглядаць ужо 21 лютага ў Мінскім гарадскім судзе. Працэс будзе весці суддзя Сяргей Кацэр.
4.6k 1 16 19
Вясна: Палітвязні Беларусі

5 Feb, 10:09

Open in Telegram Share Report
📍Сёння пачынаецца чарговы суд над палітвязнем Уладзімірам Кнігай

Нагадаем, фігуранта "справы Ціханоўскага" ўтрымліваюць у няволі амаль чатыры з паловай гады, з іх больш за год і тры месяцы — у рэжыме інкамунікада без сувязі са знешнім светам.

Летась палітвязню дадалі яшчэ адзін год зняволення паводле арт. 411 КК (злоснае непадпарадкаванне законным патрабаванням адміністрацыі калоніі) і перавялі ў барысаўскую калонію № 14. Па інфармацыі "Вясны", там на Уладзіміра працягваюць аказваць ціск: яго змясцілі ў ПКТ і рэгулярна выпісваюць новыя парушэнні. Акрамя гэтага, яго пазбавілі перадач, спатканняў і званкоў. 

5 лютага суд Барысаўскага раёна пачынае разглядаць ужо другую справу супраць палітвязня паводле арт. 411 КК (злоснае непадпарадкаванне законным патрабаванням адміністрацыі калоніі). Працэс будзе весці суддзя Людміла Зінкевіч. Палітвязню пагражае да 1 года зняволення.
3.7k 1 7 11
Вясна: Палітвязні Беларусі

3 Feb, 14:19

Open in Telegram Share Report
❗️Былому вайскоўцу Дзмітрыю Пазнякову збіраюцца ўзмацніць пакаранне

Дзмітрый — ураджэнец Узбекістана. Служыў у 38-й асобнай гвардзейскай дэсантна-штурмавой брыгадзе, потым працаваў намеснікам каменданта ў Брэсцкай ваеннай камендатуры, а таксама выкладаў на вайсковым факультэце БДУ. Яго затрымалі 9 жніўня 2023 года. Паводле прапагандыстаў, Пазднякоў быў завербаваны польскімі спецслужбамі. У лістападзе 2023-га палітвязня асудзілі за "здраду дзяржаве" да 19 гадоў калоніі ва ўмовах узмоцненага рэжыму. Адбываць тэрмін яго адправілі ў наваполацкую калонію № 1.

Паводле інфармацыі "Вясны", у калоніі палітвязня катавалі з ужываннем электрашокера, прымушалі падпісваць дакументы і пустыя аркушы. Акрамя гэтага, яго неаднаразова адпраўлялі ў штрафны ізалятар (ШІЗА) і памяшканне камернага тыпу (ПКТ). Дома Дзмітрыя чакаюць жонка і двое дзяцей.

Цяпер стала вядома, што 14 лютага ў Наваполацку адбудзецца суд па замене Дзмітрыю рэжыму на турэмны. Справу будзе разглядаць суддзя Таццяна Хрыпач.
3.4k 3 13 17
Вясна: Палітвязні Беларусі

29 Jan, 11:50

Open in Telegram Share Report
📍У Віцебску сёння пачалі судзіць палітвязня Міхаіла Лабаня

Міхаіл — гаспадар ювелірнай майстэрні "Самародак", які займаўся вырабам упрыгожанняў для ўдзельнікаў рэканструктарскіх суполак, вывучаў гісторыю Сярэднявечча. Яго абвінавацілі ў "паклёпе ў дачыненні да Лукашэнкі" (ч. 1 арт. 367 КК), абразе "Лукашэнкі" (ч. 1 арт. 368 КК) і "абразе прадстаўніка ўлады" (арт. 369 КК).

У траўні 2022 года суддзя Віталь Лапко асудзіў палітвязня да 4 гадоў калоніі і штрафу ў памеры 100 базавых велічынь. Тэрмін Міхаіл адбываў у івацэвіцкай калоніі № 22. Але ў траўні 2024 года яму ўзмацнілі пакаранне і перавялі на турэмны рэжым у Магілёў.

У Віцебскім абласным судзе 29 студзеня Міхаіла пачалі судзіць за данаты паводле арт. 361-2 КК (фінансаванне дзейнасці экстрэмісцкага фармавання). Справу разглядае суддзя Аляксандр Абашын.
3.7k 1 14 20
Вясна: Палітвязні Беларусі

24 Jan, 15:02

Open in Telegram Share Report
❗️Ураджэнца Херсона Сяргея Белага будуць судзіць трэці раз

Сяргей родам з украінскага Херсона, але амаль усё жыццё пражыў у Беларусі. Мае двух непаўналетніх дзяцей. Мужчыну затрымалі ў лютым 2023 года. На "пакаяльным" відэа ён казаў, што пакідаў каментары ў тэлеграме і «прайшоў рэгістрацыю ў чат-боце план «Перамога». У першы раз яго асудзілі ў кастрычніку 2023 года за «распальванне іншай сацыяльнай варожасці» (ч. 1 арт. 130 КК).

Наступны суд над Сяргеем адбыўся 27 верасня 2024 года ў Мінгарсудзе. Яго абвінавацілі па 4 артыкулах — «удзел у экстрэмісцкім фарміраванні» (ч. 3 арт. 361-1 КК), «распальванне іншай сацыяльнай варожасці» (ч. 1 арт. 130 КК), «абраза прадстаўніка ўлады» (арт. 369 КК) і «абраза Лукашэнкі» (ч. 1 арт. 368 КК). Справу разглядаў суддзя Міхаіл Макарэвіч. Вынік суда невядомы.

Стала вядома, што 4 лютага ў судзе Заводскага раёна Мінска адбудзецца разгляд ужо трэцяй справы супраць Сяргея. Гэтым разам паводле арт. 369 КК (абраза прадстаўніка ўлады). Працэс будзе весці суддзя Жана Хвайніцкая.
4.3k 1 12 14
Вясна: Палітвязні Беларусі

24 Jan, 14:22

Open in Telegram Share Report
📍Новыя крымінальныя справы, відэа з палітвязнямі, памілаванні: агляд навінаў пра палітвязняў за студзень

Больш за чатыры гады ў Беларусі бесперапынна працягваюцца масавыя рэпрэсіі. Перад чарговымі прэзідэнцкімі выбарамі сітуацыя значна пагоршылася: сілавікі ладзяць "рэйды" па гарадах Беларусі, выклікаюць на размовы, прэвентыўна затрымліваюць, у тым ліку былых палітвязняў. Таксама праваабаронцы атрымліваюць інфармацыю пра ўтрыманне вязняў у жудасных умовах, пра ціск на іх з боку адміністрацыі, а таксама пра пагаршэнне здароўя зняволеных.

🔹Палітвязнямі за мінулыя тыдні былі прызнаныя 18 чалавек.

🔹Стала вядома, што цалкам адбылі тэрміны і выйшлі на волю не менш за 21 палітвязня.

🔹Тры чалавекі былі асуджаныя да пазбаўлення волі.

🔹Шэсць палітвязняў судзяць па новых крымінальных справах.

🔹У студзені прапагандысты паказалі відэа адразу з 5 палітзняволенымі, у тым ліку з тымі, хто больш за год утрымліваецца ў рэжыме інкамунікада.

📌"Вясна" распавядае апошнія навіны пра палітвязняў у аглядзе па спасылцы.
3.5k 1 6 7
Вясна: Палітвязні Беларусі

23 Jan, 17:10

Open in Telegram Share Report
🔗Палітзняволенага ўкраінца Андрэя Шмая могуць перавесці на турэмны рэжым

Андрэй нарадзіўся ў Чарнігаве і мае ўкраінскае грамадзянства. У Беларусь ён пераехаў пасля жаніцьбы. Сям'я ўжо 10 гадоў жыла ў Віцебску. Вядома, што мужчына — былы вайсковец, з 2006 па 2013 г. Служыў на беларуска-ўкраінскай мяжы інспектарам пункта пропуску "Ярылавічы". Палітвязня затрымалі 19 студзеня 2023 года наўпрост на працоўным месцы па "справе Мачулішчаў". 

Яго абвінавацілі па двух артыкулах Крымінальнага кодэкса: арт. 358 (шпіянаж) і арт. 358-1 (агентурная дзейнасць). Яго асудзілі да пазбаўлення волі ў калоніі. Дакладны тэрмін праваабаронцам невядомы.

Тэрмін Андрэя накіравалі адбываць у бабруйскую калонію № 2. Але 22 студзеня ў Бабруйску адбыўся суд па ўзмацненні палітвязню рэжыму ўтрымання. Справу разглядаў суддзя Дзмітрый Свірыдаў. Верагодна, у хуткім часе Андрэя перавядуць на турэмны рэжым.
3.1k 3 9 16
20 last posts shown.