"Беларускі погляд на Вільню -- горад першай беларускай кнігі, першай беларускай школы і першай беларускай палітычнай партыі. Аўтары фільма не хаваюць шкадавання, што цяперашняя Вільня - "адміністрацыйны цэнтр суседняе краіны" - стала для беларусаў "горадам страчаных шанцаў". Горадам, якому беларускія паэты прысвяцілі 70 вершаў і тры паэмы... Хаця Вільня стаіць толькі ў 180 км ад Менска, гэта іншы свет. Тут беларушчына ніколі не была савецкаю. Фільм дакументуе своеасаблівую "эстафету" пакаленняў. Старэйшыя віленскія беларусы адыходзяць, а іхняе месца займаюць малодшыя. Між іншых -- тыя, хто інспіраваў Адраджэнне на пераломе 1980-1990-х -- напрыклад, журналісты адноўленай у Вільні газеты "Наша Ніва"."

Фільм "Віленскі зборнік" (1994) Сяргея Дубаўца