Historyja

Сёння ў Латвіі свята – Дзень пракламацыі Латвійскай рэспублікі, што адбылося 18 лістапада 1918 года.

18 лістапада 1883 года нарадзіўся Язэп Лёсік - беларускі нацыянальны і палітычны дзеяч, пісьменнік, публіцыст, мовазнавец, педагог.

За змаганне з царскай уладай быў сасланы ў Сібір, адкуль вярнуўся ў Беларусь падчас Першай сусветнай вайны. Адразу ўвайшоў у Вялікую беларускую раду і стаў удзельнікам Першага Усебеларускага з'езда. Лёскі з'яўляецца адным з з ініцыятараў акту незалежнасці Беларускай Народнай Рэспублікі. Пазней апынуўся ў частцы Беларусі пад саветамі, дзе займаўся навукай і культурай. Ужо ў 1922 годзе за выданне "Практычнай граматыкі беларускае мовы" яго асудзілі і арытшавалі, што паўтарылася ў 1930 г. і 1938 г. Зноў быў сасланы, тым разам саветамі ў лагер за "антысавецкую агітацыю". Па сённяшні дзень невядома, ці памёр у турме, ці быў расстраляны. Лёсік быў родным дзядзькам Якуба Коласа.

"Марш з закрытымі ртамі" - шэсце напярэдадні "рэферэндуму" 1996 года. Менск, 17 лістапада 1996 года.

17 лістапада 1893 года нарадзіўся Кастусь Езавітаў - беларускі нацыянальны дзеяч, вайсковец, адзін з удзельнічаў у абвяшчэнні незалежнасці БНР.

Сёння Дзень Маці Божай Вастрабрамскай, цудатворная ікона якой знаходзіцца ў славутай віленскай капліцы ў Вострай браме. Той самай браме, якая згадваецца таксама ў вершы Максіма Багдановіча "Пагоня".

Толькі ў сэрцы трывожным пачую
За Краіну радзімую жах,
Успомню Вострую Браму святую
І ваякаў на грозных канях.

16 лістапада 1905 года нарадзіўся Ян Скрыган - беларускі пісьменнік, паэт, навеліст, нарысіст, публіцыст і крытык. Выпускнік слуцкай гімназіі. Рэпрэсаваны савецкімі ўладамі. Заслужаны работнік культуры Беларусі.