Сёння ў музеі Багдановіча адкрываецца мастацка-дакументальная выстава “КП – 2024” 📖

Фонды Літаратурнага музея Максіма Багдановіча штогод папаўняюцца каштоўнымі матэрыяламі. Сёлета ў музейны фонд паступілі 152 прадметы.

Напрыканцы года Максім Бараховіч з Ніжняга Ноўгарада перадаў у фонды фатаграфію цёткі паэта Марыі Багдановіч. Унучка Якуба Коласа Вера Міцкевіч падаравала том Першага поўнага збору твораў М. Багдановіча.
У фонды музея паступілі старажытныя кнігі і перыядычныя выданні ад Станіслава Пільневіча.

На выставе будуць і сучасныя рэчы, якія так ці інакш з'яўляюцца рэпрэзентацыяй — напрыклад, партрэт-сілуэт Багдановіча, створаны Анастасіяй Балыш, а таксама сучасныя выданні, прысвечаныя жыццю і творчасці Максіма Багдановіча.

Выстава будзе працаваць з 19.12.2024 па 15.01.2025❄️

📍Літаратурны музей Максіма Багдановіча, Мінск, вул.М.Багдановіча, 7а. Уваход на выставу вольны.